Waloma 3:4 - Kishambala New Testament 2005

⁴ Sivyo, shuti Mulungu amanyike, kuti ni mkweli, miya kila muntu amanyike, kuti ni mumambeza, sa vivyogondwa kuγamba: Kangwe ukanilwe na mbuli zako, kangwe uvote, ndiho walahilane na iwe.

Waloma 3:4 ပူးပေါင်းရင်းမြစ်များ

Mateyo 11:19

Nwanangwa ywa muntu azaiza, aaja, aanywa, lushe waγamba: Shuyu muntu mwejilisha na kunywelesha mvinyo! Wangelu na wahuza ni ṅwiyae ywawe! Kweli kiyuγongwa chikanilwa ni viya viγosholwevyo ndicho.

Luka 20:16

Atabita, akome waja walimi, ainkile ija mizabibu kwa watuhu. Wakiviiva wazaγamba: Vikashetaγosholwa kwetu!

Yohana 3:33

Mwehokela uwona wakwe, avilongela uwona, kuti Mulungu ni mkweli.

Waloma 11:1

Lushe niγambe: Mulungu atebenta mbali yakwe? Sivyo, hambu hata imi ni Mwisilayeli, nianduka kwa Abulahamu, mwe kolwa ja Benyamini.

Waloma 11:11

Lushe niγambe: Watekikwila, kangwe wakine? Sivyo! Miya kuaγilwa kwawe kuzaleka, uhonya ukiizila wamzimu, kangwe waja wenye wagelwe wizu, wakihime!

Waloma 3:31

Lushe tachakula mulomongwa na kuja kutozesha? Sivyo, kangi titaushimika.

Waloma 6:15

Lushe vi zeze? Tibane vivyoho, kwa kuti nkatilahwa na mulomo, miya tilahwa na mbazi? Sivyo!

Waloma 6:2

Sivyo! Ishwi ndiwo tiifiile uhuza, titadaha zeze kuzaanga nawo? Hambu nkamtaila kuti: Toshe tibatiziγwewo

Waloma 7:13

Kumbe ni viya vitana vyenikoma? Sivyo! Miya uhuza, kangwe ubunkuke, kuti ni uhuza, waleka, tikoṅwe ni viya vitana, kangwe uhuza uisiize uhuza kwa mbuli ya mlaγilizongwa.

Waloma 7:7

Lushe tiγambe ze? Mulomongwa ni uhuza? Sivyo!, miya uhuza anga siutaile, ati nkahana mulomongwa. Hata luzisho anga siluene, ati mulomongwa nkauγambile: Ushetende luzisho!

Waloma 9:14

Lushe tiγambe ze? Mulungu atebana? Sivyo.

1. Wakolinto 6:15

Nkamtaila kuti: Mili yenyu ni madango ya Kilisito? Lushe niγuwe madango ya Kilisilo, niyaγalushe ya kilanga? Sivyo.

2. Wakolinto 1:18

Lushe nikilonga: Ndivyo ne sivyo? Mulungu mwe kweli ataila kuti: Mbuli yetu timiγambileyo, nkaina haili: Kuitikila na kulemela.

Wagalatiya 2:17

Ishwi telonda, tiγaluke watanda kwa viya, tivyoanga na Kilisito, lushe ati wenye tiyaoniγwa kuti: Ti wahuza, anga Kilisito yohena siye mwetumikila uhuza? Miya sivyo!

Wagalatiya 2:21

Siteusha mbazi ya Mulungu; hambu ati utanda uanduka kwe mulomongwa, anga Kilisito afile bule.

Wagalatiya 6:14

Imi sikunda kukitogola kushima na mutingwa wa Zumbe ywetu Yesu Kilisito, hambu inu shi izanikomelwa nawo; nami nizaikomelwa inu shi.

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

Tito 1:2

vyeleka, wamwitika Mulungu na kualila nkalamo ya kale na kale, hambu ne msuhi, Mulungu ashihenyaye atiikilewo mishi ya kale ṅwenye,

Waebuleyo 6:18

kwa kuti Mulungu nkadsha kuhenya, zitihimile na nguvu ishwi, ndiwo tikimγulukila, tidahetozesha ichi kialilo, ticholonga.

1. Yohana 5:10

Mwemtozesha ṅwanangwa ywa Mulungu unu uwona ana nawo; miya ashiyetotozesha viya vya Mulungu amunka ulongo, hambu nkatozesha uwona, Mulungu alongilewo kwa mbuli ya ṅwanae.

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

Mfumbulo 3:7

Mlau ywa bumbangwa ja Filadelifiya umgondele kuγamba: Ne avyolonga yuja mṅazi, yuja mkweli mweloza funguwo ya Dawidi, mwezuγula, kangi nkakuna ndiye azuγale, mwezuγala, kangi nkakuna ndiye azuγule: