Yohana 19:4 - Kishambala New Testament 2005

⁴ Pilato azalawa vituhu na uko se, azawati: Olelai! Namlavya na kunu se kwenyu, kangwe mtaile kuti: Sina masa, niyoona kwakwe.

Yohana 19:4 ပူးပေါင်းရင်းမြစ်များ

Mateyo 27:19

Miya akiikala mwe kiti chakwe cha lahila masa, muke azamtumila angwe: Ushezakigela mwe mbuli ya yuja mtanda! Hambu kilo cha lelo nizapishiγwa vikulu mwe sozi kwa mbuli yakwe.

Mateyo 27:24

Pilato akiona, kuti nkawavota, kuti vuzo jitaisiiza du, azaγuwa mazi, azahaka mikono, wantu woshe waiolele, angwe: Mwe aya masa ya mpome ya uyu muntu simo, yamanyei inywi wenye!

Mateyo 27:4

angwe: Nizabana nikiinkila muntu ashiyeagiziγwa ni masa ya kuitilwa mpome. Waja wazamuti: Inu mbuli tina mbwai nayo ishwi? Imanye ṅwenye!

Mateyo 27:54

Mγolokezi ywa washilikali na waja, awona nawo, wakimγoja Yesu, wakiona uja mdidimo na viya vituhu vionekevyo, wazaingiiwa ni woγa ukulu, wazaγamba: Kweli uyu ne al ṅwana Mulungu.

Luka 23:4

Miya Pilato azawalonga wavikizi wakulu na wantu we haja angwe: Uyu muntu siona masa yakwe.

Luka 23:41

Kangi ishwi watitala, hambu titahokela vyeagiza viya, tiγosholevyo, miya uyu nkana abanilevyo.

Luka 23:47

Yuja mγolokezi ywa washilikali akiona viya vibontokevyo, azamtogola Mulungu angwe: Kweli uyu muntu ne ai mtanda.

Yohana 18:33

Pilato azaingila vituhu bomani; azamwitanga Yesu, azamuti: Iwe u zumbe ywa Wayuda?

Yohana 18:38

Pilato amuti: Vye kweli ni mbwai? Akilonga ivyoho azalawila Wayuda vituhu, azawati: Imi sina masa, nieneyo kwakwe.

Yohana 19:6

Wavikizi wakulu na wafunguwo wawe wakimwona wazakema angwe: Mkontele mwe muti! Mkontele mwe muti! Pilato awati: Mγuwei inywi, mkamkontele mwe muti! Hambu imi siona masa yakwe.

2. Wakolinto 5:21

Ashitailaye uhuza azamγalusha mhuza kwa mbuli ya ishwi, kangwe ishwi tiγalushiγwe ndiye watanda wa Kimulungu.

Waebuleyo 7:26

Hambu mvikizi mkulu mwetiagiza ni yuja ashiye mhuza, ashiye mubada, ashiye mumasa, ashiyeangilana na wahuza, mwekula kuzinka lwingu,

1. Petelo 1:19

miya mkombolwe na mpome yena kima, ni ya Kilisito, kwa viya avyo ṅwangolongwa ishiyo masa, ishiyo kilema.

1. Petelo 2:22

Ṅwenye nkaγoshole uhuza, mambeza du nkayaoneke mwe kanwa chakwe;

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.

1. Yohana 3:5

Kangi mwataila, kuti yuja azalawila, kangwe aushe uhuza, ṅwenye uhuza nkana nawo.