Yakobo 2:8 - Kishambala New Testament 2005

⁸ Miya mulomo mkulu wa Zumbe wa kuγamba: Umkundishe ṅwiyawo, sa uvyokikundisha ṅwenye!, mkiubontola unu, sa uvyogondwa, ne mtazifya.

Yakobo 2:8 ပူးပေါင်းရင်းမြစ်များ

Mateyo 22:39

Wa mbili wefanana nawo shunu: Umkundishe ṅwiyawo, sa uvyokikundisha ṅwenye!

Mateyo 25:21

Baba yakwe azamuti: U mupuna mtana mkoolezi, uzaγolokela viya viγeke, nenikugimbike, uγolokele vingi. Ingila kwe nyemi ya baba yako!

Mateyo 25:23

Baba yakwe azamuti: Iwe u mupuna mtana mkoolezi, uzaγolokela viya viγeke, nenikugimbike, uγolokele vingi! Ingila kwe nyemi ya baba yako!

Mateyo 7:12

Vyoshe muvyokunda, wantu wavimiγoshwele, andiilai inywi kuviwaγoshwela! Ne bontokelo ja mulomongwa na ja wateγanyingwa.

Waloma 13:10

Ukimkundisha ṅwiyawo nkudaha kumγoshwela vibada; vyaleka, kukundishana ni kubontola mulomongwa.

Wagalatiya 5:14

Hambu mulomongwa woshe wabontoka na inu mbuli ya kuγamba: Shuti umkundishe ṅwiyawo, sa uvyokikundisha ṅwenye!

Wagalatiya 6:2

Inwilanai miziγo! Ne ndivyo mubontole mulomo wa Kilisito;

Wafilipi 4:14

Miyamzazifya mkinihongeza mwe nkiwa wangu.

1. Watesalonike 4:9

Kwa mbuli ya kukundishana nkamshindagondelwa, hambu inywi wenye Mulungu azamihinya kukundishana.

Yakobo 1:25

Miya mweolelesha, mulomongwa uvyotibontokela aho, tikiombolwa, mwevitozesha nkafa kuiva na kufikajala, miya aγoshola lushe ndimangwa; uyu aona nyemi na ija miγoshwele yakwe.

Yakobo 2:12

Longai, kangi γosholai sa wantu weunga kulahwa namulomo, wawokombolwanawo!

Yakobo 2:19

Basi iwe watozesha kuti: Mulungu ni muṅwe; ni vitana; wakina Satani wohe watozesha ivyoho, kangi waukwa ni vizingizo.

Yakobo 4:11

Mshelongelane vibada, wanduγu! Mwemlongela mnduγu vibada ao mwelahana na mnduγu ywakwe, alongela mulomongwa vibada, kangi alahana na mulomongwa; miya ukilahana na mulomongwa nkuuγoshola,

1. Petelo 2:9

Miya inywi mu chengo chishaγulwecho, mu wavikizi wa kizumbe, mu bumba ṅazi, mu mbalingwa yena ṅwenye, kangwe muhilikile viya vitana vya yuja, ndiye akimiitanga, mulawe mwe lwiza, mwingile mwe langaila jakwe jemasha.