Yakobo 4:4 - Kishambala New Testament 2005

⁴ Inywi watesi, nkamtaila kuti: Kukundisha inu shi ni kumshwika Mulungu? Lushe mwekunda kuγaluka mtana ywa inu shi, akiγalusha munkulu ywa Mulungu.

Yakobo 4:4 ပူးပေါင်းရင်းမြစ်များ

Mateyo 12:39

Azawalandula angwe: Inu mbali mbada yeγenyeza kilanga yalonda lwitangilo, kangi nkezewainkwe lutuhu, kushima luja lwa mteγanyi Yona.

Mateyo 16:4

Inu mbali mbada yeγenyeza kilanga yalonda lwitangilo, kangi nkezewainkwe lutuhu kushima luja lwa Yona. Azawaasha azahita.

Mateyo 6:24

Nkakuna mwedaha kutumikila wazumbe waili; hambu atamshuka yuja muṅwe, amkundishe yuja mtuhu, ao akianga na yuja ywa bosi atamubela yuja mtuhu; nkamdaha kumtumikila Mulungu haṅwe na mali ya kiinushi.

Luka 19:27

Lushe waja wankulu wangu washikundilewo, nikitoza uzumbe kwawe, waletei na kunu, muwakome, niiolele!

Yohana 15:19

Ati mwanduka mwe inu shi, anga inu shi izakundisha weyae; kwa kuti nkamwanduka mwe inu shi, kangi nizamishaγula na kumilavya mwe inu shi, kwa ivyoho inu shi yamishuka.

Yohana 17:14

Imi nizawainka mbuli yako, kangi inu shi yawashuka, kwa kuti nkawaanduka kunu shi, sa imi nishivyoanduka kunu shi.

Yohana 7:7

Inywi inu shi nkaidaha kumishuka, miya imi yanishuka, kwa kuti nailonga uwona, kuti miγoshwele yakwe ni mibada. Inywi hitai kwe uwo mviko!

Waloma 5:10

Hambu timtemekelwe Mulungu ni kufa kwa ṅwanae, tike wankulu wakwe, lushe ivyo tatemekelwavyo, titahoufyiγwa ni nkalamo yakwe.

Waloma 8:7

Hambu ntongonyezi za kimuntu ni za nkulu na Mulungu, nkaziitika mulomo wa Mulungu, kangi nkazidaha kuitika.

1. Wakolinto 1:20

Mkiyuγo ni yuhi? Mtalizi ni yuhi? Mnyanyi ywa kiinushi ni yuhi? Mulungu nkabunkule viyuγo vya inu shi, kuti ni udashi?

1. Wakolinto 1:21

Hambu kwa kuti inu shi na viyuγo vyakwe nkaimtaile Mulungu na viyuγo vyakwe vya Kimulungu, ne Mulungu akundilevyo kuhonya na ubilikizi ubabashi waja, wetozesha.

Wagalatiya 1:10

Lushe nikitamiziza wantu, hambu Mulungu? Hambu nilonda, nitamile wantu? Ati niketamila wantu, anga si mtuṅwa ywa Kilisito.

Yakobo 1:27

Mivikile milana Ishiyobanika, yemtamila Mulungu Tate shinu: Kukaula wana waashiγwewo oi wavyazi wawe na wavyele wafilwewo ni walume wawe na kushekigela mwe usaba wa kiinushi.