15 nakiinkila kwa mbuli ya ngoto.
Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.
Haja ne Yesu atowileho zumo akimema mpeho mṅazi akilonga: Nakulaviliza ntogolo, iwe Tate, Zumbe ywa lwingu na ywa shi, kuti izi mbuli watalizi na waviyuγo uzaziwafisha, miya uzazifumbwila wankebe. Kweli, Tate, ne vikutamilevyo.
Vyoshe nizaviinkwa ni Tate, nkakuna mwemtaila ṅwanangwa, kushima Tate, kangi nkakuna mwemtaila Tate, kushima ṅwanangwa na yuja, ṅwanangwa ndiye akunde kumlaviliza.
Muntu nkamwene Mulungu kale hoshe; ṅwanangwa avyelweye ike, ndiye akiikala na kukaambatwa ni ishe, ne atiγambileye.
Imi ni mulishi mtana; mulishi mtana akiinkila kwa mbuli ya ngoto.
Nkakuna mwekundisha kuzinka aho, akikiinkila kwa mbuli ya wambuyae.
Tate mtanda, walaha masa yeagiza, inu shi nkaikutaile, imi nizakutaila, awawohewazataila, kuti uzanituma.
Muntu nkamwene Tate, amweneye ni yuja, ndiye akiikala kwa Mulungu; uyu ne amweneye Tate.
Miya nkamumtaila, miva imi namtaila; ati naγamba: Simtaila, anga ni mumambeza sa inywi. Miya namtaila, kangi naγoja mbuli yakwe.
ndiye akikiinkila ṅwenye kwa mbuli ya uhuza wetu, kangwe atilavye mwe inu shi mbadaya ivi lushe; ne Mulungu, Tateyweshu, akundilevyo.
Kilisito azatikombola mwe kilano cha mulomongwa akilanwa kwa mbuli ya ishwi, hambu kuigondiγwe: Kila muntu mweheleziγwa mwe muti ailaniγwe.
Angai na kukundishana! Hambu hata Kilisito azamikundisha,
uyu azakiinkila kwa mbuli ya ishwi, atikombole mwe upuna woshe ushiwoagiza, akihozeze mbali yakwe ṅwenye yekihima ndima utana.
Mahuza yetu azayakweza ṅwenye na ṅwili wakwe mwe muti, kangwe ishwi kwa viya tivyokombolwa tiikaile utanda; uyu vilonda vyakwe ne honelo jenyu.
Hambu Kilisito yohena azalumiziγwa kaṅwe kwa mbuli ya uhuza wetu, mtanda kwa mbuli ya wahuza, kangwe atiiγale kwa Mulungu; azakoṅwa kiṅwili, miya azafufuka kimpeho.
Uyu ni mpoza ya uhuza wetu, kangi so ya wetu du, hata ya uja wa ngulu ngima.
