Yohana 16:5 - Kishambala New Testament 2005

⁵ Miya lushe nahita kwa yuja anitumileye, kangi inywi nkakuna mweniuza kuti: Uhita nahi?

Yohana 16:5 ပူးပေါင်းရင်းမြစ်များ

Yohana 13:3

Yesu aitaile, kuti ishe azainkila vyoshe mwe mikono yakwe, kuti azalawa kwa Mulungu, kutiauya kwa Mulungu; ne ahoinuka haja, wahojiila nkande,

Yohana 13:36

Simoni Petelo amuti: Zumbe, uhita nahi? Angwe ni Yesu: Nikohita nako ivi lushe, nkudaha kunitongela, nezeunitongele mishi ya nyuma.

Yohana 14:28

Mzaiva, kuti nizamiγamba: Nahita, kangi nauya kwenyu. Ati mwanikundisha, mwangatamilwa, kuti nahita kwa Tate, hambu Tate ni mkulu kunizinka imi.

Yohana 16:10

kwa mbuli ya utanda, kwa kuti nahita kwa Tate, nkezemkeniona;

Yohana 16:16

Mishi miγeke ikizinka, nkemunione; vituhu hakizinka mishi miγeke, nemunione.

Yohana 16:17

Wahina kuṅwe wazaγambilana: Inu mbuli i zeze, akitiγamba: Mishi miγeke ikizinka, nkemunione; vituhu hakizinka mishi miγeke, nemunione? Kangi akiγamba: Nahita kwa Tate?

Yohana 16:28

Nizalawa kwa Tate, nizaiza mwe inu shi; vituhu naasha inu shi, nahita kwa Tate.

Yohana 17:13

Lushe naiza na kwako, kangi nilonga ivyoho inu shi, kangwe nyemi yangu waikale nayo, waigise.

Yohana 17:4

Nizakugimbika kunu shi, nizabontola ija ndima, uninkileyo, niibontole.

Yohana 6:62

He ati mwamwona ṅwanangwa ywa muntu, akikwela na kuja, ndiko akiikala?

Yohana 7:33

Yesu azalonga: Mishi miγeke nike kwenyu, vikibinda nahita kwa yuja anitumileye.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 12:2

timwolele Yesu, kuti ne mweandiila, kangi mwebontola viya, tivyotozesha! Uyu azaasha nyemi, aliγanyiziγweyo, azakunda kukoṅwa mwe muti, kangi nkaene shoni navyo, akibontola, azahita kwa ikala kulume kwe kiti cha Mulungu.