Waloma 4:16 - Kishambala New Testament 2005

¹⁶ Kwa inu mbuli kupala kimbazi waja wetozesha, kangwe uja msuhi ubontokele wanae woshe, so waja ike wekihima mulomongwa, miya waja wohena wetongela mitozesheze ya Abulahamu; uyu ne ishe ywa ishwi toshe kwa viya vyagondwavyo kuγamba:

Waloma 4:16 ပူးပေါင်းရင်းမြစ်များ

Luka 19:9

Yesu azamuti: Lelo uvunizi uzaoneka umu nyumbai, kwa kuti uyu ṅwenye yohe ni ṅwana Abulahamu.

Waloma 15:8

Hambu naγamba kuti: Kilisito azatumikila washengiγwewo kwa mbuli ya ukweli wa Mulungu, kangwe agele misuhi, wababa wainkiγweyo, nguvu.

Waloma 3:22

Ni uja utanda wa Kimulungu weinkilwa kwa waja wetozesha aho wakimtozesha Yesu Kilisito; hambu nkawazinkana,

Waloma 3:30

Hambu Mulungu ni muṅwe du, washengiγwewo awainka utanda sho wakitozesha, washishengiγwewo wohena awainka utanda aho wakitozesha.

Waloma 4:11

Lwitangilo lwa kushengwa azaluγuwa, viya ni guha ja uja utanda, awona nawo haja akitozesha, ashizati ashengwe, kuunga aγaluke baba ywa waja woshe wegomba kutozesha kishikushengwa, kangwe watalwe utanda.

Waloma 5:1

Kwa kuti tiinkiγwe utanda kwa mitozesheze yetu, ne tizaivanyiγwa na Mulungu ni Zumbe Yesu Kilisito;

Waloma 9:8

ni kuγamba: Wana wa kimuntu siwo wana wa Mulungu, miya ni wana wa msuhi du watalwa, kuti ni mbeleko.

Wagalatiya 3:14

Kwa ivyoho mṅazo wa mesho wa Abulahamu uzahita kwa wamzimu aho, Yesu Kilisito akilawila, kangwe tihokele na kutozesha uja msuhi wa mpehongwa.

Wagalatiya 3:16

Lushe ija misuhi ilongiγwe kwa Abulahamu na kwe mbeleko yakwe. Nkavilongwa: Mbeleko zakwe viya ni nyingi, miya viya ni ṅwenga du, kulongwa: Mbeleko yako; ni uyu Kilisito.

Wagalatiya 3:22

miya lushe uwo ugonde uzagwiza woshe na kwe uhuza, kangwe kumtozesha Yesu Kilisito kuleke, waja wetozesha wainkwe uwo msuhi.

Waefeso 2:5

ne vilekilevyo, akitiuza moyo haṅwe na Kilisito ishwi tifilewo kwa mbuli ya mabano yetu; mzavunilwa kwa mbazi du.

Waefeso 2:8

Hambu ni mbazi, kuti mwivunilwe aho mkitozesha, kangi nkavianduka kwenyu, mteviinkwa ni Mulungu vivyoho;

Tito 3:7

vikibinda tiγaluke wapazi wa nkalamo ya kale na kale, sa tivyoalila. Inu mbuli ni ya kweli.

2. Petelo 1:10

Kwa ivyoho, wanduγu, isiizai kukihima, kangwe viya mṅvyoitangilwa, muvyoshaγwilwa vishemiaγile! Hambu mkiviγoshola nkezemkungwale silai.