Yakobo 1:25 - Kishambala New Testament 2005

²⁵ Miya mweolelesha, mulomongwa uvyotibontokela aho, tikiombolwa, mwevitozesha nkafa kuiva na kufikajala, miya aγoshola lushe ndimangwa; uyu aona nyemi na ija miγoshwele yakwe.

Yakobo 1:25 ပူးပေါင်းရင်းမြစ်များ

Luka 11:28

Angwe ndiye: Kweli, we nyemi ni waja weiva mbulingwa ya Mulungu na kuiγolokela!

Yohana 13:17

Ati mwavitaila ivyoho muna nyemi mkiviγoshola.

Yohana 8:36

Ati ṅwana vyale amikombola, ne mtakombolwa kweli.

Ntuṅwa 13:43

Bumba jiizilejo vikiloi jikichakuka, Wayuda na wahina wemwogoha Mulungu wangi wazamtongela Paulo na Balinaba; awa wazawalonga na kuwahimila, watozeshe mbazi ya Mulungu.

Ntuṅwa 2:42

Wazakihima kufuziγwa ni ntuṅwa, wazaangilana na kubendwilana migate na kuvika.

Ntuṅwa 26:22

Miya kwa viya, mambiziγwevyo ni Mulungu, mpaka unu mushi wa lelo naγoloka haha, nalonga wadodo na wakulu uwona; kangi silonga mbuli ntuhu kushima viya, wateγanyingwa na Mose walongilevyo kuti: Nezevibontoke, kuti:

Waloma 11:22

Olela lushe uhozu na shundwe za Mulungu! Shundwe kwa waja waukilewo, miya kwako uolele uhozu wa Mulungu, ati waikaila uhozu vivyoho! Ati sivyo, hata iwe nezeushengwe.

Waloma 2:13

Hambu watanda kwa Mulungu siwo weiva mulomongwa, miya weγoshola mulomongwa, ne wezainkwa utanda;

Waloma 7:12

Vivyoho mulomongwa ṅwenye ni mṅazi, hata mlaγilizo ni mṅazi, waagiza, watama.

Waloma 8:15

Hambu nkamwinkiγwe vituhu mpeho ya kipuna, kangwe mwogohe, miya mzainkwa mpeho ya kiṅwana, ne tiyoitanga nayo: Tate ene, tiyekundisha!

Waloma 8:2

hambu mulomo wa mpeho ya nkalamo ye mwe Kilisito Yesu uzanikombola mwe mulomo wa uhuza na wa kifa.

1. Wakolinto 15:58

Kwa ivyoho, wanduγu wangu, niwokundisha, toγai vitana, mshevuwanike! Isiizai kukihima ndimaugwa ya Zumbe mishi yoshe! Hambu mwataila kuti: Lulah, muloona kwa mbuli ya Zumbe, so lwa bule.

2. Wakolinto 13:5

Kiγezei wenye, ati mwaanga na kutozesha! Kibunkulei! Hambu nkamkitaila, ati Yesu Kilisito muna naye? Ati sivyo, mzabinda kubunkuka,

Wagalatiya 2:4

miya ne haina wanduγu wa ulongo wakiingizewo kinjamanjama, awa wazakigela na mumu, watinyatile kwa viya, tivyoanga kishiṅwiko kwa mbuli ya Kilisito Yesu, kuunga nezewatikundile miko.

Wagalatiya 5:1

Kilisito azatikombola, tilawe mwe utuṅwa. Lushe toγai, mshozakundilwa vituhu uwo utuṅwa welumiza!

Wagalatiya 6:2

Inwilanai miziγo! Ne ndivyo mubontole mulomo wa Kilisito;

Wakolose 1:23

Ntoγo mwikale na kutozesha sa wantu wena shikizi jetoγa, msheushiγwe he kialilo cha ulaungwa, mwivilewo, webilikilwa kwa woshe we moyo kunu shi, niwotumikila imi Paulo.

1. Timoteyo 2:15

Miya atazahonyiγwa na kuvyala wana, ati awa waikala na kutozesha na kukundishana na kutenda myoyo yeṅala haṅwe na viyuγo.

1. Timoteyo 4:16

Kiγoje ṅwenye na mbulingwa, uzofuza, ukihime vivyoho! Hambu ukibontola ivyoho utakivunila ṅwenye na waja wekuiva.

Waebuleyo 12:15

Oleleshai kusheoneke kwenyu ashiyebwila mbazi ya Mulungu kwa kuzuzulika! Kusheoneke mwefanana na nkolo ya muti wekavyala vye ushungu, akizamionya lulali, wangi wakigisiγwa vibada ndiye!

Yakobo 2:12

Longai, kangi γosholai sa wantu weunga kulahwa namulomo, wawokombolwanawo!

1. Petelo 2:16

kuti mu wantu wabindilewo kukombolwa; kangi kunu kuγamba: Mwikombolwe, mshekuγalushe luγubikile lwa ubada, miya angai, sa vivyoagiza wapuna wa Mulungu!

1. Yohana 2:24

Viya mwivilevyo haja kivoko, viike kwenyu! Ati viya mwivilevyo haja kivoko vyaikala kwenyu, hata inywi mwaikala kwa Tate na kwa Ṅwanae.

Mfumbulo 14:13

Nizaiva kanwa chelawa mwe lwingu angwe: Gonda: We nyemi ni wafi wafilewo na kumtozesha Zumbe, buandiila haha! Kweli mpehongwa waγamba: Wahemela lulali lwawe, hambu ndima zawe ziyawatongela.

Mfumbulo 22:14

We nyemi ni waja wetozesha milomo yakwe, kangwe nezewashungulwe kuja muti wa nkalamo na kuingila mwe nkili za muzingwa.