Yohana 12:26 - Kishambala New Testament 2005

²⁶ Ati muntu anitumikila, shuti anitongele! Hambu niliho imi, mndima ywangu yohe aikale haho! Ati muntu anitumikila, Tate atamgimbika.

Yohana 12:26 ပူးပေါင်းရင်းမြစ်များ

Mateyo 16:24

Ne Yesu aholonga wahina wakwe angwe: Ati muntu akunda kunitongela, shuti akilemeze ṅwenye, ainule muti wakwe wa kukomelwa, ne ndivyo adahe kunitongela.

Mateyo 25:21

Baba yakwe azamuti: U mupuna mtana mkoolezi, uzaγolokela viya viγeke, nenikugimbike, uγolokele vingi. Ingila kwe nyemi ya baba yako!

Maliko 8:34

Azaitanga bumba kulu haṅwe na wahina wakwe, azawati: Ati muntu akunda kunitongela, shuti anekilemeza ṅwenye, ainule muti wakwe wa kukomelwa, ne ndivyo adahe kunitongela.

Luka 12:37

Waja wapuna wataona nyemi, zumbe awozabwila, wakigona mesho. Kweli namiti: Atakikanta, miya waja atawaikaza ha jiila nkande, aize, awatumikile.

Luka 6:46

Nini mkiniitanga: Zumbe! Zumbe!? Kangi nivyolonga nkamviγoshola.

Luka 9:23

Azawaγamba woshe: Ati muntu akunda kunitongela, shuti anekilemeza ṅwenye, ainule kila mushi muti wakwe wa kukomelwa, ne ndivyo adahe kunitongela.

Yohana 10:27

Ngoto zangu zaiva kanwa changu, naml nazitaila, zanitongela;

Yohana 13:16

Kweli namiti: Mupuna so mkulu kumzinka baba yakwe, atumiγweye so mkulu kumzinka yuja amtumileye.

Yohana 14:15

Ati mwanikundisha, tozeshai milaγilizo yangu!

Yohana 14:3

Kangi aho, ndiho nihitile kwa miliγanyiza henyu, neniuye vituhu, nimiγuwe na kwangu, kangwe niliho imi, hata inywi muhaikale.

Yohana 15:20

Fukilai ija mbuli, nimiγambileyo kuti: Mupuna so mkulu kumzinka baba yakwe! Ati imi wazaniγulusha, hata inywi newamiγuiushe! Ati wazatoza mbuli yangu, hata yenyu newaitoze!

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Yohana 21:22

Yesu amuti: Ati imi nakunda, aikale, mpaka nikizaiza, iwe una mbwai navyo?

Waloma 1:1

Imi Paulo ni mutuṅwa ywa Kilisito Yesu, niitangwe, niγaluke ntuṅwa, nishaγulwe, nihilikile ulau wa Mulungu,

Waloma 14:18

hambu mwemtumikila Kilisito na mbuli izi amtumikila Mulungu, kangi atakundwa ni wantu.

2. Wakolinto 4:5

Hambu nkatibilikila mbuli yetu, miya tibilikila kuti: Kilisito Yesu ni Zumbe, kangi ishwi ti watuṅwa wenye kwa mbuli ya Yesu.

2. Wakolinto 5:8

Miya tatoγwa ni myoyo, kangi taisa kutamilwa ni kuiikaziza mili hale, timwikaile Zumbe hehi.

Wagalatiya 1:10

Lushe nikitamiziza wantu, hambu Mulungu? Hambu nilonda, nitamile wantu? Ati niketamila wantu, anga si mtuṅwa ywa Kilisito.

Wafilipi 1:23

Naangwa ni moyo kwa izi mbuli mbili: Natamilishiγwa nikilaga kunu shi, nikaikale haṅwe na Kilisito, kangi ivi vyatama kuzinka.

Wakolose 3:24

Tailai kuti: Mtazaviuziziγwa ni Zumbe, mkizahokela kwakwe kifungwa. Mtumikilei Zumbe Kilisito!

Wakolose 4:12

Mwaluγushiγwa ni Epafula mweanduka kwenyu; ni mtuṅwaywa Kilisito Yesu, amigombela nkondo na kumihembelezeza, mγaluke wantu webontoleza, mtaile vyoshe, Mulimgu avyokunda.

2. Petelo 1:1

Imi Simoni Petelo, mtuṅwa na ntuṅwaya Yesu Kilisito, namigondela baluwa inywi mwetozesha haṅwe na ishwi viya vikulu, tivyoinkwa kwa mbuli ya utanda wa Mulungu ywetu na mhonya Yesu Kilisito:

1. Yohana 5:3

Hambu kumkundisha Mulungu ni kuitika milomo yakwe, kangi milomo yakwe nkaina ntoγo.

Yuda 1:1

Yuda, mtuṅwa ywa Yesu Kilisito, nduγuye ja Yakobo, nagondela weyangu baluwa waitangwawo, niwokundisha kwa viya, wavyoanga na Mulungu Tate, kangi wavyokiγoja kwa mbuli ya Yesu Kilisito.

Mfumbulo 14:4

Awa ni waja washikandanyiγwewo ni mwangilano na wavyele; ni wabweni; awa ne wemtongela yuja ṅwangoto, ndiko ahite nako; awa wazakombolwa kwa wantu, ni mulimbulo wemtala Mulungu na yuja ṅwangoto.