Yohana 14:19 - Kishambala New Testament 2005

¹⁹ Kukeshiγale hadodo, ne ndiho inu shi ishenione, miya inywi mwaniona, hambu imi ni moyo, kangi hata inywi mu moyo.

Yohana 14:19 ပူးပေါင်းရင်းမြစ်များ

Yohana 11:25

Yesu amuti: Imi ni ufufuki na nkalamo; mwenitozesha neakalame, hata akifa.

Yohana 12:35

Yesu azawati: Langaila jike kwenyu mishi miγeke; angai, kwa kuti langaila mkena najo, kangwe lwiza lushemigweele! Kangi mweanga na lwiza nkataila, akohita nako.

Yohana 13:33

Wanangu, mishi miγeke nike kwenyu; nemunilonde, kangi sa nilongilevyo waja Wayuda kuti: Imi nikohita, inywi nkamdaha kukubula, lushe hata inywi namilonga ivyoho.

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 16:16

Mishi miγeke ikizinka, nkemunione; vituhu hakizinka mishi miγeke, nemunione.

Yohana 16:22

Hata inywi muna ukiwa ivi lushe; miya nenimione vituhu, ne ndiho myoyo yenyu itamilwe, kangi iyo nyemi nkakuna ndiye aimihoke.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 7:33

Yesu azalonga: Mishi miγeke nike kwenyu, vikibinda nahita kwa yuja anitumileye.

Yohana 8:21

Azawalonga vituhu angwe: Imi nahita, inywi nemunilonde, miya nemufe na uhuza wenyu. Nikohita nako imi, inywi nkamdaha kukubula.

Ntuṅwa 10:41

miya so wantu woshe, ni waja waona du washaγulwewo aho kale ni Mulungu, ni shwiyo tijilewo naye, kangi tinywelewo naye, akibinda kufufuka kwa wafilewo.

Waloma 5:10

Hambu timtemekelwe Mulungu ni kufa kwa ṅwanae, tike wankulu wakwe, lushe ivyo tatemekelwavyo, titahoufyiγwa ni nkalamo yakwe.

Waloma 8:34

Ndiye awalahe, ni ndai? Kilisito Yesu afileye, kangi ainulweye, mwe kulume kwa Mulungu, ne mwetilongela ishwi.

1. Wakolinto 15:20

Miya lushe Kilisito azabinda kufufuka kwa wafilewo, ni mulimbulo wa waja wesisila.

1. Wakolinto 15:45

Hambu ne vigondiγwevyo: Adamu, yuja muntu ywa bosi, azatenda ṅwili we moyo; Adamu ywa shilikiza azatenda mpeho yeuza moyo.

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

Mfumbulo 20:4

Nizaona viti, kangi kuna weviikaila, awa wazainkwa ufuṅwa wa masa; mpeho za waja wakomiγwewo na kushengwa mitwi kwa mbuli ya kutozesha uwona wa Yesu na mbulingwa ya Mulungu, ndiwo wakishevika ija nyama na kinyuwa chakwe, ndiwo wakishekigela nyindi jakwe kwe vyeni na kwe mikono yawe, wazauya moyo lushe, wazatoza uzumbe haṅwe na Kilisito mavuli kulija.