Yohana 13:34 - Kishambala New Testament 2005

³⁴ Naminka mlaγilizo muhya, mkundishane! Sa iml nimikundishevyo, nenywi kundishanai ivyoho!

Yohana 13:34 ပူးပေါင်းရင်းမြစ်များ

Mateyo 5:44

Miya imi namiti: Kundishai wankulu wenyu, mhembelezeze waja wemiifya,

Yohana 15:17

Inu mbuli naimilaγiliza, mkundishane.

Yohana 17:21

kangwe woshe waγaluke muṅwe, sa iwe Tate uvyoikala na imi, nami nivyoikala na iwe, kangwe wohe waikale na ishwi, kangwe inu shi itozeshe, kuti uzanituma!

Waloma 12:10

Kundishanai kinduγu kwa myoyo, mvotane kinduγu na kushimilana!

Waloma 13:10

Ukimkundisha ṅwiyawo nkudaha kumγoshwela vibada; vyaleka, kukundishana ni kubontola mulomongwa.

Waloma 13:8

Mshezatenda deni na muntu, kushima ija ya kukundishaua! Hambu mwekundisha ṅwiyae azabinda kubontola mulomongwa;

Wagalatiya 5:22

Kuwo ja mpehongwa shiji: Kukundishana, kutamilana, kuivana, kuzizimiza, kulonga na ukuwi, kufilana mbazi, kutozesha,

Wagalatiya 5:6

Hambu tikianga na Kilisito, vyetinka nguvu so kushengwa, so kusheshengwa, miya ni mitozesheze yebontoka na kukundishana.

Wagalatiya 6:10

Kwa kuti tike kunu, netikihime kuγoshwela wantu woshe vitana, tiisiize waja wetozesha haṅwe na ishwi!

Wagalatiya 6:2

Inwilanai miziγo! Ne ndivyo mubontole mulomo wa Kilisito;

Waefeso 5:2

Angai na kukundishana! Hambu hata Kilisito azamikundisha,

Wakolose 1:4

Hambu tizaiva, muvyomtozesha Kilisito Yesu, kangi muvyokundisha waṅazi woshe.

1. Watesalonike 3:12

Inywi, Zumbe amiγenyezeze mbazi zena mpaγatishi, mkundishane wenye na wenye, kangi mkundishe woshe watuhu, sa ishwi tivyomikundisha inywi,

2. Watesalonike 1:3

Vyatitala kumlaviliza Mulungu ntogolo mishi yoshe kwa mbuli ya inywi, wanduγu, sa vivyoagiza, kwa kuti mitozesheze yenyu yakulisha, kangi inywi nyoshe kila muntu aisiiza kumkundisha ṅwiyae.

Waebuleyo 13:1

Ikalai na kukundisha wanduγu! Mshejale kuhokela waγeni na kishe! Hambu ivyoho kuṅwe wazafikiza walaungwa, kangi wenye nkawataile.

Yakobo 2:8

Miya mulomo mkulu wa Zumbe wa kuγamba: Umkundishe ṅwiyawo, sa uvyokikundisha ṅwenye!, mkiubontola unu, sa uvyogondwa, ne mtazifya.

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

2. Petelo 1:7

inu nyemi ya Kimulungu ileke, mkundishane, kunu kukundishana kuleke, mkundishe wantu woshe!

1. Yohana 3:11

Unu ni ulau, mwivilewo uko kivoko koshe, tikiγangwa: Tikundishane wenye na wenye!

1. Yohana 3:23

Unu ni mlaγilizo wakwe, titozeshe zina ja ṅwanae Yesu Kilisito, tikundishane wenye na wenye, sa avyotilaγiliza.

1. Yohana 4:21

Kangi unu mulomo tizauinkwa ndiye kuti: Mwemkundisha Mulungu, hata mnduγu ywakwe amkundisha.

2. Yohana 1:5

Lushe nakulombeza iwe, mke zumbe, so viya nitekugondela mlaγilizo muhya, ni uja, tiinkiγwewo aho kivoko, kangwe tikundishane.