Yohana 12:48 - Kishambala New Testament 2005

⁴⁸ Mwenibela na kushehokela mbuli zangu ana mwemlaha; mbuli, nilongileyo, ija nezeimlahe mushi wa bindilizo.

Yohana 12:48 ပူးပေါင်းရင်းမြစ်များ

Mateyo 10:15

Kweli namiti: Masa ya shi ya Sodoma na ya Gomola yatahuha kuzinka ayo ya uja muzi, mushi wa mlaho ukizabula.

Mateyo 21:42

Angwe ni Yesu: Nkamfyomile mwe baluwangwa kuti: Iwe, wazengo wabentilejo, jizaγaluka shikizi ja heta. Ivi vizaanduka kwa Zumbe; tikiviolela, ni kimaka.

Mateyo 25:31

Aho ndiho ṅwanangwa ywa muntu nezeaizile na utana wakwe haṅwe na walau wosheni, ne ndiho aikale mwe kiti cha utana wakwe.

Maliko 12:10

Nkamfyomile uja ugondengwa wa kuγamba: Iwe, wazengo wabentilejo, jizaγaluka shikizi ja heta.

Maliko 16:16

Mwetozesha akibatizwa atazavunilwa; ndiye ashetozeshe atazalahwa.

Maliko 8:31

Azaandiila kuwafuza, kuti vyamtala ṅwanangwa ywa muntu, alumiziγwe vikulu, abentwe ni watawa na wavikizi wakulu na watabaluwangwa, mpaka akoṅwe, miya mishi mitatu ikizinka, atafufuka. Inu mbuli azailonga cha sale.

Luka 10:16

Mwemiiva inywi aniiva imi, mwemibela inywi anibela imi; miya mwenibela imi amubela yuja anitumileye.

Luka 17:25

Miya shuti anelumiziγwa vikulu, shuti anetowiγwa hulu ni inu mbali.

Luka 20:17

Azawaolela, azawati: He ija mbuli igondiγweyo kuγamba: Iwe, wazengo wabentilejo, jizaγaluka shikizi ja heta?

Luka 7:30

Miya Mafaliseyo na watamulomongwa wazabela viya, Mulungu avyokunda, nkawabatizwe ndiye.

Luka 9:22

Azawati: Ṅwanangwa ywa muntu vyamtala, alumiziγwe vikulu, abentwe ni waγolokezi na wavikizi wakulu na watabaluwangwa, mpaka akoṅwe, afufuke mushi wa ntatu.

Luka 9:26

Hambu ndiye atendwe ni shoni na imi ao du na mbuli zangu, uyu ṅwanangwa ywa muntu atazatendwa ni shoni naye akizaiza na utana wakwe na wa ishe na wa walau waṅazi.

Yohana 11:24

Angwe ni Malita: Nataila, kuti neafufuke mwe ufufuki mushi wa bindilizo.

Yohana 5:45

Mshefanyanye, kuti nenimifyalime kwa Tate! Kuna mwemifyalima, ni Mose, muyemwalila.

Yohana 6:39

Ivi ne yuja anitumileye avyokunda: Vyoshe, avyoninka, nishevimwazize, miya nivifufule mushi wa bindilizo.

Yohana 8:47

Mweanduka kwa Mulungu aiva mbuli za Mulungu; kwa ivyoho inywi nkamziiva, kwa kuti nkamwanduka kwa Mulungu.

Ntuṅwa 17:31

Kwa viya aikilevyo mushi, awounga kulaha nawo shi ngima na utanda kwa nguvu ya muntu muṅwe, amunkileye imu ufuṅwa, bosi azanawahimilawoshe, wamtozeshe, kuti azamfufula kwa wafilewo.

Ntuṅwa 3:23

Miya kila muntu, ndiyc ashemwive yuja mubilikizi, atakoṅwa, auke mwe mbalingwa.

Waloma 2:16

Ne nihoγamba kuti: Awa wakiγalukila mulomongwa wenye uja mushi, Mulungu ahozalaha na Kilisito Yesu viya, wantu wafishizevyo, sa nivyobilikila.

2. Wakolinto 4:3

Ati ulau wetu wohe uifishiγwe, ufishiliziγwe waja weaγa;

2. Watesalonike 1:8

alahize waja washiwomtaila Mulungu kuti: Wazalemela kuitika ulau wa Zumbe ywetu Yesu.

Waebuleyo 10:25

tisheshwike miunganano yetu wenye, sa kuṅwe wavyozwela, miya tihimilane vivyoho, kangi tikazishe kwaviya, muvyoona kuti: Mushingwa wabula hehi!

Waebuleyo 12:25

Oleleshai, kangwe mshezamshwika yuja mwelonga! Hambu wajawakishedaha kumnyilika, ndiwo wakimshwika kunu shi, akiwalonga, lushe ishwi titadaha vivihi tikimtowa hulu, akitilonga ai mwe lwingu?

Waebuleyo 2:3

Lushe ishwi titaunyilika zeez, ati tahela uhonya weinga aho? Uzaanda kubilikilwa ni Zumbe, vikibinda waja waivilewo wazatilonga uwona.

Waebuleyo 4:12

Hambu mbulingwa ya Mulungu i moyo, ina nguvu, yashenga kuzinka shime yena nyino mbili, kangi yaingilisha, shuti itanye moyo na mpeho, uzumo na mavuha, yabunkula fanyanyi na ntongonyezi za myoyo.

1. Petelo 1:5

mweγolokelwa na nguvu ya Mulungu, mtozeshe, mwone uja uhonya weunga kulawila mishi ya kushilikiza. Ne ndiho mulinge;

2. Petelo 3:3

Bosi tailai inu mbuli kuti: Mishi ija ya bindilizo kutazalawila wafyosi wena ufyosi ubada, wetongela luzisho lwawe lwoshe, angwe:

2. Petelo 3:7

Vivyoho lwingu lwa ivi lushe haṅwe na inu shi ziikilwe kwa uwo mulomo, kangwe nezezibanike na uja moto mushi wa masa, wantu wawiwi wahozabanilwa.