Waloma 7:4 - Kishambala New Testament 2005

⁴ Vivyoho, wanduγu wangu, inywi nenywi mzaukomelwa mulomongwa ni ṅwili wa Kilisito, kangwe mγaluke wa mtuhu, ndiye akiinulwa kwa wafilewo, kuunga timvyaile Mulungu kuwo.

Waloma 7:4 ပူးပေါင်းရင်းမြစ်များ

Mateyo 26:26

Aho wakija, Yesu azaγuwa mgate, azalavya ntogolo, azaubendula, azawainka wahina wakwe angwe: Γuwai, muje! Unu ni ṅwili wangu.

Maliko 4:20

Ziya zimyaγiγwezo mwe shanga ntana, ni waja weiva mbulingwa na kuihokela, ne wevukiza, kuṅwe milongo mitatu, kuṅwe milongo mtandatu, kuṅwe gana.

Yohana 15:8

Na inu mbuli Tate agimbikwa, mkilavya kuwo jingi, mkiniγalukila wahina.

Yohana 3:29

Mwena kilumbu ni ṅwenye nteγuzi; miya mbuyae ja ṅwenye nteγuzi aikala nkandai, amteγeleza, atamilwa ni kanwa cha yuja ṅwenye nteγuzi. Inu nyemi yangu izabontoka lushe.

Yohana 6:51

Imi ni nkande ya moyo ilawileyo mwe lwingu; ati muntu aja inu nkande, atatenda nkalamo ya kale na kale. Nkande, ndiyo niminke, ni ṅwili wangu weinkilwa, kangwe inu shi itende nkalamo.

Waloma 6:11

Vivyoho hata inywi kifanyanyizei wenye, kuti mwifiile uhuza, mumwikaile Mulungu mwina Kilisito Yesu.

Waloma 6:14

Uhuza nkezeutende uzumbe na inywi, kwa kuti nkamlahwa na mulomo, miya mulahwa na mbazi.

Waloma 6:2

Sivyo! Ishwi ndiwo tiifiile uhuza, titadaha zeze kuzaanga nawo? Hambu nkamtaila kuti: Toshe tibatiziγwewo

Waloma 6:22

Miya mishi inu, viya muvyokombolwa mwe uhuza, muvyomtumikila Mulungu, muna kuwo mkikiṅaza, bontokelo jakwe ni nkalamo ya kale na kale.

Waloma 7:3

Mγoshi ywakwe ai moyo, akianga na mγoshi mtuhu ataitangwa buγe, miya mγoshi ywakwe akifa, lushe azashungulwa ni mulomongwa, lushe so buγe akiγaluka ywa mγoshi mtuhu.

Waloma 7:6

Miya lushe tizaushiγwa he mulomongwa aho tikifiila viya, ndivyo tikitoziγwa navyo, kangwe titumike lushe na myangile mihya ya kimpeho, ija ya kale ya kiṅwiko tikiitowa hulu.

Waloma 8:2

hambu mulomo wa mpeho ya nkalamo ye mwe Kilisito Yesu uzanikombola mwe mulomo wa uhuza na wa kifa.

1. Wakolinto 10:16

Kmywelo cha mṅazo wa mesho, tichoṅaza mesho, so mwangilano na mpome ya Kilisito? Mgate, tiwobendula, so mwangilano na ṅwili wa Kilisito?

2. Wakolinto 11:2

Hambu nivyokihima kwa mbuli ya inywi, ni vya Kimulungu; hambu nizamiinkila kwa mγoshi muṅwe, ni Kilisito, nimiiγale na kwakwe, viya ni mndele ashitendileye uhuza.

Wagalatiya 3:13

Kilisito azatikombola mwe kilano cha mulomongwa akilanwa kwa mbuli ya ishwi, hambu kuigondiγwe: Kila muntu mweheleziγwa mwe muti ailaniγwe.

Wagalatiya 5:18

Miya mkihimilwa ni mpehongwa, lushe nkamu watuṅwa wa mulomongwa.

Waefeso 2:15

hambu na ṅwili wakwe azausha nguvu ya ija milomo yeγenyeza vitigo na miko, kangwe waja waili awaγalushe muntu muṅwe muhya akiwaivanya.

Wafilipi 1:11

mwiγenyeze kuwo ja utana mwinkiγwewo ni Kilisito Yesu, kangwe Mulungu agimbikwe, atogolwe.

Wafilipi 4:17

Sitalonda, niinkwe imi, miya nilonda vyekuza kuwo jenyu.

Wakolose 1:10

mtende myangile yedaha kumtamila Zumbe vitana, mtende kuwo ja kuγoshola ndima zoshe ntana, mwisiize kumtaila Mulungu.

Wakolose 1:22

Miya ivi lushe azabinda kumikombola, na ṅwili wakwe wa kimuntu aho akifa, kangwe aleke, mγaluke waṅazi washinawo danko, washinawo masa, hata ṅwenye akimiolela.

Wakolose 1:6

Sa ivyoγenda mwe ngulu ngima ikivyala kuwo, kangi ikikula, vivyoho izatenda hata kwenyu, izaandiila uja mushi mwandiilewo kuiva na kutaila mbazi za Mulungu,

Wakolose 2:14

Azafuta ija baluwa igondiγweyo milomo, tibanileyo, ndiyo ikitigela masa, azaiusha aho gati, akiikontela mwe muti;

Wakolose 2:20

Ati mzafa haṅwe na Kilisito mkitowa hulu viya, inu shi ivyotoγeshiγwa navyo, nini mkikunda kugelwa miko vituhu, viya mkeanga na inu shi?

Waebuleyo 10:10

Kwa kikundile ichi tizabinda kuṅazwa kamkaṅwe, aho ṅwili wa Kilisito Yesu ukiinkilwa.

1. Petelo 2:24

Mahuza yetu azayakweza ṅwenye na ṅwili wakwe mwe muti, kangwe ishwi kwa viya tivyokombolwa tiikaile utanda; uyu vilonda vyakwe ne honelo jenyu.

Mfumbulo 19:7

Netitamilwe, titowe mazumo, timgimbike, hambu nteγuzi ya ṅwangotongwa Izabula, mkaziye azabinda kukiteγa,

Mfumbulo 21:9

Waja walau watozizewo ziya ntungo mfungate zimemilezo ija milaho mfungate ya shilikiza, ṅwiyae ywawe muṅwe azaniγolokela, azanilonga angwe: So, nikuonyeshe mvyelengwa, kilumbu cha yuja ṅwangoto!