Yohana 1:14 - Kishambala New Testament 2005

¹⁴ Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:14 ပူးပေါင်းရင်းမြစ်များ

Mateyo 1:16

Yakobo azamvyala Yosefu, mulume ja Maliya, nine ja Yesu mweitangwa Kilisito.

Luka 2:11

Hambu mzavyailwa lelo mhonya mwe muzi wa Dawidi, ndiye Zumbe Kilisito.

Luka 2:7

azamkanta shuke za kinkebe, azamlaza mwe lubala, ṅombe zimojiila, kwa kuti muja mwe fikilo nkamna hantu hedi.

Luka 9:32

Petelo na weyae wazaizilwa ni usisiza ungi. Wakiviluka wazaona utana wakwe na waja waγoshi waili weγoloka haṅwe naye.

Yohana 1:1

Kuandiila mbulingwa ne ii haho, iyo mbulingwa ne ii kwa Mulungu, kangi Mulungu ne mbulingwa.

Yohana 11:40

Yesu amuti: Sikuγambile kuti: Ati watozesha, neuone utana wa Mulungu?

Yohana 14:6

Angwe ni Yesu: Imi ni sila na ukweli na nkalamo; nkakuna ndiye abule kwa Tate, akishenitongela.

Yohana 14:9

Yesu amuti: Filipo, mishi yekuinga haja nizaanga na inywi, kangi nkunitaila? Anieneye imi azamwona Tate; ulonga ywai kuti: Tionyeshe Tate!

Yohana 17:22

Nami uja utana, uninkilewo, nizauwainka, waγaluke muṅwe, sa ishwi tivyo muṅwe.

Yohana 17:24

Tate, nakunda, waja uninkilewo, wohe waikale haṅwe na imi haja, niliho, kangwe waone utana wangu, uninkilewo, hambu uzanikundisha, ngulu ngima ishizati itulwe.

Yohana 18:37

Pilato azamuti: Lushe iwe u zumbe zeze? Angwe ni Yesu: Uzalonga, kuti ni zumbe. Imi ne nivyelwevyo, ne niizilevyo mwe inu shi, nilongele vye kweli uwona. Kangi kila muntu mweanduka mwe kweli aiva kanwa changu.

Yohana 2:11

Ichi ni chandilo cha ntangilo, Yesu aγosholecho kuja Kana ya Galileya na kuonyesha, utana wakwe ulivyo; wahina wakwe wazamtozesha.

Yohana 3:16

Hambu Mulungu azaikundisha inu shi, akimwinkila ṅwanae mwe ike, kangwe ndiye amtozeshe ashezaaγa, miya nezeainkwe nkaiamo ya kale na kale.

Yohana 3:18

Mwemtozesha nkalahwa, ashitozeshaye aibindile kulahwa, kwa kuti nkatozeshe zina ja ṅwanangwa ywa Mulungu mwe ike.

Yohana 6:51

Imi ni nkande ya moyo ilawileyo mwe lwingu; ati muntu aja inu nkande, atatenda nkalamo ya kale na kale. Nkande, ndiyo niminke, ni ṅwili wangu weinkilwa, kangwe inu shi itende nkalamo.

Yohana 8:32

nemtaile vye kweli, kangi viya vye kweli vitamikombola.

Ntuṅwa 13:33

Mulungu azachibontwela wana wenyu aho akimfufula Yesu, sa vigondiγwevyo mwe zumo ja mbili kuγamba: Iwe u ṅwanangu, imi nizakuvyala lelo.

Waloma 8:3

Viya mulomongwa ushidahilevyo kubontola kwa mbuli ya unyonge wa ṅwili wa kimuntu, Mulungu azavibontola akimtuma ṅwanae ṅwenye mwe shula ya ṅwili wa kihuza kwa mbuli ya uhuza, ne avyo, laha uhuza kunu shi,

Waloma 9:5

wana wababa, hata Kilisito aanduka kimuntu mwe inu mbali; uyu ni Mulungu, ni mkulu ike, atogolwe kale na kale! Amini.

1. Wakolinto 15:47

Muntu ywa hosi aanduka mwe shi, ni ywa kiinushi.

2. Wakolinto 12:9

miya azanilandula: Tamilwa du ni mbazi yangu! Yabesha; hambu mwe unyonge ne nguvu yangu imotendesha. Ne vyeleka, nikikundisha kukitogola na unyonge wangu, kangwe nguvu ya Kilisito iniikaile.

Wagalatiya 4:4

miya mishi ikitimiza, Mulungu azamtuma ṅwanae, akivyalwa ni mvyele, akiitika mulomongwa,

Waefeso 3:8

Imi ni mdodo ṅwenye kuzinka waṅazi woshe, kangi nizafilwa mbazi, nibilikile wamzimu uzuli wa Kilisito ushiwodosekana,

Wakolose 1:19

Hambu ne vimtamilevyo Mulungu, vyosheni viikale mwakwe,

Wakolose 2:3

Hambu mwe uyu feitende choshe cha viyuγo na eha utalizi chiifishiγwe mumo.

Wakolose 2:9

Hambu mwe uyu mwikala vyoshe vya Kimulungu kiṅwili;

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

Waebuleyo 1:3

Uyu atilangazishiza utana wakwe, kangi a vivyoho, sa ṅwenye alivyo, vituhu vyoshe avitoγesha na mbuli yakwe ye nguvu, akibinda kutihozeza mabano azahita kwa ikala kulume kwa ṅwenye nguvu uko ulanga.

Waebuleyo 1:5

Iwe u ṅwanangu, nizakuvyala lelo? Ao akimγamba: Nitamγalukila ishe, yuja neaniγalukile ṅwanangu?

Waebuleyo 10:5

Ne vyeleka, akilonga aho akiingila mwe inu shi: Ṅombe na nkande za mviko na matemo nkukundile, miya uzaninka ṅwili.

Waebuleyo 2:11

Hambu yuja mweṅaza na waja weṅazwa waanduka kwa muṅwe, ne vyeleka, yuja akisheona shoni kuwaitanga wanduγu,

Waebuleyo 5:5

Ivyoho hata Kilisito nkakigimbike ṅwenye, aγaluke mvikizi mkulu, miya ni yuja amlongileye: Iwe u ṅwanangu, imi nizakuvyala lelo.

1. Yohana 4:14

Ishwi tizaviona, tavilongela uwona kuti: Tate azamtuma ṅwanae, ahonye inu shi.

1. Yohana 4:9

Lukundisho, Mulungu alotikundisha nalo, luzalawila, kuti Mulungu azamtuma ṅwanae mwe ike mwe iou shi, kangwe nezetiinkwe nkalamo ndiye.

2. Yohana 1:7

Hambu waazaγanyi wangi wazaingila mwe inu shi washiwolaviliza kuti: Yesu Kilisito aizile na ṅwili wa kimuntu; mwe ivyoho ni mwazaγanyi, ne mwemwomanya Kilisito.

Mfumbulo 19:13

Aizwikile nkazu igezilweyo mpome, zina jakwe aitangwa; Mbuli ya Mulungu.

Mfumbulo 21:3

Nizaiva kanwa kikulu chelawa he kitingwa, angwe: Shiji ikailo ja Mulungu na ja wantu, ndimo aikale nawo, ndimo waja waγaluke mbali zakwe, ndimo Mulungu ṅwenye aangilane nawo.