Yakobo 3:15 - Kishambala New Testament 2005

¹⁵ Icho sicho kiyuγo cheanduka ulanga, miya ni cha kiinushi, ni cha kimuntu, ni cha kimzimu.

Yakobo 3:15 ပူးပေါင်းရင်းမြစ်များ

Luka 16:8

Zumbe azamlogola yuja mγolokezi muwiwi, kuti azaγoshola vya minyanyi; hambu wana wa inu shi wakiangilana mwe mbali yawe wenye na wenye ni wanyanyi kuzinka wana wa langaila.

Yohana 3:17

Hambu Mulungu nkamtumile ṅwanae mwe inu shi, ailahe inu shi, miya inu shi ivunilwe ndiye.

Yohana 8:44

Nini mkishetaila milongele yangu? Kwa kuti nkamdaha kuiva mbuli yangu. Inywi mwaanduka kwa ishe ywenyu, ni yuja ṅwenye leba, kangi mwakunda kuγoshola, ishe ywenyu avyoheheleziγwa ndivyo; yuja ne mkoma wantu hata kale, na viya vye kweli nkaikala navyo, kwa kuti ṅwenye vye kweli nkana navyo. Akilonga vye mambeza, alonga vyeanduka kwakwe ṅwenye, hambu ni mumambeza, ni ishe ja mambeza.

Ntuṅwa 13:10

Iwe uigisize minyanyi yoshe na uhambanyi woshe, u ṅwana Satani, utanda woshe wakuihila, nkudila kuhotola sila za Mulungu zeγolokela.

Waloma 1:22

Wekifanyanyiza, kuti ni wanyanyi,

1. Wakolinto 1:27

miya wababashi wa kiinushi ne Mulungu ashaγulewo, kangwe agele wakiuγo shoni, kangi wanyonge wa kiinushi ne Mulungu ashaγulewo, kangwe agele wanguvu shoni;

1. Wakolinto 2:14

Muntu mweitika moyo wakwe nkahokela viya vya mpeho ya Mulungu, aviitanga kuti: Ni ubabashi du, nkadaha kuvitaila, hambu ivi vikunda kudosiγwa kimpeho.

1. Wakolinto 3:19

Hambu viyuγo vya inu shi ni ubabashi kwa Mulungu. Hambu kuigondiγwe: Agwila wakiyuγo na unyanyi wawe, kangi vituhu vyalongwa:

1. Wakolinto 3:3

Hata mishi inu nkamzati mzidahe, hambu mke wa kimuntu. Hambu mwina wizu na nkumbizi, lushe nkamtongela uhalami wa mili yenyu? Nkamwanga kimuntu?

2. Wakolinto 1:12

Tivyokitogola wenye shivi: Kuti myoyo yetu yatilongela uwona, kuti tizaanga mwe inu shi kiṅazi na kikweli, so kwa viyuγo vya kiinushi, miya ni kwa mbazi ya Mulungu, hata kwenyu tizaisa kukihima navyo.

2. Wakolinto 11:3

Miya sa nyoka imhosizevyo Ewa na ugila wakwe, naogoha vivyoho, hata ntongonyezi zenyu zishezatabaniγwa, mshedahe kumwalila Kilisito.

Wafilipi 3:19

Bindilizo jawe ni kubanika, hambu Mulungu wawe ni ifu, ntana wawe ni vintu vyena shoni, ni waja wefanyanya mbuli za kiinushi.

2. Watesalonike 2:9

Yuja miizile yakwe iγesiγwa kwa ufuṅwa wa Satani na nguvu na ntangilo na vimaka vyoshe vya ulongo,

1. Timoteyo 4:1

Mpehongwa yalonga na kulaviliza kuti: Mishi ya bindilizo kuṅwe watazatowa hulu viya, ndivyo wakitozesha, watazatongela waja wena mpeho za uwazaγanyi na wehinya mbuli za kimpepo,

Yakobo 1:17

Vitana vyoshe na mbazi zoshe za kweli zianduka ulanga, zilawa kwa Tate mwe langaila, ashiyeγalamuka, kangi kwakwe langaila oa lwiza nkavihokelana.

Yakobo 1:5

Ati kwenyu kuna mweshowa viyuγo, avilombeze kwa Mulungu mweviinka wantu woshe kwa mbazi na kushetenda kinyuma! Ne ndivyo avionele.

Yakobo 3:17

Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

Yuda 1:19

Awa ne weγenyeza nkumbizi, ni wa kiinushi, nkawana mpehongwa.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 2:24

Miya namiti inywi watuhu uko Tiyatila, mushiwotongela ija mifuzize, mushiwotaila minyanyi yoshe ya Satani, namilonga kilushimo kuγamba: Sezenimiinuze mziγo wa mtuhu.

Mfumbulo 9:11

Wana zumbe ywawe, ni mlau ywa kuzimu mweitangwa Kiebuleyo Abadoni, Kigiliki zina jakwe aitangwa Apoliyoni.