Yohana 18:37 - Kishambala New Testament 2005

³⁷ Pilato azamuti: Lushe iwe u zumbe zeze? Angwe ni Yesu: Uzalonga, kuti ni zumbe. Imi ne nivyelwevyo, ne niizilevyo mwe inu shi, nilongele vye kweli uwona. Kangi kila muntu mweanduka mwe kweli aiva kanwa changu.

Yohana 18:37 ပူးပေါင်းရင်းမြစ်များ

Mateyo 26:64

Angwe ni Yesu: Uzalonga! Kangi namiti: Kuandiila ivi lushe nezemumwone ṅwanangwa ywa muntu, avyoikala kulume kwe nguvungwa, kangi avyoiza mwe mazunde ya lwingu.

Mateyo 27:11

Yesu azaiγalwa kwa yuja mtoza shi; uyu mtoza shi azamwuza: Iwe u zumbe ywa Wayuda? Angwe ni Yesu: Uzalonga.

Maliko 14:62

Angwe ni Yesu: Ni miyo; kangi nezemumwone ṅwanangwa ywa muntu, avyoikala kulume kwe nguvungwa, kangi avyoiza mwe mazunde ya lwingu.

Maliko 15:2

Pilato azamwuza: Iwe u zumbe ywa Wayuda? Azamwitikila angwe: Uzalonga.

Luka 22:70

Woshe wazamwuza: Lushe iwe u ṅwana Mulungu?

Luka 23:3

Pilato azamwuza angwe: Iwe u zumbe ywa Wayuda? Azamwitikila angwe: Uzalonga.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:17

Mulomongwa uzaiza na Mose, miya mbazi na kweli izalawila na Yesu Kilisito.

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 3:32

Aenevyo na aivilevyo, avilongela uwona, kangi uwona wakwe nkakuna mweuhokela.

Yohana 7:17

Ati muntu akunda kuγoshola, yuja avyokunda, atataila mifuzize yangu, ati ianduka kwa Mulungu, ati nilonga yangu ṅwenye.

Yohana 8:14

Yesu azawalandula angwe: Hata nikikilongela uwona ṅwenye, uwona wangu ni wa kweli, kwa kuti nataila, nikoanduka nako, kangi nikohita nako; miya inywi nkamtaila, nikoanduka nako, kangi nikohita nako.

Yohana 8:45

Miya kwa kuti imi nilonga vye kweli, nkamunitozesha.

Yohana 8:46

Kwenyu kuna mwenibunkula uhuza? Ati nilonga vye kweli, nini inywi mkishenitozesha?

Yohana 8:47

Mweanduka kwa Mulungu aiva mbuli za Mulungu; kwa ivyoho inywi nkamziiva, kwa kuti nkamwanduka kwa Mulungu.

1. Timoteyo 6:13

Mulungu mweinka vyoshe nkalamo na Kilisito Yesu azifizeye akimlonga Pontiyo Pilato uwona ni waona wangu, nikikulaγiliza,

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

1. Yohana 2:21

Simigondela, viya nkamtaila mbuliya kweli, miyaviya mwataila, kuti mambeza yoshe nkayaanduka he kweli.

1. Yohana 3:14

Tataila, kuti tizalawa he kifa, tizabula he nkalamo, hambu takundisha wanduγu, ashiyewakundisha ake mwe kifa.

1. Yohana 3:19

Ne ndivyo titaile navyo, ati tianduka he ukweli, kangi ne ndivyo tidahe kuvota myoyo yetu uko kwakwe,

1. Yohana 4:6

Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

Mfumbulo 1:4

Imi Yohana navigondela yaja mabumbangwa mfungate ye mwe shi za Asia: Mbazi imiikaile na mpeho yeanduka kwa yuja mwe haha! Ndiye ai haho kale hoshe, kangi ne ndiye nezealawile. Kangi ianduka kwa waja wantimizi mfungate weγolokela kiti chakwe,

Mfumbulo 3:14

Mlau ywa bumbangwa ja Lawodikiya umgondele kuγamba: Ne avyolonga mwamizi, yuja mwona mtanda na mkweli, chandilo cha vyoshe viumbiγwevyo ni Mulungu: