Yohana 17:22 - Kishambala New Testament 2005

²² Nami uja utana, uninkilewo, nizauwainka, waγaluke muṅwe, sa ishwi tivyo muṅwe.

Yohana 17:22 ပူးပေါင်းရင်းမြစ်များ

Maliko 6:7

Azaitanga waja kumi na waili, azaandiila kuwatuma wailiili, azawainka ufuṅwa wa mpepo ze usaba,

Luka 22:30

Kangwe muje, munywe he meza yangu mwe uzumbe wangu, kangwe mwikale mwe viti, mulahe ziya mbali kumi na mbili za wana Isilayeli.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:16

Hambu mwe viya, avyoγenyeza, ishwi toshe tizaγuwa vya mbazi vivyoho vivyoho.

Yohana 14:20

Uja mushi inywi mtataila, kuti imi nina Tate, kangi inywi muna imi, imi nami nina inywi.

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Ntuṅwa 5:41

Waja wakilawa mwe kitala wazahita na nyemi, kwa kuti wazakundiziγwa kuγoshwelwa vibada kwa mbuli ya zinangwa.

Waloma 8:30

Kangi ndiwo akiwazanga kale, ne aitangewo; kangi aitangewo wohena ne ainkilewo utanda, kangi ainkilewo utanda ne ainkilewo utana wohe.

2. Wakolinto 3:18

Miya ishwi toshe teona utana wa Zumbe na mesho yetu yashiγubikweyo, taγalamushiγwa, tifanane naye, tikiinkwa utana kwa utana, viya titeγalamushiγwa ni Zumbe ṅwenye mwe mpeho.

2. Wakolinto 5:20

Lushe tamγalukila Kilisito walau, viya Mulungu ṅwenye atemiitanga na vyanwa vyetu; kwa mbuli ya Kilisito tamihembeleza: Mtemekelwei Mulungu!

2. Wakolinto 6:1

Kwa kuti taambizanya na inywi, tamihimila, kangwe mshefilwe mbazi ya Mulungu bule.

Waefeso 2:20

hambu mzazengwa mwe jiya shikizi ja ntuṅwa na ja wateγanyi, Kilisito aliho iwe ja heta.

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

Wakolose 1:24

Lushe naona nyemi na viya, nivyolumiziγwa kwa mbuli ya inywi, kangi viya vya ukiwa, Kilisito ashiγazevyo, na ṅwili wangu nivibontolezeza ṅwili wakwe, ni kuγamba bumbangwa, hambu ne nijotumikila kwa uja ufuṅwa,

1. Yohana 1:3

Lushe viya, tienevyo, tiivilevyo, tavimibilikila hata inywi, kangwe inywi nenywi mtende mwangilano na ishwi; kangi mwangilano wetu una Tate na ṅwanae Yesu Kilisito.

1. Yohana 3:24

Mwetozesha milaγilizo yakwe, ne mweanga naye, vituhu yuja aanga na uyu. Kwa inu mbuli tataila, kuti aanga na ishwi, kwa mpeho yakwe atinkileyo.

1. Yohana 4:17

Mwe inu mbuli lukundisho, tilokundishiγwa nalo, lwabontoka, kangwe tione nyemi, mushi wa masa ukizabula; hambu yuja alivyo, ne tilivyo hata ishwi mwe inu shi.

Mfumbulo 21:14

Boma ja unu muzi jina mashikamilo kumi na maili, mwe aya mashikamilo muna mazina kumi na maili, ni ya ziya ntuṅwa kumi na mbili za ṅwangoto.