Yakobo 1:17 - Kishambala New Testament 2005

¹⁷ Vitana vyoshe na mbazi zoshe za kweli zianduka ulanga, zilawa kwa Tate mwe langaila, ashiyeγalamuka, kangi kwakwe langaila oa lwiza nkavihokelana.

Yakobo 1:17 ပူးပေါင်းရင်းမြစ်များ

Mateyo 7:11

Lushe ati inywi wabada mwadaha kuinka wana wenyu vintu vitana, ishe ywenyu mweikala mwe lwingu asheisiize kuinka vintu vitana waja wemlombeza?

Luka 11:13

Lushe ati inywi wabada mwadaha kuinka wana wenyu vintu vitana, ishe ywenyu ywa kilwingu asheinke mpeho ṅazi waja wemlombeza?

Yohana 1:9

Langaila ja kweli jepwinkukila kila muntu ne jikiiza mwe inu shi.

Yohana 3:27

Yohana azawalandula, azawati: Muntu nkana achodaha kuhaγuwa, ati nkachiinkiγwe mwe lwingu.

Yohana 3:3

Yesu azamhitula, azamuti: Kweli nakuti: Muntu akishevyalwa ka mbili nkadaha kuona uzumbe wa Mulungu.

Yohana 8:12

Yesu azawalonga vituhu angwe: Imi ni langaila ja inu shi. Mwenitongela nkeaange mve lwiza, miya ataona langaila ja nkalamo.

Ntuṅwa 11:18

Wakiiva ivyoho wazaleka nkani, wazamtogola Mulungu angwe: Kumbe wamzimu wohena Mulungu awakundiza kuhitula ntongonyezi zawe, watende nkalamo!

Ntuṅwa 5:31

Uyu Mulungu azamgimbika, aγaluke zumbe na mhonya, ainke Waisilayeli luvotekele, waushiliziγwe mahuza.

Waloma 6:23

Hambu upokezi wa uhuza ni kufa, miya mbazi, Mulungu azotifiila mwe Kilisito Yesu, Zumbe ywetu, ni nkalamo ya kale na kale.

1. Wakolinto 4:7

Hambu u mwombozi ywa ndai? Una mbwai ushiinkiγwevyo? Ati uzaviinkwa, nini ukihikuka viya nkuteviinkwa? Mwiiγute? Mwiγenyeze?

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

Waefeso 1:18

Kangi aṅaze mesho ya myoyo yenyu, kangwe mtaile, mwitango wakwe tiwoalila ulivyo, utana wa kifu uvyokula, aikilacho waṅazi, mtaile,

Waefeso 2:8

Hambu ni mbazi, kuti mwivunilwe aho mkitozesha, kangi nkavianduka kwenyu, mteviinkwa ni Mulungu vivyoho;

Wafilipi 1:29

Mwakundiziγwa, so kumtozesha Kilisito du, miya hata kulumiziγwa kwa mbuli yakwe, mkiomanyiγwa iyo nkondo, mweneyo,

1. Timoteyo 6:16

uyu ike nkafa, aikala he langaila hashihobulikana, nkakuna muntu amweneye, kangi nkakuna mwedaha kumwona, uyu agimbikwe, kuti nguvu yakwe ni ya kale na kale! Amini.

Waebuleyo 13:8

Yesu Kilisito alivyo γulo na lelo, ne alivyo bata kale hoshe.

Yakobo 1:5

Ati kwenyu kuna mweshowa viyuγo, avilombeze kwa Mulungu mweviinka wantu woshe kwa mbazi na kushetenda kinyuma! Ne ndivyo avionele.

Yakobo 3:15

Icho sicho kiyuγo cheanduka ulanga, miya ni cha kiinushi, ni cha kimuntu, ni cha kimzimu.

Yakobo 3:17

Miya kiyuγo cheanduka ulanga hosi china shoni, vikibinda china mwivano na uhozu, chashundika, chaγenyeza utungu na kuwo tana, nkachina mbuli nyingi, nkachina mambeza.

1. Yohana 1:5

Ulau, tiivilewo kwakwe, tiwomibilikila, shumi: Mulimgu ni langaila, lwiza nkalumo mwakwe hata.

1. Yohana 4:10

Shulu lukundisho lwakwe, so kwa kuγamba: Ishwi tizamkundisha Mulungu, miya yuja azatikundisha ishwi, ahoze uhuza wetu.

Mfumbulo 21:23

Unu muzi nkauagiziγwa ni zuwa ao ṅwezi, vikiaka mumo, hambu utana wa Mulungu waupwinkula, taa yakwe ni yuja ṅwangoto.

Mfumbulo 22:5

Kilo nkezemugwe, nkawaagiziγwa ni langaila ja taa ao langaila ja zuwa, hambu Zumbe Mulungu atawapwinkukila, watatoza uzumbe kale na kale.