Yakobo 4:1 - Kishambala New Testament 2005

¹ Nkumbizi zenyu mkishindaomana zianduka na hi? So kwa kuti nyemi zemiheheleza zaomana mwe madangoya miliyenyu?

Yakobo 4:1 ပူးပေါင်းရင်းမြစ်များ

Mateyo 15:19

Hambu mwe moyo mwalawa ntongonyezi mbada: Kukoma, ulesi, kilanga, kubawa, kushinga, kukanka.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Waloma 7:23

miya naona mulomo mtuhu mwe ṅwili wangu ushiwoivana na mulomo wa moyo wangu, ni uja wenikundila nralomo wa uhuza, weikala mwe madango ya ṅwili wangu.

Waloma 7:5

Hambu aho ndiho tikianga kimuntu, uhalami woshe wa uhuza ukiheheleziγwa ni mulomongwa, uzakihima nguvu mwe madango ya mili yetu, kuunga tivyaile kifa kuwo.

Waloma 8:7

Hambu ntongonyezi za kimuntu ni za nkulu na Mulungu, nkaziitika mulomo wa Mulungu, kangi nkazidaha kuitika.

Wagalatiya 5:17

hambu ṅwili una kihelehele na viya vyeihila mpehongwa, kangi mpehongwa ina kihelehele na viya vyeihila ṅwili, ivyobo awa waili waomana, kangwe wenye mshedahe kuγoshola muvyokunda.

Wakolose 3:5

Komai lushe vya mili yenyu ya kiinushi: Kilanga, uhuza, kihelehele, luzisho lubada, tamaa ya mali yefanana viya ni kutumikila mizimu!

2. Timoteyo 2:23

Miya mikanano ishinayo hontokelo usheikunde, uitaile kuti: Yakabanyanya wantu!

Tito 3:3

Hambu hata ishwi aho kale ne tii wababashi na wapapala, ne tikiazaγanyiγwa, ne tikitumikila kihelehele na uhalami ungi, ne tii wabada na wawizu, ne tikishukwa, kangi ne tikishukana wenye na wenye.

Tito 3:9

Miya mikanano mibada na mbuli za wakale na mbifya na nkumbizi kwa mbuli ya vitigo uzitowe hulu! Hambu nkazizifya, ni za bule.

Yakobo 1:14

Miya kila muntu aγezwa akihimilwa, akiheheleziγwa ni luzisho lwakwe ṅwenye.

Yakobo 4:3

Mwalombeza, miya hata vivyo nkamuviinkwa, kwa kuti mulombeza vibada, kuti mwakunda, muvibinde na nyemi zemiheheleza.

1. Petelo 1:14

Sa wana weitika msheange na luja luzisho lwenyu lwa aho kale, ndiho mkiikala tumala!

1. Petelo 2:11

Wanduγu, kwa kuti nkamu wakaya, mu watafi, namihimila, mtowe kihelehele choshe cha mili hulu cheomanya myoyo.

2. Petelo 2:18

Walonga mbuli za mahiku du zishinazo bontokelo, na uhalami na upepe na uhambanyi wawe wahosa waja waandiilewo kunyilika waja weanga na kuaγilwa,

2. Petelo 3:3

Bosi tailai inu mbuli kuti: Mishi ija ya bindilizo kutazalawila wafyosi wena ufyosi ubada, wetongela luzisho lwawe lwoshe, angwe: