Yakobo 1:16 - Kishambala New Testament 2005

¹⁶ Msheleke, mkiazaγanyiγwa, wanduγu wangu, niwokundisha!

Yakobo 1:16 ပူးပေါင်းရင်းမြစ်များ

Mateyo 22:29

Yesu azawalandula, azawati: Mzaaγilwa, kwa kuti nkamtaila baluwangwa, hata nguvu ya Mulungu nkamwitaila.

Maliko 12:24

Yesu azawati: Mkiaγilwa so kwa mbuli ya kuti nkamtaila baluwangwa? Hata nguvu ya Mulungu nkamwitaila?

Maliko 12:27

Kangi Mulungu so ywa wafilewo, ni ywa we moyo. Kuaγilwa kwenyu ni kukulu.

Ntuṅwa 1:15

Mishi ija Petelo azawalawila waja wanduγu; kangi jiya bumba joshe jiungananejo muja jizaγelemuka mazina gana na milongo mili, azawati:

1. Wakolinto 6:9

Hambu nkamtaila kuti: Weshowa utanda nkezewapale uzumbe wa Mulungu? Musheazaγanyiγwe! Watesi, wevika mizimu, mabuγe, wachevu,

Wagalatiya 6:7

Msheufiγwe! Mulimgu nkabelwa, hambu muntu avyohanda, ne ndivyo aonele;

Wafilipi 2:12

Lushe weyangu niwokundisha, sa muvyoniitika mishiyoshe, ati niγuko, hata siko sa ivi lushe, pikilai uvunizi wenyuwenye na kuogoha na kudidima!

Wafilipi 4:1

Lushe inywi wanduγu wangu, namikundisha, mwanibuza luzwi, mu nyemi yangu na linga jangu; kwa ivyoho, weyangu, γolokai mwina Zumbe!

Wakolose 2:4

Ivi nivilonga, kangwe kusheoneke mimtu mwemiazaγanya akihemba kulonga.

Wakolose 2:8

Olelai, kusheoneke mwemitaha na mbuli za utalizi na za ushimolezi wa wantu zena lwufyo lwa bule du! Hambu ni za kiinushi, so za Kikilisito.

2. Timoteyo 2:18

hambu wazaazaγanya mbulingwa ye kweli wakiγamba: Ufufuki uzabinda kubontoka, ne wavyoazaγanya navyo hata kuṅwe wetozesha.

Waebuleyo 13:1

Ikalai na kukundisha wanduγu! Mshejale kuhokela waγeni na kishe! Hambu ivyoho kuṅwe wazafikiza walaungwa, kangi wenye nkawataile.

Yakobo 1:19

Ne muvyotaila wanduγu, niwokundisha. Kila muntu atende unyanyi wa kuiva, miya atende uzuzu wa kulonga na uzuzu wa kuγuiva maya!

Yakobo 1:2

Wanduγu, longai kuti: Ni nyemi du, mkiγezwa ni mbuli nyingi na nyingi!

Yakobo 2:1

Wanduγu wangu, msheγambe: Kumtozesha Yesu Kilisito, Zumbe ywetu mwe utana, kuivana na kuolela wantu!

Yakobo 2:14

Wanduγu wangu, ati muntu aγamba: Natozesha, miya ndimangwa aγosholezo nkana, atazaonela mbwai? Lushe kutozesha kwakwe nkekudahe kumhonya.

Yakobo 2:5

Teγelezai, wanduγu wangu, niwokundisha! Waja wakiwa kunu shi Mulungu nkawazangile, waγaluke wazuli na kutozesha kwawe, kangi wapale uzumbe, awokunda kuinka waja wemkundisha? Miya inywi mzamubela mkiwa.

Yakobo 3:1

Wanduγu wangu, msheleke, wangi wakiγaluka wafuzi! Hambu tailai kuti: Masa yetu ni makulu kuzinka!

Yakobo 3:10

Kanwa ni chicho kiṅwe chelonga mbuli za ntogolo na mbuli za lukanko; wanduγu wangu, ivi nkaviagiza hata.

Yakobo 4:11

Mshelongelane vibada, wanduγu! Mwemlongela mnduγu vibada ao mwelahana na mnduγu ywakwe, alongela mulomongwa vibada, kangi alahana na mulomongwa; miya ukilahana na mulomongwa nkuuγoshola,

Yakobo 5:12

Wanduγu, kushima viya mshekilishe, ati ni kukilisha na lwingu ao na shi, ati ni mikilishize ani mituhu! Mkilonga: Ndivyo, shuti viγaluke ndivyo, mkilonga: Sivyo, shuti viγaluke sivyo, kangwe mshezakigela masa!

Yakobo 5:19

Wanduγu wangu, ati muntu aaγa, akiasha viya vye kweli, kukioueka mwemhitula,