Yohana 17:23 - Kishambala New Testament 2005

²³ Imi naikala nawo, nawe waikala na imi, kangwe mbuli yawe ibontoke, wakiγaluka muṅwe kweli, kuti uzawakundisha, sa unikundishevyo imi.

Yohana 17:23 ပူးပေါင်းရင်းမြစ်များ

Yohana 10:38

Ati naziγoshola, mkishenitozesha imi, tozeshai ziya ndima, kangwe mtailishe mwive kuti: Tate a haṅwe na imi, kangi imi ni haṅwe na Tate!

Yohana 13:35

Na inu mbuli woshe watataila kuti: Mu wahina wangu, ati mwakundishana wenye na wenye.

Yohana 14:10

Nkutozesha kuti: Imi niyaangilana na Tate, kangi Tate aangilana na imi? Mbuli, nizomilonga, sizilonga kwa imi ṅwenye. Tate mweikala kwangu yuja aγoshola ndima zakwe.

Yohana 14:23

Yesu azalandula, azamuti: Ndiye anikundishe, atatoza mbuli yangu, ne Tate atamkundisha, titaiza, tiikale kwakwe.

Yohana 15:9

Sa Tate anikundishevyo, ne nivyomikundisha nami; ikalai na kunikundisha!

Yohana 16:27

Hambu Tate ṅwenye amikundisha, kwa kuti inywi mzanikundisha, mzatozesha, kuti imi nilawile kwa Tate.

Yohana 17:11

Imi lushe simo mwe inu shi, miya waja wake mumu, imi naiza na kwako. Tate mṅazi, uwaγolokele waikale na zina jako, uninkilejo, kangwe waγaluke muṅwe, sa ishwi tivyo muṅwe!

Yohana 17:21

kangwe woshe waγaluke muṅwe, sa iwe Tate uvyoikala na imi, nami nivyoikala na iwe, kangwe wohe waikale na ishwi, kangwe inu shi itozeshe, kuti uzanituma!

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Yohana 17:26

Nizawaonyesha viya vya zina jako, kangi neniwaonyeshe vivyoho, kangwe luja lukundisho, unikundishelo nalo, luikale nawo, nami niikale nawo.

Yohana 17:3

Inu ni nkalamo ya kale na kale wakikutaila, kuti u Mulungu ike, kangi wakimtaila yuja, anitumileye, kuti ndiye Yesu Kilisito.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 3:17

Hambu Mulungu nkamtumile ṅwanae mwe inu shi, ailahe inu shi, miya inu shi ivunilwe ndiye.

Yohana 6:56

Mweja ṅwili wangu, mwenywa mpome yangu ana imi, nami nina naye.

1. Wakolinto 1:30

Kwakwe ne mkoanduka nako hata inywi mwena Kilisito Yesu. Uyu ne viyuγo vyetu vya Kimulungu na utanda na uṅazi na ukombozi, kangwe vigondiγwevyo vibontoke kuti:

2. Wakolinto 5:21

Ashitailaye uhuza azamγalusha mhuza kwa mbuli ya ishwi, kangwe ishwi tiγalushiγwe ndiye watanda wa Kimulungu.

Wagalatiya 3:28

Nkakuna Muyuda na Mgiliki, nkakuna mtuṅwa na ṅwana vyale, nkakuna mγoshi na mvyele, hambu nyoshe mu muṅwe, kwa kuti muna Kilisito Yesu.

Wafilipi 3:15

Toshe tekunda kubontola tifanyanye ivyoho! Ati mbuli ntuhuntuhu mwazifanyanya vyenyu, hata inu Mulungu nezeaimifumbwile.

Wakolose 1:28

Hata ishwi tamubilikila tikimshunda kila mimtu, kangi tikimhinya kila muntu na viyuγo vyoshe kangwe kila muntu nezetimwike, aizifize, kuti ana Kilisito.

Wakolose 2:2

kangwe myoyo yawe ishangalaziγwe, igelwe nguvu na lukundisho, wamote uja uzuli woshe, muntu awona nawo akiγenyeza viyuγo, wataile icho kihili cha Mulungu na cha Kilisito.

Wakolose 3:14

Miya kuzinka ivi vyoshe tendai lukundisho! Hambu ne lwebontoleza na kuivanya.

1. Petelo 5:10

Mulungu rawena mbazi zoshe, ndiye akimiitangila utanawakwe wekalama, we mwe Kilisito, ṅwenye neamizifye, mkilumila hadodo, neamigeele, neaminke nguvu, neamishikize!

1. Yohana 1:3

Lushe viya, tienevyo, tiivilevyo, tavimibilikila hata inywi, kangwe inywi nenywi mtende mwangilano na ishwi; kangi mwangilano wetu una Tate na ṅwanae Yesu Kilisito.

1. Yohana 3:1

Olelai, Tate avyotikundisha, tikiitangwa wana Mulungu! Kangi ishwi ndiwo. Ne vyeleka, imi shi ikishetitaila, kwa kuti nkaimtaila yuja.

1. Yohana 4:19

Netimkundishe! Hambu yuja azalongola kutikundisha.

Mfumbulo 3:9

Kaula! Nalavya kuṅwe wafuziγwewo ni Satani weγamba, kuti ni Wayuda, kangi siwo, watahenya. Kaula! Imi nezenileke, waiawile, wakukinile he milundi yako, wataile kuti: Nizakukundisha.