Yakobo 4:12 - Kishambala New Testament 2005

¹² kangi shivyo walahana nawo. Mwelavya mulomongwa na mwelaha nawo ni muṅwe, uyu ne mwedaha kuhonya na kukoma; miya iwe u ndai ukilahana na ṅwiyawo?

Yakobo 4:12 ပူးပေါင်းရင်းမြစ်များ

Mateyo 10:28

Msheogohe waja wekoma ṅwili du, washiwodaha kukoma moyo! Isiizai kumwogoha yuja mwedaha kubenta ṅwili, hata moyo uaγe kuzimu!

Luka 12:5

Miya nitamionyesha, ndiye mumwogohe. Mwogohei yuja mwekoma, kangi akibinda ana ufuṅwa wa kushindika na kuzimu!

Waloma 14:13

Kwa inu mbuli tishezalahana wenye, miya tikaalile iyo mbuli ṅwenga, muntu ashemwikile ṅwiyae ha kikwiila, ahoihilwa ndiho!

Waloma 14:4

Iwe u ndai ukimlaha muntungwa? Ati aγoloka, ati akina, vyoshe avimγoshwela Zumbe ywakwe ṅwenye; miya inga atoγe, hambu Zumbe ana nguvu ya kumwitika.

Waloma 2:1

Kwa inu mbuli, iwe muntu welaha, nkima ndivyo ukikanile navyo, hambu viya uvyomlaha ṅwiyao navyo, ukilaha ṅwenye, hambu iwe nawe welaha weyao waviγoshola.

Waloma 9:20

Ṅwiyangu, u ndai iwe ukikunda kukanana na Mulungu? Kiumbo chadaha kumγambila mwufi: Nini ukiniγoshola iviho?

Waebuleyo 7:25

Ne vyeleka, akidaha kuhonya kale na kale waja wemwizila Mulungu kwa mbuli ya uyu, hambu a moyo kale na kale, kangwe adahewalongela.

Yakobo 5:9

Wanduγu, msheṅunane, kangwe mshezalahwa! Olelai, mlaha masa aγoloka he mihindulo yenyu!