Yohana 2:11 - Kishambala New Testament 2005

¹¹ Ichi ni chandilo cha ntangilo, Yesu aγosholecho kuja Kana ya Galileya na kuonyesha, utana wakwe ulivyo; wahina wakwe wazamtozesha.

Yohana 2:11 ပူးပေါင်းရင်းမြစ်များ

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:17

Mulomongwa uzaiza na Mose, miya mbazi na kweli izalawila na Yesu Kilisito.

Yohana 1:43

Keloi jakwe Yesu akikunda kuhalawa, ahite Galileya, azamwona Filipo, azamuti: Nitongela!

Yohana 1:50

Yesu azamwitikila, azamuti: Watozesha, kuti nizakulonga kuti: Nizakuona haja he mkuyu, neuone vyekula kuzinka viya.

Yohana 10:41

Wangi wazamubasha, wazalonga: Yohana nkana lwitangilo, aγosholelo, mbuli zoshe Yohana alongilezo za uyu, ni za kweli.

Yohana 11:15

miya natamilwa kwa mbuli ya inywi, kangwe mtozeshe, kwa kuti ne niishiho; miya netihite na uko, aliko!

Yohana 11:47

Wavikizi wakulu na Mafaliseyo wazaunganyanya wafuṅwa woshe, wazaγamba: Titende zeze? Hambu uyu muntu aγoshola ntangilo nyingi.

Yohana 12:18

Kwa ivyoho wantu wazamγendela singili, kwa kuti wazaiva, kuti azaγoshola luja lwitangilo.

Yohana 12:37

Kangi aiγoshole ntangilo zeinga haja, waja waiolele, miya nkawamtozeshe,

Yohana 12:41

Ivyoho Yesaya alongile, kwa kuti azaona utana wakwe, kangi azalonga mbuli yakwe.

Yohana 14:13

Ndivyo mulombeze mwe zina jangu, neniviγoshole, kangwe Tate agimbikwe mwe ṅwanae.

Yohana 16:27

Hambu Tate ṅwenye amikundisha, kwa kuti inywi mzanikundisha, mzatozesha, kuti imi nilawile kwa Tate.

Yohana 16:30

Lushe tataila, kuti iwe wataila mbuli zoshe, muntu nkashindakuuza; kwa inu mbuli tatozesha, kuti uzalawa kwa Mulungu.

Yohana 2:1

Mushi wa ntatu kuna nteγuzi uko Kana ya Galileya, hata nine ja Yesu a haho.

Yohana 2:23

Akiikala Yelusalemu mishi ya mviko wa Pasa, wangi wazatozesha zina jakwe wakiona ziya ntangilo, azoγoshola.

Yohana 3:2

Uyu azahita kwa Yesu na kilo, azamuti: Mfuzi, tataila kuti: Iwe u mfuzi ulawileye kwa Mulungu; hambu nkakuna mwedaha kuγoshola ziya ntangilo, uzoγoshola iwe, ati nkaanga na Mulungu.

Yohana 4:3

Azalawa Yudeya, azahita viluhu Galileya.

Yohana 4:46

Azaingila vituhu Kana ya Galileya, aγalamushizemo mazi mvinyo. Kuna mfuṅwa ywa zumbe, ṅwanae ni mtamu uko Kapelinaumu.

Yohana 4:54

Ulu lushe ni lwitangilo lwa mbili, Yesu aγosholelo akilawa Yudeya, akihila Galileya.

Yohana 5:23

kangwe woshe wamgimbikaye ṅwanangwa, sa wavyomgimbika Tate. Ashimgimbikaye ṅwanangwa, Tate yohena amtumileye nkamgimbika.

Yohana 6:14

Wantu wakiona lwitangilo, aγosholeio, wazaγamba: Kweli uyu ni mteγanyingwa mweunga kuiza mwe inu shi.

Yohana 6:2

Wantu wangi wazamtongela, kwa kuti wazaona ntangilo, aγosholezo na kuhonya watamu.

Yohana 6:26

Yesu azawahitula angwe: Kweli namiti: Mkinilonda, so kwa kuti mzaona lwitangilo, ni kwa kuti mzaja nkande, mzaiγuta.

Yohana 6:30

Wazamuti: Uγoshole lwitangilo ani, tiluone, tikutozeshe? Una ndima ani?

Yohana 7:31

Miya wantu wangi wazamtozesha angwe: Kilisito ahozaizila neaγoshole ntangilo zekula kuzinka ziya, uyu azoγoshola?

Yohana 9:16

Mafaliseyo kuṅwe wazalonga: Yuja muntu nkaanduka kwa Mulungu, kwa kuti nkagimbika sabato. Watuhu wazaγamba: Muntu mhuza adaha zeze kuγoshola ntangilo zeinga aho?

2. Wakolinto 3:18

Miya ishwi toshe teona utana wa Zumbe na mesho yetu yashiγubikweyo, taγalamushiγwa, tifanane naye, tikiinkwa utana kwa utana, viya titeγalamushiγwa ni Zumbe ṅwenye mwe mpeho.

2. Wakolinto 4:17

hambu ukiwa welu wa ivi lushe wefikazinka waisiiza kutiγenyezeza utana ungi muno wekalama,

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

1. Yohana 5:13

Inywi mwetozesha zina ja ṅwana Mulungu niimigondele, kangwe mtaile, kuti nkalamo muna nayo.