17 inu shi nkaidaha kuihokela, kwa kuti nkaiiolela, nkaiitaila. Inywi mwaitaila, hambu iikala kwenyu, kangi neiikale kwenyu vivyoho.
Hambu si nywiyo mwelonga, miya ni mpehongwa ya ishe ywenyu yelonga na inywi.
Imi nami nenimhembeleze Tate, aminke mulongezi mtuhu, aikale na inywi kale na kale; ni mpeho ye kweli;
Yesu azalandula, azamuti: Ndiye anikundishe, atatoza mbuli yangu, ne Tate atamkundisha, titaiza, tiikale kwakwe.
Ndiho aizile yuja irulongezi, ndiye nimtume nii kwa Tate, ni mpehoye ukweliyelawa kwa Tate, yuja neanilongele uwona.
Miya yuja akizaiza, ija mpeho ye kweli, neyamiiγale kwe vyoshe vye kweli; hambu nkealonge viya vyakwe ṅwenye, miya vyoshe, avyoiva, atavilonga, kangi viya vyeunga kulawila atavimiukwila.
Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.
Lushe vyedi ni vihi? Nivike mwe moyo wangu, kangi nivike na lutwi! Niimbe mwe moyo, kangi niimbe na lutwi!
Muntu mweitika moyo wakwe nkahokela viya vya mpeho ya Mulungu, aviitanga kuti: Ni ubabashi du, nkadaha kuvitaila, hambu ivi vikunda kudosiγwa kimpeho.
Nkamtaila kuti: Inywi mu vikilo ja Mulungu, kuti: Mpehongwa ya Mulungu iikala mwenyu?
Hambu nkamtaila kuti: Mili yenyu ni vikilo ja mpeho ṅazi yemiikaila, mzaiinkwa ni Mulungu, inywi nkamu wenye.
Kiγezei wenye, ati mwaanga na kutozesha! Kibunkulei! Hambu nkamkitaila, ati Yesu Kilisito muna naye? Ati sivyo, mzabinda kubunkuka,
Kangi ishwi ti vikilo ja Mulungu mwe moyo, sa Mulungu alongilevyo: Nezeniikale mwawe, niangilane nawo, nezeniwaγalukile Mulungu ywawe, wohe nezewaniγalukile mbali yangu.
Kwa kuti mu wanangwa, Mulungu azaingiza mpeho ya ṅwanae mwe myoyo yenyu, ne yetibembeleza kuti: Tate ene!
Ne mzengiγwemo hata inywi, mγaluke ikailo ja Mulungu ja kimpeho.
kangwe Kilisito aikale mwe myoyo yenyu kwa viya muvyotozesha, kwa kuti mzakundishiγwa, msheleze mazindo, mshikiziγwe ndiyo,
Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.
Viya vitana uinkiγwevyo uviγolokele kwa nguvuya mpeho ṅaziyetiikaila!
Mpehongwa, muhokeleyo kwakwe, yamiikaila, nkamshindahinyuγwa ni muntu muntu; miya sa mpeho yakwe ivyomihinya, ikalai nayo!
Mwetozesha milaγilizo yakwe, ne mweanga naye, vituhu yuja aanga na uyu. Kwa inu mbuli tataila, kuti aanga na ishwi, kwa mpeho yakwe atinkileyo.
Miya inywi muanduka kwa Mulungu; wanangu, mwiwavotile waja, hambu yuja muyena naye ni mkulu kumzinka yuja, inu shi iyena naye.
Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.
Hambu kuna watatu welonga uwona mwe lwingu: Tate na Mbulingwa na Mpeho mṅazi; kangi awa watatu ni muṅwe.
Mwena mashikilo aive, mpehongwa ivyolonga mabumbangwa! Ndiye avote, nezenimupangile ija mana ifishiγweyo, nezenimunke nyanga yeṅala, kangi mwe iyo nyanga mwigondiγwe zina hya jishijotailwa ni muntu kushima yuja mwejiγuwa.