Yakobo 3:13 - Kishambala New Testament 2005

¹³ Mkiyuγo mwena unyanyi ni yuhi kwenyu? Neazifye myangile yakwe, ndima zakwe zoshe ziγosholwe na uhozu wena viyuγo!

Yakobo 3:13 ပူးပေါင်းရင်းမြစ်များ

Mateyo 11:29

Hambu imi ni mhozu, nakipunguza mwe moyo wangu, ne ndivyo mwonele myoyo yenyu luhemele.

Mateyo 21:5

Mγambilei mndele Siyoni: Shuyu zumbe ywako akulawila! Ni mkuwi; aipandile ṅwana njowe mweanga na nine.

Mateyo 5:5

We nyemi ni wahozu, hambu watazapala inu shi.

Mateyo 7:24

Kila muntu mweiva izi mbuli zangu akiziγoshola atafanana na muntu mkiyuγo mwezenga nyumba yakwe kunguwi.

1. Wakolinto 6:5

Nivilonga, nimigele shoni. Hambu kwenyu nkakuna mkiyuγo hata muṅwe, ndiye alamule mnduγu na ṅwiyae?

2. Wakolinto 10:1

Namishunda na uhozu na uzizimizi wa Kilisito, imi Paulo ṅwenye nekaγaluka mnyonge kwenyu nikimiona, nekamihimbila nii hale!

2. Wakolinto 8:24

Awa weshu waonyeshei lukundisho lwenyu, tilokatogola, mabumba yoshe yalutaile!

Wagalatiya 5:23

ubozu, kukitoza. Ivi vyoshe nkavilemelwa ni mulomongwa.

Wagalatiya 6:1

Wanduγu, ati muntu azavotwa ni kilema, ishwi wa kimpeho timshunde kimpeho na uhozu! Ukioleleshe ṅwenye, nawe ushezaγezwa ni iyo mbuli!

Wagalatiya 6:4

miya kila muntu aoleleshe miγoshwele yakwe ṅwenye! Ne ndivyo akitogole mwe moyo wakwe ṅwenye na kushevilaviliza kwa mtuhu.

Waefeso 4:2

mγenyeze ukuwi na uhozu na uzizimizi, mzizimizizanye na kukundishana, mkihime kutozesha,

Wafilipi 1:27

Ntoγo mtende myangile yeivana na ulau wedi wa Kilisito, kangwe ati nazaiza, nimione, ati ni kunu hale, nimiive kuti: Mwaγolokelana na mpeho ṅwenga, kuti: Mwaambizanya nkondo na moyo muṅwe kwa mbuli ya kutozesha ulaungwa wedi.

Wakolose 3:12

Inywi waṅazi, mshaγulwewo ni Mulungu, mwekundishiγwa ndiye, tendai utungu wena mbazi, ukuwi,

1. Timoteyo 4:12

Kusheoneke mwekubela kuti: Uke mbwanga! Miya wetozesha shuti wakuolele milongele na myangile na mikundishize na mitozesheze na mizifize ya mbuli zoshe!

1. Timoteyo 6:11

Miya iwe muntungwa ywa Mulungu, uvinyilike! Timila vye utanda na mitumikile na mitozesheze na mikundishize ye kweli na uzizimizi na uhozu!

2. Timoteyo 2:25

adaheshunda na uhozu waja wahishi, ati Mulungu akunda kuwainka luvotekele, wataile viya vye kweli,

Tito 3:2

washetende nkumbizi, waivane, waangilane na wantu woshe na uhozu ungi!

Waebuleyo 13:5

Mwange na kushekundisha feza, mtamilwe ni viya muvyoinkwa du! Hambu ṅwenye azalonga: Sezenikuashe, sezenikuukile!

Yakobo 1:21

Kwa ivyoho ushai kwenyu vyoshe vye shoni na ubada woshe weγenela kwenyu! Hokelai na uhozu mbulingwa ihandiγweyo kwenyu! Hambu ne yedaha kuhonya myoyo yenyu.

Yakobo 2:18

Hangi kuna mweγamba: Imi natozesha, iwe waγoshola ndimangwa; lushe nionyesha, uvyotozesha na kusheγoshola ndimangwa! Vikibinda nami nitakuonyesha, miγoshwele yangu ivyobontoka na kutozesha.

Yakobo 3:1

Wanduγu wangu, msheleke, wangi wakiγaluka wafuzi! Hambu tailai kuti: Masa yetu ni makulu kuzinka!

Yakobo 3:17

Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

1. Petelo 1:15

Miya sa yuja, ndiye akimiitanga, avyo mṅazi, hata inywi γalukai waṅazi mwe myangile yoshe!

1. Petelo 2:12

Tendai myangile mitana kwa wamzimu, kangwe waja wemishinga kuti: Mu wahambanyi, waone na mesho yawe ndima zenyu ntana, kangwe nezewamtogole Mulungu mushi uja, ahozalawila.

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.

1. Petelo 3:4

miya luhambo lwawe luγaluke luja lwefishiγwa mwe moyo, lushilobanika, ni muntu mwena mpeho ya uhozu na ya mpolele; ne vyena kima kwa Mulungu.