Yohana 14:6 - Kishambala New Testament 2005

⁶ Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 14:6 ပူးပေါင်းရင်းမြစ်များ

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:17

Mulomongwa uzaiza na Mose, miya mbazi na kweli izalawila na Yesu Kilisito.

Yohana 1:4

Mwe iyo mbulingwa nkalamo ne ii mumo, kangi iyo nkalamo ne ii langaila ja wantu.

Yohana 10:28

naziinka nkalamo ya kale na kale, nkezeziaγe kale na kale, nkakuna ndiye azipakule mwe mkono wangu.

Yohana 10:7

Yesu azalonga vituhu angwe: Kweli namiti: Imi ni kifiγwe cha ngoto.

Yohana 10:9

Imi ni kifiγwe; ati muntu aingila hangu, atavunilwa, ataγenda akihaingila, kangi akihalawa, aone vya ja.

Yohana 14:19

Kukeshiγale hadodo, ne ndiho inu shi ishenione, miya inywi mwaniona, hambu imi ni moyo, kangi hata inywi mu moyo.

Yohana 15:1

Imi ni mzabibu wa kweli, Tate ni mulimi.

Yohana 18:37

Pilato azamuti: Lushe iwe u zumbe zeze? Angwe ni Yesu: Uzalonga, kuti ni zumbe. Imi ne nivyelwevyo, ne niizilevyo mwe inu shi, nilongele vye kweli uwona. Kangi kila muntu mweanduka mwe kweli aiva kanwa changu.

Yohana 5:21

Hambu Tate avyoinula wafilewo na kuwauza moyo, vivyoho ṅwanangwa yohe auza moyo, awokunda.

Yohana 6:33

Hambu nkande ya Mulungu ni yuja asheeleye mwe lwingu, ne mweinka inu shi nkalamo.

Yohana 6:51

Imi ni nkande ya moyo ilawileyo mwe lwingu; ati muntu aja inu nkande, atatenda nkalamo ya kale na kale. Nkande, ndiyo niminke, ni ṅwili wangu weinkilwa, kangwe inu shi itende nkalamo.

Yohana 6:57

Sa Tate mwe moyo anitumilevyo, sa nivyona nkalamo kwa mbuli ya Tate, vivyoho yuja, ndiye anije, atatenda nkalamo kwa mbuli ya imi.

Yohana 6:68

Simoni Petelo azamlandula angwe: Zumbe, tihite na kwa ndai? Hambu mbuli uzolonga ni za nkalamo ya kale na kale.

Yohana 8:32

nemtaile vye kweli, kangi viya vye kweli vitamikombola.

Yohana 8:51

Kweli namiti: Ati muntu aγoja mbuli yangu, kifa nkeachione kale na kale.

Ntuṅwa 3:15

Zumbe ywa nkalamo muzamkoma; Mulungu azamfufula uyu kwa wafilewo, waona ni shwiyo.

Ntuṅwa 4:12

Kuluhu akakuoneka uvunizi, kangi ishwi wantu kunu shi nkatiinkiγwe zina tuhu, ndijo tihonywiγwe najo.

Ntuṅwa 9:2

azamhembeleza baluwa ya mavikilo uko Damasiko, ati aonela uko kuṅwe wetongela ija sila, ati ni waγoshi, ati ni wavyele, kangwe akawashunge, awalete Yelusalemu.

Waloma 15:16

kangwe nimtumikile Kilisito Yesu ndima ya wamzimu nikibilikila kiṅazi ulaungwa wedi wa Mulungu, kangwe tulo, wamzimu wajomwiγaila, jimtamile Mulungu jikiṅazwa ni mpeho ṅazi.

Waloma 5:2

tikimtozesha, ne tihozuγwilwa iyo mbazi, tiyoγoloka nayo, ne tihoitogola kuti: Yatinka kialilo cha utana wa Mulungu.

Waloma 5:21

kangwe sa viyaho uhuza utozizevyo uzumbe kwa nguvu ya kifa, vivyoho mbazi zitoze uzumbe kwa nguvu ya utanda mpaka kwe nkalamo ya kale na kale kwa mbuli ya Yesu Kilisito, Zumbe ywetu.

1. Wakolinto 15:45

Hambu ne vigondiγwevyo: Adamu, yuja muntu ywa bosi, azatenda ṅwili we moyo; Adamu ywa shilikiza azatenda mpeho yeuza moyo.

Waefeso 2:18

Ne tivyoonela mwakwe toshe waili luhitile kwa Tate na mpeho ṅwenga.

Wakolose 2:17

Hambu ichi ni kizuli du cha viya, ndivyo vikiunga kulawila, miya ṅwili ṅwenye ni wa Kilisito.

Wakolose 2:9

Hambu mwe uyu mwikala vyoshe vya Kimulungu kiṅwili;

Wakolose 3:4

Aho ndiho Kilisito, nkalamo yenyu, nezealawile, ne ndiho nezemulawile mwe utana haṅwe naye.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

Waebuleyo 9:8

Ivyoho Mpeho mṅazi ationyesha kuti: Sila yetiiγala haṅazi nkaizati itulwe mishi ija, kukeγoloke jiya hema ja bosi.

1. Petelo 1:21

Uyu ne alekileye, mkimtozesha Mulungu, ndiye akimwinula kwa wafilewo, ndiye akimunka utana, kangwe mdahemtozesha Mulungu na kumwalila.

1. Petelo 2:4

Uyu ni iwe je moyo. Kweli wantu wazajibenta, miya kwa Mulungu jakundwa kuzinka vyoshe, jiishaγulwe.

1. Petelo 3:18

Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.

1. Yohana 1:8

Tikiγamba: Nkatina uhuza, tikiazaγanya wenye, hata kweli nkaimo mwetu;

1. Yohana 2:23

Kila mwemkeleza Ṅwana nkani, hata Tate nkana naye, miya mwemlanga Ṅwana cha sale, hata Tate ana naye.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

1. Yohana 5:6

Uyu Yesu ne mweiza na mazi na mpome; nkaiza na mazi du, aiza na mazi na mpome; kangi mpehongwa ne yevilongela uwona, hambu ni mpeho ya kweli.

2. Yohana 1:9

Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.

Mfumbulo 1:5

kangi ni mpeho yeanduka kwa Yesu Kilisito; uyu ni mwona mwe kweli, ni mulimbulo wa wafilewo, ni mweγolokela wazumbe wa shi. Azatikundisha, azatihaka na mpome yakwe,

Mfumbulo 19:11

Nizaona, lwingu lukizuγulwa, kuna falashi yeṅala, aipandileye aitangwa mtanda na mkweli, alaha masa, kangi agomba nkondo na utanda.

Mfumbulo 20:15

Ati muntu nkaoniγwe kuti: Aigondiγwe mwe chiya kitabu cha nkalamo, azatambikwa na mwe jiya ziwa ja moto.

Mfumbulo 22:1

Azanionyesha muto mkulu wa mazi ya nkalamo yeengemala sa kazanga; ulawa he kitingwa cha Mulungu na yuja ṅwangoto.

Mfumbulo 22:17

Mpehongwa na yuja bilumbu waγamba: Iza! Kangi ndiye aive, neaγambe: Iza! Mwena nkilu aize, mwekunda aleke mazi ya nkalamo bule du! Woshe, ndiwo waive mbuli za uteγanyi za ichi kitabu,

Mfumbulo 3:14

Mlau ywa bumbangwa ja Lawodikiya umgondele kuγamba: Ne avyolonga mwamizi, yuja mwona mtanda na mkweli, chandilo cha vyoshe viumbiγwevyo ni Mulungu:

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule: