Yakobo 3:17 - Kishambala New Testament 2005

¹⁷ Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

Yakobo 3:17 ပူးပေါင်းရင်းမြစ်များ

Mateyo 23:28

Vivyoho hata inywi, wantu wakimiolela, muvyooniγwa, mwafanana, viya mu watanda, miya uko ndai mwe myoyo yenyu mwigisize mihembo na ubezi wa mulomongwa.

Mateyo 5:8

We nyemi ni waja wena myoyo yeṅala, hambu watazamwona Mulungu.

Mateyo 5:9

We nyemi ni waja weivanya weyae wawe, hambu watazaitangwa wana Mulungu.

Luka 21:15

Hambu imi neniminke milongele yena viyuγo, ndiyo waja woshe wemikeleza nkani washedahe kuikeleza nkani na kuilandula.

Luka 6:36

Γalukai wantu wena ulungu, sa ishe ywenyu avyona utungu.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:47

Yesu akimwona Natanayeli, akiiza kwakwe, azalonga mbuli yakwe kuγamba: Shuyu Mwisilayeli mkweli ashinaye mambeza!

Ntuṅwa 11:24

Hambu ni muntu mtana agisizeye mpeho ṅazi, mwetozesha vyedi. Bumba kulu muno jizaiγalwa kwa Zumbe.

Ntuṅwa 9:36

Yope ne kwina mvyele mweitangwa Tabita, ni mhina; bontokelo ja iji zina ni kuγamba Mpala; uyu azaγenyeza ndima ntana na kufila weyae mbazi.

Waloma 12:18

Kwa mbuli ya inywi, ati vyadahikana, ivanai na wantu woshe! Weyangu, mshekilahizize wenye!

Waloma 12:9

Kukundishana kwenyu kusheγaluke kwa ulongo! Towai viya vibada hulu, mtongele viya vitana!

Waloma 15:14

Weyangu, hata imi ṅwenye natailisha, kuti vitana vyenyu ni vingi, kuti mwataila mbuli zoshe, kuti mwadaha wenye kushundana,

1. Wakolinto 12:8

Hambu muṅwe ainkwa ni mpehongwa milongele yena viyuγo, mtuhu ainkwa kulonga utalizi weivana na ija mpehongwa,

2. Wakolinto 10:1

Namishunda na uhozu na uzizimizi wa Kilisito, imi Paulo ṅwenye nekaγaluka mnyonge kwenyu nikimiona, nekamihimbila nii hale!

2. Wakolinto 6:6

Tiyalonda uṅazi, viyuγo, uhozu, utana, mpeho ṅazi, lukundisho lwe kishiulongo, mbuli ye kweli, nguvu ya Mulungu;

2. Wakolinto 7:11

kuti mzaonyiγwa ukiwa wa Kimulungu, izaleka, mkikihima vyekuinga haja, mkikikanila haṅwe na kuihilwa na kuogoha, kangi mkitendwa ni kihelehele cha kufikalaha ija mbuli; mzakibunkula na ivi vyoshe kuti: Ayo masa nkayamiteγane.

2. Wakolinto 9:10

Yuja mwemlaviliza mtakuhanda mbeyu na nkande za kuja, yohe neamilavilize, neamiγenyezeze mbeyu, neakuze viya vya utanda wenyu, kangwe na viya vyoshe mγaluke wazuli,

Waefeso 5:9

Hambu kitende cha langaila ni utana na utanda na ukweli woshe.

Wafilipi 1:11

mwiγenyeze kuwo ja utana mwinkiγwewo ni Kilisito Yesu, kangwe Mulungu agimbikwe, atogolwe.

Wafilipi 4:8

Vikibinda, wanduγu, tongonyezai viya vya kweli, viya vya tae, viya vya utanda, viya vya uṅazi, viya vye mulile, vyetama kulongwa, vyezifya mbuli, vyeagiza kutogolwa!

Wakolose 1:10

mtende myangile yedaha kumtamila Zumbe vitana, mtende kuwo ja kuγoshola ndima zoshe ntana, mwisiize kumtaila Mulungu.

1. Watesalonike 2:7

Titadaha kukihikula kuti: Ti ntuṅwa za Kilisito, miya kwenyu ne tii wakuwi, sa mvyele mweonkeza wanae avyowakengeleza.

1. Timoteyo 5:21

Mulungu na Kilisito Yesu na walau washaγulwewo ni waona wangu, nikikulaγilizisha, uγolokele inu mbuli na kusheteγeleza moyo wako, kangi ushezaiγoshola na kumwombola muntu!

2. Timoteyo 2:24

Miya mtuṅwa ywa Zumbe nkavimwagiza kuifyana na weyae, shuti atende ukuwi na wantu woshe, adshewafuza, shuti atende uzizimizi,

Tito 1:15

Weṅala myoyo vyoshe vyawaṅaila; miya wena myoyo mibada, washiwotozesha nkahana vyewaṅaila hata, hambu ntongonyezi zawe na myoyo yawe ni mibada.

Tito 3:2

washetende nkumbizi, waivane, waangilane na wantu woshe na uhozu ungi!

Waebuleyo 12:11

Kweli shundwe zoshe aho, tihokaziona, nkatizifanyanya kuti: Ni nyeml, miya tiγamba: Ni ukiwa, miya mishi ya nyuma waja weshundiγwa ndizo watazaona, zivyowavyaila kuwo ja utanda mpalahole.

Waebuleyo 12:14

Isiizai kulonda mwivano na wantu woshe, kangi londai, ndivyo mṅazwe! Hambu ivi viishiho, nkahana ndiye amwone Zumbe.

Yakobo 1:17

Vitana vyoshe na mbazi zoshe za kweli zianduka ulanga, zilawa kwa Tate mwe langaila, ashiyeγalamuka, kangi kwakwe langaila oa lwiza nkavihokelana.

Yakobo 1:5

Ati kwenyu kuna mweshowa viyuγo, avilombeze kwa Mulungu mweviinka wantu woshe kwa mbazi na kushetenda kinyuma! Ne ndivyo avionele.

Yakobo 2:13

Hambu ashitendileye mbazi atazaona masa yeshowa mbazi, kangi mbazi zatogolwa kuzinka ukali wa masa.

Yakobo 2:4

ivyoho myoyo yenyu nkaibunkuke? Mkipanga ivyoho nkamtatongela ntongonyezi mbada?

Yakobo 3:15

Icho sicho kiyuγo cheanduka ulanga, miya ni cha kiinushi, ni cha kimuntu, ni cha kimzimu.

Yakobo 4:8

Inywi wahuza, ṅazai mikono! Kangi inywimwena mashamaili, ṅazai myoyo! Onai sungu na ukiwa, mulile!

1. Petelo 1:22

Ṅazai myoyo yenyu mkiitika mbulingwa ye kweli, mkundishane na kushehenya, mwisiize kukundishana kwa moyo kila muntu na ṅwiyae!

1. Petelo 2:1

Lushe muleke ubada woshe na lwufyo lwoshe na mambeza na wizu na lushingo lwoshe!

1. Petelo 2:18

Weikala hangwa waitike wababa zawe na woγa woshe, ati ni watana na wahozu, miya hata vivyoho waja wena mbifya!

1. Yohana 3:18

Wanduγu, tishekundishane ulongo du, lulimi du, miya tikundishane na kuambizanya kweli!

1. Yohana 3:3

Kila muntu mwena ichi kialilo naye akiṅaza kwa viya, yuja avyo mṅazi.