Waloma 2:7 - Kishambala New Testament 2005

⁷ Washiwotibuka kuzifya mbuli wakilonda utana na kugimbikwa na kushebanika, awa ne weinkwa nkalamo ya kale na kale, miya weγenyeza nkumbizi,

Waloma 2:7 ပူးပေါင်းရင်းမြစ်များ

Mateyo 25:46

Awa watahita kwe mlaho wa kale na kale, miya waja watanda watahita kwe nkalamo ya kale na kale.

Luka 21:19

Mkizizimiza, ne ndivyo muhonye myoyo yenyu.

Luka 8:15

Miya ziya zigwelezo mwe shanga ntana ni waja weiva mbulingwa na kuitozesha mwe myoyo yeziha vitana, ne wevukiza na kuzizimiza.

Yohana 4:36

Muluki ainkwa kitumulo chakwe, ni nkalamo ya kale na kale, aiumbikila kuwo, kangwe mwehanda na mweluka waone nyemi kiṅwe.

Yohana 5:44

Inywi mdahe zeze kutozesha mkigimbikana? Kangi ija migimbikilwe yeanduka kwa Mulungu ike nkamwilonda.

Waloma 2:10

kila muntu mwezifya mbuli atazainkwa ufuṅwa na utana na utondolo, bosi Wayuda, vikibinda Wagiliki wohena.

Waloma 6:23

Hambu upokezi wa uhuza ni kufa, miya mbazi, Mulungu azotifiila mwe Kilisito Yesu, Zumbe ywetu, ni nkalamo ya kale na kale.

Waloma 8:18

Hambu nafanyanya kuti: Milumilwe ya mishi inu ya ivi lushe nkaifanana na uja utana, tiwounga kufumbwilwa;

Waloma 9:23

Vituhu azalaviliza ungi wa utana wakwe na viya vyumbo vya mbazi,

1. Wakolinto 15:42

Vivyoho hata ufufuki wa wafilewo ne ulivyo: Kuhandwa vyebanika, kufufuka vishibanikavyo.

1. Wakolinto 15:50

Wanduγu, inu mbuli nalongesha kuti: Vye iiyama na mpome nkavidaha kupala uzumbe wa Mulungu, vyebanika nkavidaha kupala vishibanikavyo.

1. Wakolinto 15:58

Kwa ivyoho, wanduγu wangu, niwokundisha, toγai vitana, mshevuwanike! Isiizai kukihima ndimaugwa ya Zumbe mishi yoshe! Hambu mwataila kuti: Lulah, muloona kwa mbuli ya Zumbe, so lwa bule.

Wagalatiya 6:9

Tishetibuke kuγoshola viya vyetama! Hambu hakizabula, titazavionela, ati nkatihelele gati.

Waefeso 6:24

Mbazi iikaile woshe wemkundisha Zumbe ywetu Yesu Kilisito na kusheleγela! Amini.

Wakolose 1:27

Hambu ne Mulungu akundilewo kuwaonyesha, utana uvyokula wa chiya kihili, akundilecho kuγoshola kwa wamzimu; chizabontoka, Kilisito akiingila mwenyu, uyu ne utana wealilwa.

1. Timoteyo 1:17

Zumbe ywa ukalami woshe ashiyebanika, ashiyeoniγwa, ni Mulungu ike, agimbikwe, atogolwe kale na kale! Amini.

2. Timoteyo 1:10

miya tizazizuγwilwa mishi inu, mhonya ywetu Kilisito Yesu akilawila; uyu azavota kifa, vikibinda azalavya nkalamo ishiyobanika, sa tivyobilikilwa.

Waebuleyo 2:7

Uzamshiγaza hadodo, afanane na walau, uzamunka ufuṅwa na utana, uzamγalusha zumbe ywa viya viγosholwevyo ni mikono yako, vyoshe uzaviika shi he milundi yakwe.

Waebuleyo 6:12

miya mtongele waja wepala viya, waikilwevyo kilaγa, kwa kuti wazatozesha na kuzizimiza.

Waebuleyo 6:15

Kangi akizizimiza vivyoho, azaona viya vya kilaγa.

1. Yohana 2:25

Kangi msuhi, ṅwenye atinkilewo, ni nkalamo ya kale na kale.