Yohana 12:49 - Kishambala New Testament 2005

⁴⁹ Hambu imi silongile vyangu ṅwenye, miya Tate anitumileye ne anilaγilizeye, ndivyo nibilikile, ndivyo nilonge.

Yohana 12:49 ပူးပေါင်းရင်းမြစ်များ

Yohana 14:10

Nkutozesha kuti: Imi niyaangilana na Tate, kangi Tate aangilana na imi? Mbuli, nizomilonga, sizilonga kwa imi ṅwenye. Tate mweikala kwangu yuja aγoshola ndima zakwe.

Yohana 14:24

Ashiyenikundisha nkatoza mbuli yangu; kangi mbuli, muyoiva, so yangu, ni ya Tate anitumileye.

Yohana 14:31

miya kangwe inu shi itaile, kuti namkundisha Tate, kangi viya, Tate anilaγilizevyo, naviγoshola: Inukai, tihauke!

Yohana 15:15

Senikemiitanga wapuna, hambu mupuna nkataila, baba yakwe avyoγoshola; miya inywi nizamiitanga wambuyangu, hambu vyoshe, niivilevyo kwa Tate, nizavimiγambila.

Yohana 17:8

Hambu ziya mbuli, uninkilezo, nizaziwainka, wazazihokela, wazataila kweli, kuti nilawile kwako, wazatozesha, kuti iwe uzanituma.

Yohana 3:11

Kweli nakuti: Tibilikila tivyotaila; tienevyo tavilongela uwona, miya uwona wetu nkamwuhokela.

Yohana 3:32

Aenevyo na aivilevyo, avilongela uwona, kangi uwona wakwe nkakuna mweuhokela.

Yohana 5:19

Yesu azawalandula angwe: Kweli namiti: Nkakuna mbuli, ṅwanangwa ayodaha kuγoshola ṅwenye du, ati nkamwene ishe, akiiγoshola; hambu yuja ndivyo aγoshole, ṅwanangwa yohe ataviγoshola vivyoho.

Yohana 5:30

Nkakuna nichodaha kuγoshola ṅwenye. Nivyoiva ne nivyolaha, kangi milahile yangu ni ya utanda, kwa kuti silonda, nivyokunda ṅwenye, nilonda, anitumileye avyokunda.

Yohana 6:68

Simoni Petelo azamlandula angwe: Zumbe, tihite na kwa ndai? Hambu mbuli uzolonga ni za nkalamo ya kale na kale.

Yohana 7:16

Yesu azawahitula, azawati: Mifuzize yangu so yangu, ni ya yuja anitumileye.

Yohana 8:26

Mbuli zenyu nyingi nina nazo za kulonga na za kulaha, miya yuja anitumileye ni mkweli; nami viya, niivilevyo kwakwe, navilonga kunu shi.

Yohana 8:28

Yesu azawati: Aho ndiho nezemumkweze ṅwanangwa ywa muntu, ne ndiho mtaile, kuti ni miyo; imi ṅwenye sina nivyoγoshola, Tate anihinyizevyo, navilonga.

Yohana 8:42

Yesu azawati: Ati Mulungu ni ishe ywenyu, mwanganikunda. Hambu imi nilawile kwa Mulungu, ne nikoanduka;

Mfumbulo 1:1

Shivi vya Yesu Kilisito, Mulungu amfumbwilevyo, awaonyeshe watuṅwa wakwe vyeunga kuγosholeka nguzu! Azatuma mlau ywakwe, ne avyovimumanyishiza mutuṅwa ywakwe Yohana.