Yakobo 3:6 - Kishambala New Testament 2005

⁶ Hata lulimi ni moto, ni ngulu ngima ye ubada, mwe madango yetu yoshe lulimi ne lwekandanya ṅwili woshe, lwaokela vyoshe viumbiγwevyo, kangi ṅwenye lukoleziγwa ni moto wa kuzimu.

Yakobo 3:6 ပူးပေါင်းရင်းမြစ်များ

Mateyo 12:24

Mafaliseyo wakiviiva wazaγamba: Uyu akiingata mpepo, so kwa nguvu ntuhu, ni kwa nguvu ya Mzuka, zumbe ywa mpepo.

Mateyo 5:22

Miya imi namiti: Kila mwena maya na mnduγu ywakwe atazakola masa; ndiye amweze mnduγu ywakwe, atazakola masa bomani, ndiye amkanke, atazakola masa ya kushindikwa mwe moto wa kuzimu.

Maliko 7:15

Nkakuna mbuli ya muntu ye se yedaha kumgela kisitama ikimwingila; vyemgela muntu kisitama ni viya vyelawa mwe moyo wa mimtu.

Luka 16:24

Ṅwenye azakema lushe angwe: Tate Abulahamu! Nifa mbazi, umtume Lazalo, kangwe agele mpembo ya chala chakwe mwe mazi, aize, ayanidodeze mwe lulimi lwangu! Hambu naisa kulumiziγwa ni unu moto.

Ntuṅwa 20:30

Hata kwenyu kuṅwe newainuke, wabilikile mbuli zishiteγanazo, wahune wahinangwa na kwawe, wawatongele.

Ntuṅwa 5:3

Petelo azamuti: Ananiya, nini Satani akigisa moyo wako, umhenyeze Mpeho mṅazi na kufisha shilingi kuṅwe, uonelezo na γisa jako?

Ntuṅwa 6:13

Wazalavya waona wa lulimi weγamba: Uyu muntu nkadila kulonga mbuli za kubela haṅazi na mulomongwa.

Tito 1:11

Awa vyaagiza kuwashitila vyanwa, hambu wachakula nyumba ngima wakihinya vishivyoagiza, kangwe waonele mali, unu ne mulimo wawe mubada.

Yakobo 2:7

Siwo wekanka ijo zina tana, mujoitangwa najo?

Yakobo 3:7

Hambu nyama zoshe, ati ni mazama ya tunduwi, ati ni madeγe, ati ni nyoka, ati ni mazama ya bahali, zadahwa, kangi zizabinda kudahwa ni minyanyi ya wantu,

2. Petelo 3:3

Bosi tailai inu mbuli kuti: Mishi ija ya bindilizo kutazalawila wafyosi wena ufyosi ubada, wetongela luzisho lwawe lwoshe, angwe:

3. Yohana 1:10

Kwa inu mbuli nikizaiza nitamkumbusha mbuli zakwe, azoγoshola, akitishinga vibada, kangi nkahela haho du; ṅwenye nkafikiza wanduγu, vikibinda waja wekunda awafingiza, awaingata mwe bumbangwa.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 18:23

Hata langaila ja taa nkezejikepwinkuka kwako, hata lukeleγele lwa wali wa kiγoshi na wa kivyele nkezelukeivika kwako! Hambu wachuluzi wako ne wai wakulu wa inu shi, hambu wamzimu woshe ne wakiazaγanyiγwa ni ushai wako,

Mfumbulo 19:20

Ne ihogwilwa ija nyama haṅwe na mubilikizi ywa ulongo, ndiye akiγoshola viya vilozo he mesho yakwe, aazaγanyevyo navyo waja wakigezilewo nyindi ja ija nyama na kuvika kinyuwa chakwe. Wake moyo, awa waili wazatambikwa na mwe ziwa ja moto uvanganewo na vibilitibiliti.