Yakobo 5:7 - Kishambala New Testament 2005

⁷ Wanduγu, afizai na kuzizimiza kuuya kwa Zumbe! Olelai, mulimi avyoafiza matunda ya shi yena kima! Aγoja na kuzizimiza, mpaka fula ya vuli na ya ṅwaka igwe.

Yakobo 5:7 ပူးပေါင်းရင်းမြစ်များ

Mateyo 16:27

Hambu muntu alavye makombo ani, ndiyo akikombole nayo? Hambu ṅwanangwa ywa muntu atazalawila na utana wa ishe haṅwe na walau wakwe, ne ndiho amwuzize kila muntu kwa miγoshwele yakwe.

Mateyo 16:28

Kweli namiti: Awa weγoloka aha weyae wawe kuṅwe nkewaone kifa, shuti wanemwona ṅwanangwa ywa muntu, akiiza mwe uzumbe wakwe.

Mateyo 24:27

Hambu sa viyaho lumuli luvyolawa kuja kwelawa zuwa lukimulika he lwingu lwoshe mpaka kuja kweingila zuwa, ne ndivyo kuuya kwa ṅwanangwa ywa muntu kulawile.

Mateyo 24:44

Kwa ivyoho hata inywi kiteγei! Hambu ṅwanangwa ywa muntu atazaizila, mushihomwafiza.

Luka 18:8

Namiti: Atafikawavunila kinyanyi. Kumbe ṅwanangwa ywa muntu akizaiza neaone wemtozesha kunu shi?

Luka 21:27

Ne ndiho wamwone ṅwanangwa ywa muntu, avyoiza mwe zunde na nguvu nyingi na utana ungi.

Luka 8:15

Miya ziya zigwelezo mwe shanga ntana ni waja weiva mbulingwa na kuitozesha mwe myoyo yeziha vitana, ne wevukiza na kuzizimiza.

Yohana 21:22

Yesu amuti: Ati imi nakunda, aikale, mpaka nikizaiza, iwe una mbwai navyo?

Yohana 21:23

Iwe nitongela du! Ne iyo mbuli iandukeho, wanduγu wakihalonga: Yuja mhina nkafa. Miya Yesu nkalongile kuti: Nkafa, miya alongile: Ati nakunda, aikale, mpaka nikizaiza, iwe una mbwai navyo?

Waloma 15:4

Hambu viya vyagondwavyo kale vyagondwa, vitihinye, kangwe titozeshe kialilo chetu na kuzizimiza na kubembuliziγwa na viya vyagondwavyo.

Waloma 2:7

Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

1. Wakolinto 1:7

Ne vyeleka, viya vyoshe tivyoinkwa kwa mbazi nkamuvikosa, hata kiṅwe, hambu mwamwafiza Zumbe ywetu Yesu Kilisito, alawile.

Wagalatiya 5:5

Miya ishwi kwa nguvu ya mpehongwa taafiza na kutozesha uwo utanda, tiwoalila.

Wagalatiya 6:9

Tishetibuke kuγoshola viya vyetama! Hambu hakizabula, titazavionela, ati nkatihelele gati.

Wakolose 1:11

Mgelwe nguvu zoshe kwa viya, utana wakwe uvyona nguvu, mtende uzizimizi na uhozu, mumlavilize Tate ntogolo na nyemi,

1. Watesalonike 1:3

nkatidila kukumbuka tii ha Mulungu, Tate yweshu, ndima yenyu, muyoγoshola na kutozesha, na lulali lwenyu, muloona kuγamba: Tikundishane!, na uzizimizi wenyu, muwomwalila nawo Zumbe Yesu Kilisito he mesho ya Mulungu, Tate yweshu.

1. Watesalonike 2:19

Hambu kialilo chetu na nyemi yetu na linga jetu, tijokiombola najo, ni mbwai, Zumbe ywetu Yesu ahozalawila, ati si nywiyo wenye?

1. Watesalonike 3:13

kangwe myoyo yenyu itoγe vitana, ishowe masa, imtamile Mulungu, Tate yweshu, na kuṅala aho, Zumbe ywetu Yesu akiuya haṅwe na waṅazi wakwe woshe.

Waebuleyo 6:15

Kangi akizizimiza vivyoho, azaona viya vya kilaγa.

Yakobo 4:11

Mshelongelane vibada, wanduγu! Mwemlongela mnduγu vibada ao mwelahana na mnduγu ywakwe, alongela mulomongwa vibada, kangi alahana na mulomongwa; miya ukilahana na mulomongwa nkuuγoshola,

Yakobo 5:10

Wateγanyingwa, ndiwo wakibilikila mwe zina ja Zumbe, waolelei, walumilevyo na kuzizimiza! Hinilai mumo! Ishwi tatogola waja wavotilewo.

Yakobo 5:3

zahahu na feza zenyu zizabanika na nkanga, kangi inu nkanga itazamifyalima, itazaja nyama za mih yenyu viya ni moto, mzaumbika mali mishi inu ya kushilikiza:

2. Petelo 3:4

Kilaγa cha kuuya kwakwe chi kuhi? Hambu watate zeshu wazafa, kangi vyoshe vyaikala vivyoho, sa viyaho vya kale vikiumbiγwa.