Waloma 4:11 - Kishambala New Testament 2005

¹¹ Lwitangilo lwa kushengwa azaluγuwa, viya ni guha ja uja utanda, awona nawo haja akitozesha, ashizati ashengwe, kuunga aγaluke baba ywa waja woshe wegomba kutozesha kishikushengwa, kangwe watalwe utanda.

Waloma 4:11 ပူးပေါင်းရင်းမြစ်များ

Mateyo 16:16

Simoni Petelo azahitula angwe: Iwe u Kilisito, ṅwana Mulungu mwe moyo.

Mateyo 8:11

Miya namiti: Wangi nezewalawe kwelawa zuwa na kweingila zuwa, waikale ndala haṅwe na Abulahamu na Isaka na Yakobo uzumbe wa lwingu.

Luka 19:9

Yesu azamuti: Lelo uvunizi uzaoneka umu nyumbai, kwa kuti uyu ṅwenye yohe ni ṅwana Abulahamu.

Yohana 3:33

Mwehokela uwona wakwe, avilongela uwona, kuti Mulungu ni mkweli.

Yohana 3:36

Mwemtozesha ṅwanangwa ana nkalamo ya kale na kale; mwemupapalika ṅwanangwa nkeaone nkalamo, miya maya ya Mulungu yatamwikaila.

Yohana 6:35

Yesu azawati: Imi ni nkande ya nkalamo; mweiza kwangu nkezeaone sala, mwenitozesha nkezeaone nkilu.

Yohana 6:40

Hambu ivi ne Tate avyokunda: Kila mwemwona ṅwanangwa akimtozesha ainkwe nkalamo ya kale na kale, kangi imi nitamfufula mushi wa bindilizo.

Yohana 6:47

Kweli namiti: Mwetozesha ana nkalamo ya kale na kale.

Yohana 8:33

Wazamlandula angwe: Ti mbeleko ya Abulahamu, nkatina tiyemwikaila utuṅwa kale hoshe, lushe ulonga ywai kuti: Nezemkombolwe?

Waloma 10:11

Hambu ugondengwa waγamba: Ndiye amtozeshe, nkezeabunkuke.

Waloma 10:4

Kangi bontokelo ja mulomongwa ni Kilisito, amγalukile kila mtakutozesha utanda.

Waloma 10:6

Miya uja utanda weanduka mwe kutozesha walonga: Ushefanyanye mwe moyo wako kuγamba: Ndiye akwele na mwe lwingu, ni ndai? Ni haṅwe haṅwe na kumsheleza Kilisito;

Waloma 3:22

Ni uja utanda wa Kimulungu weinkilwa kwa waja wetozesha aho wakimtozesha Yesu Kilisito; hambu nkawazinkana,

Waloma 3:26

miya mishi inu ya ivi lushe utanda wakwe uonyesha, ṅwenye akimanyika kuti: Ni mtanda akikanila bule du woshe wemtozesha Yesu.

Waloma 3:30

Hambu Mulungu ni muṅwe du, washengiγwewo awainka utanda sho wakitozesha, washishengiγwewo wohena awainka utanda aho wakitozesha.

Waloma 4:10

Aitazilwe zeze? Aho aishengiγwe, hambu ashizati ashengwe? Ne aishizati ashengwe, ake vivyoho.

Waloma 9:30

Lushe tiγambe ze? Kwa kuti wamzimu, ndiwo wakishetongela utanda, wazaγuwa ulanda, ni uja utanda weanduka mwe kutozesha.

Waloma 9:33

sa vivyogondwa kuγamba: Olela, naika kuja Siyoni iwe, ndimo wantu wakikwile, na kungu, ndijo wantu waihilwe ndijo, miya ndiye ajitozeshe, nkezeabunkuke.

Waloma 9:6

Nikilonga ivyoho, so kwa kuti mbuli ya Mulungu itebanika, hambu weanduka kwa Isilayeli siwo woshe Waisilayeli.

2. Wakolinto 1:22

mwetinka Iwitangilo na kutiingiziza mwe myoyo yetu mpeho ṅazi, itiγalukile guha.

Wagalatiya 3:22

miya lushe uwo ugonde uzagwiza woshe na kwe uhuza, kangwe kumtozesha Yesu Kilisito kuleke, waja wetozesha wainkwe uwo msuhi.

Wagalatiya 3:29

Ati inywi mu wa Kilisito, lushe mu mbeleko ya Abulahamu, kangi mu wapazi, sa msuhi uikiγwevyo.

Wagalatiya 3:7

Tailai lushe kuti: Wetozesha ne wana Abulahamu!

Wagalatiya 5:5

Miya ishwi kwa nguvu ya mpehongwa taafiza na kutozesha uwo utanda, tiwoalila.

Wagalatiya 6:16

Woshe weanga na unu mulomo, waikale mpeho, wafilwe mbazi haṅwe na Waisilayeli wa Mulungu!

Waefeso 1:13

Hata inywi mzaiva mbulingwa ye kweli, ni uja ulau wa uvunizi wenyu; aho mkitozesha mzainkwa ndiye lwitangilo, ni Mpeho mṅazi mwebontola kilaγa;

Waefeso 4:30

Mpeho mṅazi ywa Mulungu mshemwonye ukiwa! Hambu ne mwinkiγweye, amiγalukile lwitangilo mushiwa ukombozi.

Wafilipi 3:9

Ni mantu, kangwe nimumote Kilisito, kangwe nioniγwe, kuti nina naye, kuti uja utanda wangu uandukewo kwe mulomongwa, sina nawo, miya utanda niwona nawo ni uja uandukewo mwe kumtozesha Kilisito, ni uja niinkiγwewo ni Mulungu kwa mbuli ya inu mitozesheze,

Waebuleyo 11:7

Nowa kwa mitozesheze yakwe azaγambilwa mbuli zishizatizo zilawile, azaitika, azazenga kibweta, ahonye we nyumbai mwakwe; ne agezilevyo inu shi masa, miya ṅwenye azaγalkua mupazi ywa uja utanda weanduka mwe kutozesha.

2. Petelo 1:1

Imi Simoni Petelo, mtuṅwa na ntuṅwaya Yesu Kilisito, namigondela baluwa inywi mwetozesha haṅwe na ishwi viya vikulu, tivyoinkwa kwa mbuli ya utanda wa Mulungu ywetu na mhonya Yesu Kilisito:

Mfumbulo 9:4

Zizalaγiliziγwa, zishezabana mani ya shi na mgina woshe na miti yoshe komo wantu washinawo lunyindi lwa Mulungu mwe vyeni.