Waloma 8:7 - Kishambala New Testament 2005

⁷ Hambu ntongonyezi za kimuntu ni za nkulu na Mulungu, nkaziitika mulomo wa Mulungu, kangi nkazidaha kuitika.

Waloma 8:7 ပူးပေါင်းရင်းမြစ်များ

Mateyo 12:34

Wana nyoka inywi! Mdaha zeze kulonga mbuli ntana, wenye mwi wabada? Hambu viya, moyo uvyogisa, ne kanwa chivyolonga.

Mateyo 5:19

Lushe ndiye aushe mulaγilizo muṅwe du, hata ni mdodo kabisa, kangi akifuza wantu ivyoho, mwe uzumbe wa lwingu uyu atazaitangwa mdodo ṅwenye; miya ndiye auγoshole na kufuza wantu ivyoho, mwe uzumbe wa lwingu uyu atazaitangwa mkulu.

Yohana 7:7

Inywi inu shi nkaidaha kumishuka, miya imi yanishuka, kwa kuti nailonga uwona, kuti miγoshwele yakwe ni mibada. Inywi hitai kwe uwo mviko!

Waloma 1:28

Sa walemelavyo kumtozesha Mulungu na kumtaila, vivyoho Mulungu azawainkila na kwe udashi,

Waloma 1:30

na mambeza na lushonganyo na lushingo na lukanko na uhambanyi na utili na mahiku na mbifya

Waloma 3:31

Lushe tachakula mulomongwa na kuja kutozesha? Sivyo, kangi titaushimika.

Waloma 5:10

Hambu timtemekelwe Mulungu ni kufa kwa ṅwanae, tike wankulu wakwe, lushe ivyo tatemekelwavyo, titahoufyiγwa ni nkalamo yakwe.

Waloma 7:22

hambu mulomo wa Mulungu u uko ndai mwe moyo, niitamilwe ndiwo;

Waloma 8:4

kangwe utanda wa mulomongwa ubontoke kwa ishwi tishiwoanga kimuntu, teanga kimpeho.

1. Wakolinto 2:14

Muntu mweitika moyo wakwe nkahokela viya vya mpeho ya Mulungu, aviitanga kuti: Ni ubabashi du, nkadaha kuvitaila, hambu ivi vikunda kudosiγwa kimpeho.

1. Wakolinto 9:21

Waja washiwotaila milomongwa, viya nami sitaila milomongwa, kangi nataila milomongwa ya Mulungu, naitika milomo ya Kilisito, miya kangwe nimote waja washiwotaila milomongwa.

Wakolose 1:21

Hata inywi kale ne mwi waγeni naye, kangi ne mwi wankulu wakwe, kwa mifanyanyize yenyu mzaanga na mbuli mbada.

Wakolose 2:18

Muntu ashemihoke tuvo jenyu akimikundila kukionyaonya kikiwa na kuvika walau; hambu akialila viya, ashienevyo, ahahikuka bule du kwa mbuli ya ntongonyezi zakwe za kimuntu.

2. Timoteyo 3:4

watafuntuka, watakundisha nyemi ya kiinushi kumzinka Mulungu,

Waebuleyo 8:10

Kilaγa, ndicho niwaikile wana Isilayeli, mishi ikibontoka, shichi: Naika mulomo wangu mwe myoyo yawe, naugonda mwe ntongonyezi zawe, niwaγalukile Mulungu, waniγalukile mbali yangu.

Yakobo 4:4

Inywi watesi, nkamtaila kuti: Kukundisha inu shi ni kumshwika Mulungu? Lushe mwekunda kuγaluka mtana ywa inu shi, akiγalusha munkulu ywa Mulungu.

2. Petelo 2:14

Mesho yawe yaimemile utesi, nkawadila kubana, wahosa waja washiwotozesha vyedi, myoyo yawe iitaile mizungu yoshe ya kuonela mali, ni wanangwa wa kilano.