Yohana 18:20 - Kishambala New Testament 2005

²⁰ Yesu azamlandula: Imi nizalonga cha sale kunu shi; imi mishi yoshe nizafuza vikiloi na mwe vikilongwa, Wayuda woshe wamoungananilana, sina mbuli, nilongileyo na kufishafisha. Uniuza ywai?

Yohana 18:20 ပူးပေါင်းရင်းမြစ်များ

Mateyo 24:26

Lushe wakizamiti: Shuyuja, a mwe nyika!, mshezahita! Ao du: Shuyuja, a mwe nyumbangwa!, mshetozeshe!

Mateyo 26:55

Haho Yesu azalonga waja wantu angwe: Mulawile mwitozize shime na vigongo, viya mtabasha mumpoko, munigwile imi. Kangi mishi yoshe nizaikala kwenyu vikiloi nikifuza, miya nkamunigwizile.

Mateyo 26:65

Ne mvikizi mkulu ahotatula shuke zakwe angwe: Atemweza Mulungu! Tishindalondelai waoua?

Mateyo 4:23

Azaanga mwe shi ngima ya Galileya akifuza mwe vikilo na kubilikila ulau wedi wa uzumbengwa na kuhonya mahisho na manyonge yoshe yena wantu.

Mateyo 9:35

Yesu azaanga mwe mizi yoshe, hata mwe mizi ye tanga akifuza mwe mavikilo yawe na kubilikila ulau wedi wa uzumbengwa, vikibinda azahonya mahisho na manyonge yoshe.

Maliko 8:32

Petelo azamwinula he njama, azaandiila kumshunda.

Luka 21:37

Mishi ija azafuza vikiloi na mushii, miya na kilo azakulawa, azagona he mulima weitangwa wa miziyaγembe.

Luka 4:15

Ṅwenye azafuza mwe mavikilo yawe, akitogolwa ni wantu woshe.

Yohana 18:21

Uza waja waivilewo, niwalongilevyo! Oleia! Waja ne wetaila, imi nilongilevyo.

Yohana 6:59

Ivi azavilonga akifuza vikiloi kuja Kapelinaumu.

Yohana 7:14

Mishi ya uja mviko ikibula gati, Yesu azakwela mwe vikilongwa, azafuza.

Yohana 7:26

Kangi shivyo: Alonga cha sale, kangi nkawamlandula. Wafuṅwa watetaila kweli kuti: Uyu ni Kilisito?

Yohana 7:28

Yesu azabilikila mwe vikilongwa na kufuza angwe: Kweli imi mwanitaila, mwataila, nikoanduka nako! Siizile kwa mbuli yangu, kuna mkweli anitumileye, mushimtailaye.

Yohana 7:4

Hambu nkakuna mweγoshola mbuli na kuzifisha akikunda kutailikana. Ati viya waviγoshola, lawila inu shi ṅwenye!

Yohana 8:2

Kukicha azahita vituhu mwe vikilongwa, wantu woshe wazamtimila, azaikala akiwafuza.

Yohana 8:26

Mbuli zenyu nyingi nina nazo za kulonga na za kulaha, miya yuja anitumileye ni mkweli; nami viya, niivilevyo kwakwe, navilonga kunu shi.

Ntuṅwa 26:26

Hambu uyu Zumbe, niyemubilikila na nyemi, ataila izi mbuli, hambu sidaha kufanyanya kuti: Izi mbuli zoshe kuna ashizitailaye, hambu nkaviγosholwe nkandai.