Waloma 12:3 - Kishambala New Testament 2005

³ Kwa mbuli ya mbazi nifilwezo namilonga inywi nyosheni: Muntu ashefanyanye kuzinka haja heagiza kufanyanya! Miya afanyanye du, ndivyo atende viyuγo, kila muntu sa Mulungu amupangilevyo mitozesheze yakwe!

Waloma 12:3 ပူးပေါင်းရင်းမြစ်များ

Luka 18:11

Yuja Faliseyo azaγoloka, azavika mwe moyo wakwe angwe: Mulungu, nakulaviliza ntogolo kuti: Sifanana na wantu watuhu, ati ni wampoko, ati ni watungulu, ali ni watesi, hata ni uyu mngelu.

Yohana 3:34

Hambu yuja, Mulungu amtumileye, alonga mbuli za Mulungu, hambu nkainkila mpehongwa na kuihima.

Waloma 1:5

Uyu ne atifileye mbazi, akitigimbika ntuṅwa, kuunga tihinye wamzimu wosheni kuitika na kutozesha, kangwe zina jakwe jigimbikwe.

Waloma 11:20

Ni vyedi; yaja yazabondeka, kwa kuti nkayatozeshe, iwe watoγa mumo, kwa kuti watozesha. Ushehikuke! Miya ingilwa ni woγa!

Waloma 11:25

Hambu sikunda, wanduγu, mkishetaila ichi kihili, kangwe mshehikuke, kuti: Waisilayeli kuṅwe wazatoγeshiγwa myoyo, mpaka ungi wa wamzimu ukibinda kuingila.

Waloma 12:16

Myoyo ya inywi nyoshe iγaluke muṅwe! Mshefanyanye viya vikulu, miya viya vinyonge, mwiγalane navyo!

1. Wakolinto 15:10

Miya kwa mbazi ya Mulungu nizaγaluka iviho nilivyo, kangi mbazi yakwe, anifileyo, so ya bule, miya nizapikapika na ndima kuzinka waja woshe, kangi si miyo, ni mbazi ya Mulungu nifilweyo.

1. Wakolinto 3:10

Kwa viyuγo niinkiγwevyo ni Mulungu nizaika shikamilo sa fundi mwena viyuγo vya kuzenga avyoγoshola, miya mtuhu azengela mumo, miya kila aolele, ndivyo azengele mumo!

1. Wakolinto 7:17

Ntoγo kila muntu aange, sa Zumbe amupangilevyo, sa Mulungu amwitangevyo; ne nivyolaγiliza mwe mabumba yoshe.

2. Wakolinto 10:13

Miya ishwi nketizise kukitogola, miya tiyaγoja mhaka, Mulungu atishengelewo; ivyoho ne tibuzilevyo hata kwenyu.

2. Wakolinto 12:13

Hambu ni vihi muvyoashiγwa nyuma ni mabumba matuhu, ati so inu mbuli kuti: Simijile? Niushilizai unu uhuza!

2. Wakolinto 12:7

Kangwe nishehikuke na viya, nivyoisa kufilwa mbazi na kuvifumbwilwa, nizainkwa mtunga wekatunga ṅwili wangu, ni mlau ywa Satani mwekashungulwa, anitowe nkonde, nishezahikuka.

Wagalatiya 6:3

hambu mwekifanyanyiza ṅwenye kuti: Ni mnguvu, kangi siye, akiufya ṅwenye;

Waefeso 3:2

Minga mzaiva mbuli ya uja ufuṅwa wa mbazi ya Mulungu niinkiγwewo, niiiγale kwenyu,

Waefeso 3:4

Mkivifyoma mwadaha kuona nitailevyo vihili vya Kilisito.

Waefeso 4:16

Hambu uyu ne mweleka, ṅwili woshe ukigombekeziγwa, ukitoγeshiγwa ni vinko vyoshe vyeugela nguvu, sa kila fungu iṅwe jivyoliγanyiziγwa ndima yakwe; ne ṅwili uvyokula, uvyozifiγwa kwa kukundishana.

Wafilipi 2:13

Hambu Mulungu alekileye, mkinakunda, ne ndiye aleke, mkizabontola, sa avyotamilwa ṅwenye.

Wakolose 1:29

Ne nivyokionya lulali nikihimila inu mbuli kwa uja ufuṅwa wakwe wenigela nguvu.

Wakolose 2:13

Inywi ne mwifile kwa mbuli ya kubana, mili yenyu ne iishishengiγwe ivyoho, miya yuja azamiuza moyo haṅwe naye, azamifa mbazi na masa yoshe.

1. Timoteyo 1:14

miya mbazi ya Zumbe ywetu izaisiiza kuγenela, hata mitozesheze na mikundishize ilawileyo mwe Kilisito Yesu.

1. Timoteyo 2:15

Miya atazahonyiγwa na kuvyala wana, ati awa waikala na kutozesha na kukundishana na kutenda myoyo yeṅala haṅwe na viyuγo.

1. Timoteyo 2:9

Vivyoho wavyele waange na mizwikile yeagiza, wakihambe na kutenda shoni na viyuγo, washehembele mavunga yawe, washezwike vya zahabu na mashalushalu na shuke zena kima kikulu,

Tito 2:12

titowe hulu myangile ya kimzimu na kihelehele ehoshe cha kiinushi, tiikale mwe inu shi na viyuγo na utanda na kumwogoha Mulungu,

Tito 2:2

Waγoshi wakulu shuti waleke mpombe, wadaheshimilwa, watende viyuγo, waikaziγwe ni mitozesheze na mikundishize na mizizimizize yawe!

Tito 2:4

watende mihinyize mitana, kangwe wainke wavyele wadodo viyuγo, wakundishe waγoshi wawe na wana wawe,

Tito 2:6

Vivyoho hata wabweni uwashunde, watende viyuγo mwe mbuli zoshe!

Yakobo 4:6

Kwa ivyoho kwalongwa: Mulungu awaikila watili nkani, miya wadodo awafa mbazi.

1. Petelo 1:13

Kwa inu mbuli kikantei kimpeho, mshetengele! Bontolai na kualila vivyoho mbazingwa, muyoletelwa, Yesu Kilisito ahozalawila!

1. Petelo 4:11

Ati muntu alonga, avilonge viya ni mbuli za Mulungu! Ati muntu atumikila, aviγoshole kwa ija nguvu, Mulungu ayotinka, kangwe na ivi vyoshe Mulungu atogolwe kwa mbuli ya Yesu Kilisito mwena utana na ufuṅwa kale na kale! Amini.

1. Petelo 4:7

Bindilizo ja vyoshe ji hehi; kwa ivyoho tendai viyuγo, mshetengele, kangwe mdahevika!

1. Petelo 5:5

Vivyoho inywi wadodo wa gatigati, itikai waγoshi wakulu, mtumikilane kila muntu na ṅwiyae, viya ni mupuna ywakwe! Kwa kuti: Mulungu awaikila watili nkani, miya wadodo awafa mbazi.

1. Petelo 5:8

Hambu munkulu ywenyu Satani aanga sa shimba yeluluma, alonda, ndiye amumeze.

3. Yohana 1:9

Nizagonda mbuli kwe bumbangwa, miya Diotelefe mwekunda kuγaluka ywa bosi nkatiiva.