Yohana 11:52 - Kishambala New Testament 2005

⁵² kangi so kwa mbuli ya mbalingwa du, miya hata kwa mbuli ya wana Mulungu waasakanyiγwewo wohena awaunganyanye hantu haṅwe.

Yohana 11:52 ပူးပေါင်းရင်းမြစ်များ

Luka 15:8

Hambu kuna mvyele mwena shilingi kumi akiaza shilingi ṅwenga, ndiye ashekoleze taa na kuhaγila nyumba akilondeza na utanda, mpaka akiiona?

Luka 2:32

ni langaila jemulikila wamzimu, kangwe mbali yako ya Isilayeli itogolwe.

Yohana 1:12

Miya woshe wamhokelewo azawainka ufuṅwa wa kuγaluka wanangwa wa Mulungu, ni waja watozeshewo zina jakwe.

Yohana 1:29

Keloi jakwe Yohana azamwona Yesu, akiiza kwakwe, ne aholonga: Shuyu ṅwangoto ywa Mulungu mweusha masa ya ngulu ngima!

Yohana 10:16

Kangi nina ngoto ntuhu zishizo za iji dewa, zoshe shuti nizilete, ziive kanwa changu, ziγaluke ifyo iṅwe, mulishi muṅwe.

Yohana 12:32

Nami ndiho nikweziγwe ṅa kuushiγwa kunu shi, woshe nitawahuna na kwangu.

Ntuṅwa 18:10

Hambu imi ni haṅwe na iwe, nkakuna ndiye akutimile akikuγoshwela vihada, kwa kuti mbali yangu mwe unu muzi ni nkulu.

Waloma 3:29

Hambu Mulungu ni Mulungu ywa Wayuda du? So ywa mbali zoshe? Kweli ni Mulungu ywa mbali zoshe.

Waloma 4:17

Nizakuγalusha ishe ja mbali nyingi; uyu ne akimtozesha Mulungu mweuza wafilewo moyo, mweitanga vishivyo haho, viya vi haho.

Waefeso 1:5

kwa lukundisho lwakwe aatiteγanya uko kale, tiγaluke wanae wenye kwa mbuli ya Yesu Kilisito, ne vimtamilevyo, ne akundilevyo,

Waefeso 3:11

Ṅwenye ne avifanyanyeye aho kale, vibontokele mwe Zumbe ywetu Kilisito Yesu.

Yakobo 1:1

Imi Yakobo, mtuṅwa ywa Mulungu na ywa Zumbe Yesu Kilisito, naluγusha mbali kumi na mbili zeikala uγeni kwe shi ntuhu.

1. Petelo 1:1

Imi Petelo, ntuṅwa ya Yesu Kilisito, namigondela baluwa inywi mshaγulwewo, mweikala ike uko Ponto na Galatiya na Kapadokiya na Asiya na Bitiniya.

1. Yohana 2:2

Uyu ni mpoza ya uhuza wetu, kangi so ya wetu du, hata ya uja wa ngulu ngima.

1. Yohana 3:1

Olelai, Tate avyotikundisha, tikiitangwa wana Mulungu! Kangi ishwi ndiwo. Ne vyeleka, imi shi ikishetitaila, kwa kuti nkaimtaila yuja.

1. Yohana 3:10

Kwa inu mbuli wana Mulungu na wana Salani wabunkuka: Kila ashiyetenda utanda nkaanduka kwa Mulungu, hata yuja ashiyemkundisha mnduγu ywakwe.

1. Yohana 3:2

Wanduγu, ivi lushe ti wanangwa wa Mulungu, kangi nkavizati vimanyike, ndivyo nezetiγalamuke; lalaila du kuti: Aho ndiho nezevimanyikile, titazafanana naye, hambu titamwona ṅwenye, alivyo.

Mfumbulo 5:9

Wazaimba imbo hya angwe: Iwe waagiziγwa ni kuγuwa kitabungwa na kushungula magongezo yakwe! Hambu waakoṅwa, waamkombwela Mulungu na mpome yako wantu wa makolwa yoshe na wa vilosi vyoshe na wa mbali zoshe na wa wamzimu woshe, uzaleka,