Yohana 17:11 - Kishambala New Testament 2005

¹¹ Imi lushe simo mwe inu shi, miya waja wake mumu, imi naiza na kwako. Tate mṅazi, uwaγolokele waikale na zina jako, uninkilejo, kangwe waγaluke muṅwe, sa ishwi tivyo muṅwe!

Yohana 17:11 ပူးပေါင်းရင်းမြစ်များ

Mateyo 10:16

Olelai! Imi namituma, viya mu ngoto, na kwe mashuwi gati; kwa ivyoho tendai minyanyi sa nyoka, kangi mshowe mambeza sa suwa!

Mateyo 5:48

Kwa ivyoho γalukai watakuzifya sa ishe ywenyu ywa kilwingu avyo mtakuzifya!

Mateyo 6:9

Vikai ivyoho: Tate yweshu we uko mwe lwingu!

Yohana 13:1

Mviko wa Pasa ushizati ukinte, Yesu aitaile, kuti hakwe hazabula, alawe mwe inu shi, ahite kwa ishe; lushe waja wakwe we mwe inu shi, awakundishevyo, azawakundisha vivyoho shuti bindilizo.

Yohana 13:3

Yesu aitaile, kuti ishe azainkila vyoshe mwe mikono yakwe, kuti azalawa kwa Mulungu, kutiauya kwa Mulungu; ne ahoinuka haja, wahojiila nkande,

Yohana 14:20

Uja mushi inywi mtataila, kuti imi nina Tate, kangi inywi muna imi, imi nami nina inywi.

Yohana 16:28

Nizalawa kwa Tate, nizaiza mwe inu shi; vituhu naasha inu shi, nahita kwa Tate.

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Yohana 17:23

Imi naikala nawo, nawe waikala na imi, kangwe mbuli yawe ibontoke, wakiγaluka muṅwe kweli, kuti uzawakundisha, sa unikundishevyo imi.

Yohana 17:25

Tate mtanda, walaha masa yeagiza, inu shi nkaikutaile, imi nizakutaila, awawohewazataila, kuti uzanituma.

Yohana 17:6

Zina jako nizajiwafumbwila waja wantu, uninkilewo kunu shi; ne wai wako, imi utewaninka, mbuli yako wazaiγolokela.

Yohana 7:33

Yesu azalonga: Mishi miγeke nike kwenyu, vikibinda nahita kwa yuja anitumileye.

Ntuṅwa 3:21

Uyu vyamtala kunaγuwa uzumbe wa lwingu mpaka mishi ija, vintu vyoshe vihozauya kwe chandusho chawe, sa Mulungu alongilevyo kale hoshe na vyanwa vya wateγanyi wakwe waṅazi.

Waloma 12:5

Vivyoho ishwi wangi ti ṅwili muṅwe, kwa kuti ti wa Kilisito, vituhu kila muntu na ṅwiyae ni madango.

Waloma 9:17

Hambu ugondengwa wamlonga Falawo kuti: Ne nikuikilevyo, kangwe nilavilize nguvu zangu kwako, kangwe zina jangu jibilikilwe mwe ngulu ngima.

1. Wakolinto 1:10

Namihimila, wanduγu, kwa mbuli ya zina ja Zumbe ywetu Yesu Kilisito, mulonge nyoshe mbuli ṅwenga du, kwenyu kusheoneke mipangano, nguvu yenyu iγaluke ija ya kufanyanya na kutaila iyo mbuli ṅwenga du.

Wagalatiya 3:28

Nkakuna Muyuda na Mgiliki, nkakuna mtuṅwa na ṅwana vyale, nkakuna mγoshi na mvyele, hambu nyoshe mu muṅwe, kwa kuti muna Kilisito Yesu.

Waefeso 4:4

Nwilingwa ni muṅwe, mpehongwa id ṅwenga, kangi kialilo muchoitangilwa ni chicho kiṅwe.

Wafilipi 2:9

Kwa inu mbuli Mulungu azamkweza na mwe lwingu, azamunka zina jezinka mazina yoshe,

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 9:24

Kangi Kilisito nkaingile haṅazi haγosholweho na mikono, hefanana du na haja ha kweli, miya aingile mwe lwingu ṅwenye, kangwe ivi lushe alawile cheni cha Mulungu kwa mbuli ya ishwi.

Yakobo 4:4

Inywi watesi, nkamtaila kuti: Kukundisha inu shi ni kumshwika Mulungu? Lushe mwekunda kuγaluka mtana ywa inu shi, akiγalusha munkulu ywa Mulungu.

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;

1. Yohana 3:12

Viya vya Kaini sivyo, azaanduka kwa yuja mubada, azamkoma nduγuye. Kangi amkomele mbuli ani? Kuti miγoshwele yakwe ni mibada, miya ya nduγuye ni ya utanda.

1. Yohana 5:19

Tataila, kuti tianduka kwa Mulungu, miya inu shi ngima ni ya kubanika.

Yuda 1:1

Yuda, mtuṅwa ywa Yesu Kilisito, nduγuye ja Yakobo, nagondela weyangu baluwa waitangwawo, niwokundisha kwa viya, wavyoanga na Mulungu Tate, kangi wavyokiγoja kwa mbuli ya Yesu Kilisito.

Yuda 1:24

Yuja mwedaha kumiγolokela, kangwe mshebane, mwedaha kumiika he utana wakwe, mwi kishimasa na nyemi,

Mfumbulo 15:4

Kuna ndiye ashekuogohe, Zumbe? Kuna ndiye ashegimbike zina jako? Hambu u mṅazi ike, wamzimu woshe nezewaize, nezewakuvike na kukukinila, kwa kuti milabile yako izalawila.

Mfumbulo 19:12

Mesho yakwe viya ni bilibili ja moto, mwe mutwi wakwe ana malinga mangi, ana zina jigondiγwejo, miya nkakuna mwejitaila kushima ṅwenye.

Mfumbulo 4:8

Izi nyama ne zina mawawa mtandatutandatu, ziigisize mesho cha se na cha ndai; nkazihema, zalonga kilo na mushi: Mṅazi, mṅazi, mṅazi ni Zumbe Mulungu mwena nguvu zoshe, ndiye ai haho, mwe haha, ndiye aize.