Yohana 13:18 - Kishambala New Testament 2005

¹⁸ Silonga kwa mbuli ya inywi nyoshe; imi nataila, nishaγulewo, miya kangwe ugondengwa ubontoke uja wa kuγamba: Mweja nkande zangu anishindika na kunishampa.

Yohana 13:18 ပူးပေါင်းရင်းမြစ်များ

Mateyo 10:36

muntu weyae, awona nawo nyumbai mwakwe, newamγalukile wankulu wakwe.

Mateyo 26:21

Aho wakija azawati: Kweli namiti: Ṅwenyu muṅwe aunga kuniinkila.

Mateyo 26:23

Azawahitwila angwe: Agintileye mwe lwiγa haṅwe na imi, uyu ne ndiye aniinkile.

Maliko 14:17

Lwa ṅwiyaγulo azaiza nawaja kumi nawaili.

Maliko 14:18

Wakiikala, wakija, Yesu azalonga: Kweli namiti: Ṅwenyu muṅwe mweja na imi aunga kuniinkila.

Maliko 14:20

Azawahitwila angwe: Inywi kumi na waih ni ṅwenyu, ni yuja, ndiye aginte haṅwe na imi mwe lwiγa.

Luka 22:21

Miya olelai! Mkono wa yuja mweniinkila u haṅwe na imi aha he meza.

Yohana 13:21

Yesu akibinda kulonga ivyoho azaona futofuto mwe moyo wakwe, azalonga uwona angwe:

Yohana 13:22

Kweli namiti: Ṅwenyu muṅwe neaniinkile. Wahina wazaolelana, hambu nkawataile, kuti amlonga ndai.

Yohana 13:26

Yesu azamwitikila angwe: Ni yuja, ndiye nimunke tonge nikibinda kujiginta mwe mshozi. Azaginta tonge mwe mshozi, azajimunka Yuda Isikaliyota, ṅwana Simoni.

Yohana 15:16

Si nywiyo munishaγulewo, ni miyo nimishaγulewo, nizamiika, muhite, mulavye kuwo jingi, kuwo jenyu jiikale, kangwe ndivyo mumlombeze Tate mwe zina jangu, aviminke.

Yohana 15:19

Ati mwanduka mwe inu shi, anga inu shi izakundisha weyae; kwa kuti nkamwanduka mwe inu shi, kangi nizamishaγula na kumilavya mwe inu shi, kwa ivyoho inu shi yamishuka.

Yohana 15:25

ni kangwe ija mbuli ibontoke igondiγweyo mwe milomo yawe kuγamba: Wanishuka bule.

Yohana 17:12

Aho ndiho nikiikala nawo, nizawaγolokela, waikale na zina jako, uninkilejo, nizawaγoja, nkakuna ṅwiyae ywawe aaγileye kushima ṅwanangwa ywa mubaniko, kangwe ugondengwa ubontoke.

Yohana 18:32

Kangwe ibontoke ija mbuli ya Yesu, alongileyo akiwaonyesha mifiile, ndiyo afe.

Yohana 19:24

Wazaγambilana: Tisheipange! Miya tiitowele lusolo, ati neiγaluke ya ndai! Kangwe ugondengwa ubontoke uja wa kuγamba: Wazapangilana shuke zangu, nkazu yangu wazaitowela lusolo. Ne waja washilikali waγosholevyo.

Yohana 19:36

Ivi vizaγosholwa, kangwe ugondengwa ubontoke uja wa kuγamba: Nkezeahondwe vuha!

Yohana 21:17

Amγamba ka ntatu: Simoni, ṅwana Yohana, wanikundisha? Petelo azaona ukiwa, kuti amwuza ka ntatu: Wanikundisha?, azamuti: Zumbe, wataila mbuli zoshe, iwe wataila, kuti nakukundisha. Yesu amuti: Lisha ngoto zangu!

Yohana 6:70

Yesu azawahitula angwe: Imi simishaγule kumi na waili? Kangi ṅwenyu muṅwe ni ṅwenye leba.

Ntuṅwa 1:16

Waγoshi kangi wanduγu wangu, vizaagiza, kunebontoka ugondengwa, sa mpeho ṅazi ilongilevyo na kanwa cha Dawidi kale kwa mbuii ya Yuda; uyu azawalongwela waja wamgwizilewo Yesu.

Ntuṅwa 1:2

mpaka uja mushi, ahoinulwa na mwe lwingu; ne abindileho kulaγiliza ziya ntuṅwa, ashaγulezo, viya vya mpeho ṅazi.

2. Wakolinto 4:5

Hambu nkatibilikila mbuli yetu, miya tibilikila kuti: Kilisito Yesu ni Zumbe, kangi ishwi ti watuṅwa wenye kwa mbuli ya Yesu.

Waebuleyo 4:13

Nkahana che moyo chishichobunkulwa ndiye; akiolela, vyoshe vi lushi, viya vitekizuia; mbuli ya uyu ne tiyolonga.

Mfumbulo 2:23

Wanae neniwakome, wafe, mabumba yoshe yataile, kuti imi nabunkula fiγo na myoyo, kuti nezenimwuzize kila muntu, sa ndima zakwe zilivyo.