Yohana 19:6 - Kishambala New Testament 2005

⁶ Wavikizi wakulu na wafunguwo wawe wakimwona wazakema angwe: Mkontele mwe muti! Mkontele mwe muti! Pilato awati: Mγuwei inywi, mkamkontele mwe muti! Hambu imi siona masa yakwe.

Yohana 19:6 ပူးပေါင်းရင်းမြစ်များ

Mateyo 26:58

Miya Petelo azamtongela hale hale mpaka kwe kitala cha mvikizi mkulu, azaingila na mumo, azaikala na wafunguwo, aone iyo mbuli, ndivyo ibontoke.

Mateyo 27:22

Angwe ni Pilato: Lushe Yesu mweitangwa Kilisito nimγoshwele mbwai? Woshe wazalandula: Akatakontelwa mwe muti!

Mateyo 27:24

Pilato akiona, kuti nkawavota, kuti vuzo jitaisiiza du, azaγuwa mazi, azahaka mikono, wantu woshe waiolele, angwe: Mwe aya masa ya mpome ya uyu muntu simo, yamanyei inywi wenye!

Luka 23:4

Miya Pilato azawalonga wavikizi wakulu na wantu we haja angwe: Uyu muntu siona masa yakwe.

Yohana 18:3

Yuja Yuda azaγuwa bumba ja washilikali na wafunguwo wa wavikizi wakulu na wa Mafaliseyo, waiza haja, waitozize taa na maγala ya moto haṅwe na mata.

Yohana 18:31

Pilato azawati: Mγuwei inywi, mkamlahe kwa vitigo vyenyu! Wayuda wazamuti: Ishwi nkatishungulwe kumkoma muntu.

Yohana 18:38

Pilato amuti: Vye kweli ni mbwai? Akilonga ivyoho azalawila Wayuda vituhu, azawati: Imi sina masa, nieneyo kwakwe.

Yohana 19:15

Waja wazakema angwe: Mwushe! Mwushe, umkontele mwe muti! Pilato awati: Nimkontele zumbe ywenyu mwe muti? Wavikizi wakulu wazalandula: Nkatina zumbe kushima Kaiza.

Yohana 19:4

Pilato azalawa vituhu na uko se, azawati: Olelai! Namlavya na kunu se kwenyu, kangwe mtaile kuti: Sina masa, niyoona kwakwe.

Ntuṅwa 2:23

Uyu Mulungu azamfanyanyiza aho kale ndimayakwe na kumshengela mhaka kwaviya, avyotaila mbuli zoshe; kwa ivyoho muzamγuwa mkimwinkwa ni mikono ya wahambanyi, muzamkontela mwe muti, muzamkoma.

Ntuṅwa 7:52

Ni mteγanyingwa yuhi, walate zenyu washimγulusheye? Wazawakoma waja wabilikilewo aho kale, mbuli ya uyu mtanda ndivyo ibontoke; ne yuja, mumwinkileye mishi inu, mumkomileye;