Yohana 11:40 - Kishambala New Testament 2005

⁴⁰ Yesu amuti: Sikuγambile kuti: Ati watozesha, neuone utana wa Mulungu?

Yohana 11:40 ပူးပေါင်းရင်းမြစ်များ

Mateyo 17:20

Azawati: Kwa mitozesheze yenyu kuti ni miγeke. Kweli namiti: Ati kitozesheze chenyu ni kidashi du sa kahuluzi kadashi, mwangalonga unu mulima: Uka aha, uhite na kuja!, utahita, kangi nkakuna, ndivyo vimileme.

Maliko 9:23

Yesu azamuti: Ukiγamba, ati wadaha, vyoshe vidahiγwa ni muotu mwetozesha.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 11:4

Yesu akiviiva azalonga: Unu utamu so wa kufa, ni wa kumgimbika Mulungu, kangwe ṅwana Mulungu agimbikwe ndiwo.

Yohana 12:41

Ivyoho Yesaya alongile, kwa kuti azaona utana wakwe, kangi azalonga mbuli yakwe.

Yohana 9:3

Yesu azalandula: Uyu nkabanile, hata wavyazi nkawabanile, miya kangwe mwe ṅwili wakwe mtailikane, ndima za Mulungu zilivyo.

Waloma 6:4

Vivyoho tiizikiγwe haṅwe naye, kwa kuti tiihatizwe mwe kifa, kangwe ishwi neshwi tiange na nkalamo mpya, sa Kilisito avyoinulwa kwa wafilewo ni utana wa ishe.

2. Wakolinto 3:18

Miya ishwi toshe teona utana wa Zumbe na mesho yetu yashiγubikweyo, taγalamushiγwa, tifanane naye, tikiinkwa utana kwa utana, viya titeγalamushiγwa ni Zumbe ṅwenye mwe mpeho.

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.