Waloma 1:8 - Kishambala New Testament 2005

⁸ Bosi namtogola Mulungu ywangu na Yesu Kilisito kwa mbuli ya inywi nyosheni, kuti mitozesheze yenyu yatogolwa mwe ngulu ngima.

Waloma 1:8 ပူးပေါင်းရင်းမြစ်များ

Mateyo 24:14

Kangi unu uiau wa uzumbengwa unebilikilwa mwe ngulu ngima, uγalukile mbaii zoshe uwona! Ivi vikibontoka, bindilizo jitakinta.

Luka 2:1

Mishi ija kuzalawa mulomo kwa Kaiza Augusito, ngulu ngima igondwe kodi.

Ntuṅwa 11:28

Ṅwiyae ywawe muṅwe mweitangwa Agabo azainuka, azateγanya kwa mpehongwa kuti: Nezekuoneke sala nkulu mwe shi zoshe za ngulu ngima. Igwele mishi ya Kalaudiyo.

Ntuṅwa 28:22

mbuli, ubanileyo. Miya takunda kuiva kwako ṅwenye, uvyona navyo mwe moyo wako. Hambu kwa mbuli ya iji bumba hata kwetu vyatailikana, kuti koshe koshe jaikilwa nkani.

Waloma 10:18

Miya niγambe: Nkawaivile? Kuiva wazaiva, nguma yawe izagisa ngulu ngima, mbuli zawe zizabula he mihelo ya shi.

Waloma 16:19

Kuitika kwenyu kuzamanyika koshe koshe, kwa mu mbuli natamilwa ni nywiyo, miya nakunda, mtende viyuγo, mzifye mbuli, kangi mtende ubabashi wa myoyo, mshebane.

Waloma 6:17

Mulungu atogolwe kuti: Ne mwi wapuna wa uhuza, miya mwahitula myoyo mkiitika ziya mbuli muhinyiγwezo!

1. Wakolinto 1:4

Sidaha kumlaviliza Mulungu ntogolo kwa mbuli ya inywi, kuti mzafilwa mbazi ni Mulungu mkidaha kuanga na Kilisito Yesu.

2. Wakolinto 2:14

Miya Mulungu atogolwe mweleka, nivote koshe koshe na nguvu ya Kilisito, mweleka, tifumbule koshe koshe kuti: Kumtaila vina mulile!

Waefeso 1:15

Lushe ivyo niivilevyo, muvyomtozesha Zumbe Yesu, muvyokundisha waṅazi woshe,

Waefeso 1:16

sidila kulavya ntogolo nihokamifukila nikivika.

Waefeso 3:21

Atogolwe mwe bumba jakwe kwa mbuli ya Kilisito Yesu mishi yoshe, ndiyo itongele kale na kale! Amini.

Waefeso 5:20

mkimwimbila Zumbe, mkimtowela mazumo mwe myoyo yenyu, mkimlaviliza Mulungu Tate ntogolo mwe zina ja Zumbe ywetu Yesu Kilisito mishi yoshe kwa mbuli zoshe!

Wafilipi 1:11

mwiγenyeze kuwo ja utana mwinkiγwewo ni Kilisito Yesu, kangwe Mulungu agimbikwe, atogolwe.

Wafilipi 1:3

Namtogola Mulungu ywangu hoshe nihokamikumbukila,

Wakolose 1:3

Tamlaviliza Mulungu, ishe ja Zumbe ywetu Yesu Kilisito, ntogolo hoshe tihokamifukila tikivika.

1. Watesalonike 1:2

Tamtogola Mulungu mishi yoshe kwa mbuli ya inywi nyoshe, hambu tiyamifukila tihokavika;

1. Watesalonike 2:13

Kwa inu mbuli nkatidila kumlaviliza Mulungu ntogolo kuti: Mzaiva mbulingwa ya Mulungu, tikiibilikila, mzaihokela, viya so mbuli ya muntu, miya ivyo kweli mbulingwa ya Mulungu mwetenda nguvu kwenyu, mkitozesha.

2. Watesalonike 1:3

Vyatitala kumlaviliza Mulungu ntogolo mishi yoshe kwa mbuli ya inywi, wanduγu, sa vivyoagiza, kwa kuti mitozesheze yenyu yakulisha, kangi inywi nyoshe kila muntu aisiiza kumkundisha ṅwiyae.

2. Timoteyo 1:3

Namtogola Mulungu, niyemtumikila na moyo weṅala sa watate wangu; kangi sidila kukufukila nihokavika kilo na mushi;

Filemoni 1:4

Namlaviliza Mulungu ywangu ntogolo nihokakufukila nikivika,

Waebuleyo 13:15

Tiina yuja tishetende dizo ja kumwiγaila Mulungu ṅombe za mviko za ntogolo,

1. Petelo 2:5

Mkimubwila lekai, hata inywi mzengwe vikilo ja kimpeho, viya mu mawe ye moyo, wenye mγaluke wavikizi waṅazi weiγala ṅombe za mviko za kimpeho zemtamila Mulungu kwa mbuli ya Yesu Kilisito!

1. Petelo 4:11

Ati muntu alonga, avilonge viya ni mbuli za Mulungu! Ati muntu atumikila, aviγoshole kwa ija nguvu, Mulungu ayotinka, kangwe na ivi vyoshe Mulungu atogolwe kwa mbuli ya Yesu Kilisito mwena utana na ufuṅwa kale na kale! Amini.