Yohana 17:3 - Kishambala New Testament 2005

³ Inu ni nkalamo ya kale na kale wakikutaila, kuti u Mulungu ike, kangi wakimtaila yuja, anitumileye, kuti ndiye Yesu Kilisito.

Yohana 17:3 ပူးပေါင်းရင်းမြစ်များ

Maliko 9:37

Ndiye ahokele kazana keinga aha kwa mbuli ya zina jangu, anihokela imi; kangi ndiye anihokele imi, nkanihokela imi du, miya amhokela yuja anitumileye.

Luka 9:48

Ndiye ahokele aka kazana kwa mbuli ya zina jangu, anihokela imi; kangi ndiye anihokele imi, amhokela yuja anitumileye. Hambu mweγaluka mdodo ṅwenye kwenyu uyu ni mkulu.

Yohana 10:36

Tate aniṅazizeye, anitumileye mwe inu shi, inywi mtanilonga kuti: Wamweza Mulungu, kuti nizalonga: Ni ṅwana Mulungu?

Yohana 11:42

Miya niitaile kuti: Waniiva mishi yoshe; miya nivilongile kwa mbuli ya awa wantu weγoloka aha na kunidenganila, kangwe watozeshe, kuti uzanituma.

Yohana 17:18

Sa unitumilevyo mwe inu shi, vivyoho nizawatuma mwe inu shi.

Yohana 17:21

kangwe woshe waγaluke muṅwe, sa iwe Tate uvyoikala na imi, nami nivyoikala na iwe, kangwe wohe waikale na ishwi, kangwe inu shi itozeshe, kuti uzanituma!

Yohana 17:23

Imi naikala nawo, nawe waikala na imi, kangwe mbuli yawe ibontoke, wakiγaluka muṅwe kweli, kuti uzawakundisha, sa unikundishevyo imi.

Yohana 17:25

Tate mtanda, walaha masa yeagiza, inu shi nkaikutaile, imi nizakutaila, awawohewazataila, kuti uzanituma.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 3:17

Hambu Mulungu nkamtumile ṅwanae mwe inu shi, ailahe inu shi, miya inu shi ivunilwe ndiye.

Yohana 3:34

Hambu yuja, Mulungu amtumileye, alonga mbuli za Mulungu, hambu nkainkila mpehongwa na kuihima.

Yohana 5:44

Inywi mdahe zeze kutozesha mkigimbikana? Kangi ija migimbikilwe yeanduka kwa Mulungu ike nkamwilonda.

Yohana 6:57

Sa Tate mwe moyo anitumilevyo, sa nivyona nkalamo kwa mbuli ya Tate, vivyoho yuja, ndiye anije, atatenda nkalamo kwa mbuli ya imi.

Yohana 7:29

Imi namtaila, hambu nianduka kwakwe, yuja ne anitumileye.

Yohana 8:19

Wazamuti: Isho a kuhi? Yesu azawalandula angwe: Imi nkamunitaila, hata Tate nkamumtaila; ati mwanitaila imi, Tate yohe mwangamtaila.

1. Wakolinto 15:34

Vilukai vyedi, mshezahana! Hambu kuṅwe nkawataila vya Mulungu. Nivilonga ivi, nimigele shoni.

1. Wakolinto 8:4

Lushe iyo mbuli ya kuja nyama za fika tataila kuti: Mwe inu shi nkakuna mzimu, kangi nkakuna mulungu mtuhu kushima yuja muṅwe.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

Wafilipi 3:10

kangwe nimtaile ṅwenye na nguvu ya ufufuki wakwe na ya milumilwe yakwe nikiipangilwa nami,

Wafilipi 3:8

Kangi ivi lushe naisiiza kuvifanyanya viya vyoshe kuti: Vyahosa, kwa kuti kumtaila Zumbe ywangu Yesu Kilisito ni mbuli nkulu kuzinka mbuli zoshe; kwa mbuli ya uyu nizaviasha viya vyoshe nikivifanyanya kuti:

1. Watesalonike 1:9

Hambu wenye watamwilana, mutihokelevyo, muhitukevyo kwa Mulungu, mwashizevyo vinyuwa vya kuvika, kangwe mumtumikile Mulungu mwe moyo na mwe kweli,

2. Watesalonike 1:8

alahize waja washiwomtaila Mulungu kuti: Wazalemela kuitika ulau wa Zumbe ywetu Yesu.

Waebuleyo 3:1

Kwa ivyoho, wanduγu waṅazi, mweitangwa haṅwe na imi na mwitango wa kilwingu, mtongonyezei Yesu, kuti ni ntuṅwa na mvikizi mkulu, tiyemtogola!

2. Petelo 1:2

Mbazi na mpolele ziγenyeziγwe kwenyu aho mkimtaila Mulungu na Zumbe ywetu Yesu Kilisito!

2. Petelo 1:3

Vyoshe vya nguvu yakwe ya Kimulungu vyeleka wantu waone nkalamo na nyemi ya Kimulungu, tizafilwa mbazi navyo aho tikimtaila yuja, ndiye akitiitangila uṅazi na utana wakwe ṅwenye.

2. Petelo 1:8

Ati ivi vyoshe muna navyo, kangi vikiγenda vikiγenela vivyoho, nkevileke, mkitenda uvizu ao mkishowa kuwo jeanduka mwe kuja kumtaila Zumbe ywetu Yesu Kilisito.

1. Yohana 1:2

Nkalamo izalawila, tizaiona, tailongela uwona, taimibilikila ija nkalamo ya kale na kale; ne ii kwa Tatc, miya izatilawila.

1. Yohana 1:3

Lushe viya, tienevyo, tiivilevyo, tavimibilikila hata inywi, kangwe inywi nenywi mtende mwangilano na ishwi; kangi mwangilano wetu una Tate na ṅwanae Yesu Kilisito.

1. Yohana 2:23

Kila mwemkeleza Ṅwana nkani, hata Tate nkana naye, miya mwemlanga Ṅwana cha sale, hata Tate ana naye.

1. Yohana 4:6

Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.