Yohana 19:24 - Kishambala New Testament 2005

²⁴ Wazaγambilana: Tisheipange! Miya tiitowele lusolo, ati neiγaluke ya ndai! Kangwe ugondengwa ubontoke uja wa kuγamba: Wazapangilana shuke zangu, nkazu yangu wazaitowela lusolo. Ne waja washilikali waγosholevyo.

Yohana 19:24 ပူးပေါင်းရင်းမြစ်များ

Mateyo 27:35

Wakibinda kumwamba mwe muti wazapangilana shuke zakwe na kuzitowela lusolo, kangwe ibontoke ija mbuli ilongiγweyo ni mteγanyingwa kuγamba: Wazapangilana shuke zangu, guni jangu wazajitowela lusolo.

Maliko 15:24

Wakibinda kumkontela mwe muti wazapangilana shuke zakwe na kuzitowela lusolo, kila muntu ndizo aγuwe.

Luka 23:34

Yesu azalonga: Tate, uwaushilize! Hambu nkawataila wavyoγoshola. Wazapangilana shuke zakwe na kuzitowela lusolo.

Yohana 10:35

Ati waja walongiγwawo na mbuli ya Mulungu azawaitanga walungu — kangi vigondiγwevyo nkavidaha kuushiγwa — lushe imi,

Yohana 13:18

Silonga kwa mbuli ya inywi nyoshe; imi nataila, nishaγulewo, miya kangwe ugondengwa ubontoke uja wa kuγamba: Mweja nkande zangu anishindika na kunishampa.

Yohana 19:28

Vikibinda Yesu akitaila, kuti vyoshe vizabontoka, kangwe ugondengwa uhontoke, aγamba: Nina nkilu.

Ntuṅwa 13:27

Hambu waja weikala Yelusalemu na wazumbe wawe nkawamtaila yuja, kangi mbuli za wateγanyi zefyomiγwa kila sikunkulu wazazibontola na ija milahile yawe.