Yohana 10:10 - Kishambala New Testament 2005

¹⁰ Mubavi nkahaiza, aiza du, abawe, afuwe, akome; imi niizile, wainkwe nkalamo, waγenyeze vyoshe.

Yohana 10:10 ပူးပေါင်းရင်းမြစ်များ

Mateyo 18:10

Oleleshai, awa wadodo mshezabela ṅwiyae ywawe muṅwe! Hambu namiti: Walau wawe mwe lwingu nkawadila kuona cheni cha Tate mweikala mwe lwingu.

Mateyo 18:11

Hambu ṅwanangwa ywa muntu aizile kwa vunila viaγilevyo.

Mateyo 20:28

Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.

Mateyo 21:13

Azawati: Kuigondiγwe: Nyumba yangu iitangwe nyumba ya vikila, miya inywi mzaiγalusha mpanga ya wampoko.

Mateyo 23:13

We ukiwa ni nywiyo watabaluwangwa na Mafaliseyo! Mwahemba inywi, kwa kuti mwazuγaila wantu uzumbe wa lwingu! Wenye nkamwingila, kangi wekunda kuingila nkamuwakundiza kuingiia.

Maliko 11:17

azawafuza akiwati: Kuigondiγwe: Nyumba yangu iitangwe nyumba ya vikila kwe mbali zoshe! Miya inywi mzaiγalusha mpanga ya wampoko.

Luka 19:10

Hambu ṅwanangwa ywa muntu aizile kwa londa na kuvunila viya viaγilevyo.

Yohana 10:1

Kweli namiti: Ashiyeingila mwe dewa ja ngoto he kifiγwe, akikwela na hatuhu, yuja ni mubavi na mumpoko.

Yohana 10:11

Imi ni mulishi mtana; mulishi mtana akiinkila kwa mbuli ya ngoto.

Yohana 12:47

Ati muntu aiva mbuli zangu, miya akisheziγoja, imi simlaha, hambu siizile kwa laha inu shi, miya kwa vunila inu shi.

Yohana 12:6

Nkalongile ivyoho, kuti atapikila wakiwa, miya ni mubavi, aitozize mfuko wa senti, aiinule wavyokainkwa.

Yohana 3:17

Hambu Mulungu nkamtumile ṅwanae mwe inu shi, ailahe inu shi, miya inu shi ivunilwe ndiye.

Yohana 5:40

Nkamkunda kuiza kwangu, kangwe mwone nkalamo.

Yohana 6:33

Hambu nkande ya Mulungu ni yuja asheeleye mwe lwingu, ne mweinka inu shi nkalamo.

Yohana 6:51

Imi ni nkande ya moyo ilawileyo mwe lwingu; ati muntu aja inu nkande, atatenda nkalamo ya kale na kale. Nkande, ndiyo niminke, ni ṅwili wangu weinkilwa, kangwe inu shi itende nkalamo.

Waloma 2:21

Lushe iwe wemhinya ṅwiyao nkukihinya ṅwenye? Wabilikila, muntu ashebawe, kangi wabawa?

1. Timoteyo 1:15

Iuu mbuli ni ya kweli, yaagiza kutozeshiγwa ni wantu woshe kuti: Kilisito Yesu azaiza mwe inu shi, shonye wahuza; mwe awaywa bosi ni miyo,

Waebuleyo 6:17

Kwa kuti Mulungu azakundisha kuwaonyesha wapazi wa kilaγa kuti: Viya avyokunda nkavihitulwa, ne vilekilevyo, akikilisha. Kangwe mbuli mbili zishizohitukilana,

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

2. Petelo 1:11

Hambu ne ndivyo mufilwe mbazi, mdaheingila kizumbe mwe uzumbe wa ukalami wa Zumbe na mhonya ywetu Yesu Kilisito.