Yakobo 4:8 - Kishambala New Testament 2005

⁸ Inywi wahuza, ṅazai mikono! Kangi inywimwena mashamaili, ṅazai myoyo! Onai sungu na ukiwa, mulile!

Yakobo 4:8 ပူးပေါင်းရင်းမြစ်များ

Mateyo 12:33

Mkihanda muti mtana, ne ndimo mwonele malunda matana; mkihanda muti mubada, ne ndimo mwonele ntunda mbada, hambu muti utailwa na ntunda zakwe.

Mateyo 15:2

Nini wahina wako wakibana vitigo vya wakale? Hambu nkawahaka mikono wakija nkande.

Mateyo 27:24

Pilato akiona, kuti nkawavota, kuti vuzo jitaisiiza du, azaγuwa mazi, azahaka mikono, wantu woshe waiolele, angwe: Mwe aya masa ya mpome ya uyu muntu simo, yamanyei inywi wenye!

Ntuṅwa 15:9

kangi nkakundile, tikizinkana nawo kwa viya, aṅazizevyo myoyo yawe kwa mbuliya kutozesha kwawe.

2. Wakolinto 7:1

Weyangu niwokundisha! Kwa kuti tiiikilwe misuhi yeinga aha, netikihoze kwa mbuli zoshe zigezilezo mili yetu na mpeho zetu kisitama, kangwe tibontoleze kukiṅaza kwa viya tivyomwogoha Mulungu!

1. Timoteyo 2:8

Lushe nakunda, hantu hoshe kuvike waγoshi wakiinula mikono iṅazileyo kishimaya na kushetongonyeza mbuli ntuhu.

Waebuleyo 10:22

Netimtimile na myoyo ye kweli, yeisiiza kutozesha, ihoziγweyo na mpomengwa, kuti nkaitaila mbuli mbada vituhu, kangi mili iihakiγwe na mazi yeengemala.

Waebuleyo 7:19

ne kuhoingiziγwa kialilo chetama kuzinka, ichi ne ndicho timubwile Mulungu nacho. Kangi nkaviγosholwe na kushekilisha;

Yakobo 1:8

Hambu ni muntu mwetongonyeza haili, kangi ahitukahituka mwe sila zakwe zoshe.

Yakobo 3:17

Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

1. Petelo 3:21

Aya mazi yafanana, viya ni mazi ya ubatizi, yatihonya mishi inu, tikibatizwa nayo, so kwa kuγamba: Yausha nongo ya ṅwili, miya ni aho tikidaha kumlanga Mulungu na moyo ukombolwewo vitana kwa mbuli ya ufufuki wa Yesu Kilisito.

1. Yohana 3:3

Kila muntu mwena ichi kialilo naye akiṅaza kwa viya, yuja avyo mṅazi.