Wakolose 3:5 - Kishambala New Testament 2005

⁵ Komai lushe vya mili yenyu ya kiinushi: Kilanga, uhuza, kihelehele, luzisho lubada, tamaa ya mali yefanana viya ni kutumikila mizimu!

Wakolose 3:5 ပူးပေါင်းရင်းမြစ်များ

Mateyo 15:19

Hambu mwe moyo mwalawa ntongonyezi mbada: Kukoma, ulesi, kilanga, kubawa, kushinga, kukanka.

Waloma 1:26

Kwa inu mbuli Mulungu azawainkila kwe milumilwe yegwiza shoni; hambu wavyele wawe wazaleka miγwilwe yeagiza, waje misimo ishiyoagiza hata;

Waloma 1:29

waγoshole mbuli zishizoagiza, wakiγenyeza uhuza woshe ubada na mumelo na uwiwi, wakiinema wizu na ukoma wantu na nkumbizi na luteγo

Waloma 6:13

madango ya mili yenyu yakiγalukila uhuza mata ya uhezi, miya wenye kiinkilei kwa Mulungu, kuti mzauya moyo kwa wafilewo, kangi lekai, madango ya mili yenyu yamγalukile Mulungu mata ya utanda!

Waloma 6:6

hata tataila, kuti muntu ywetu ywa kale aikomiγwe haṅwe naye, kuunga ṅwili wa uhuza uhunkuke, kangwe tishezatumikila uhuza vituhu.

Waloma 7:23

miya naona mulomo mtuhu mwe ṅwili wangu ushiwoivana na mulomo wa moyo wangu, ni uja wenikundila nralomo wa uhuza, weikala mwe madango ya ṅwili wangu.

Waloma 7:5

Hambu aho ndiho tikianga kimuntu, uhalami woshe wa uhuza ukiheheleziγwa ni mulomongwa, uzakihima nguvu mwe madango ya mili yetu, kuunga tivyaile kifa kuwo.

Waloma 8:13

Hambu mkianga kimuntu, mwafa; miya mkikoma kwa nguvu ya mpehongwa ndima za mili yenyu mtakalama.

1. Wakolinto 5:1

Kosheni taiva, kuti kwenyu kuna kilanga, kangi kilanga che ivyoho nkachiγosholwa hata kwa wamzimu, kuti muntu ana mkaza ishe.

1. Wakolinto 6:11

Kangi inywi kuṅwe ne mulivyo. Miya mzahakwa, mzaṅazwa, mzainkwa utanda na zina ja Zumbe Yesu Kilisito na kuinkwa mpeho ya Mulungu ywetu. Mshetongeie kilanga kuti mu madango ya Kilisito.

1. Wakolinto 6:13

Nkande ni za ifu; kangi ifu ni ja nkande, Mulungu ne ndiye abane vyoshe vili; miya ṅwili so wa kilanga, ni wa Zumbe, kangi Zumbe ni ṅwenye ṅwili.

1. Wakolinto 6:18

Nyilikai kilanga! Hambu uhuza woshe, ndiwo muntu abane, so kubana ṅwili wakwe, miya mwetenda kilanga abana ṅwili wakwe ṅwenye.

2. Wakolinto 12:21

Ne nihoogoha kuti: Nikizaiza vituhu, Mulungu ywangu atanipunguza, nitaona ukiwa kwa mbuli ya wangi wabanilewo, niishiho, kangi nkawavotekele upapalishi na umbeya na uhambanyi, waγosholewo.

Wagalatiya 5:24

Wantu wa Kilisito Yesu wakoma mili haṅwe na luzisho na kihelehele.

Waefeso 4:19

Kwa kuti shoni nkawana, wazaγoshola vyoshe vyewaheheleza, hata usaba woshe wazauγoshola, kangwe waγenyeze mah.

Wakolose 2:11

mwina naye, ne muhoshengwa ṅwaliko ushiwoshengwa na mikono, hambu mtekizula ṅwili wa kimuntu we uhuza, ne kushengwa Kikilisito.

1. Watesalonike 4:3

Hambu Mulungu abunda, mṅaziγwe, mshelende bilanga.

1. Watesalonike 4:5

sa wamzimu washiwomtaila Mulungu wavyokatenda.

1. Timoteyo 6:10

Hambu kutamilwa ni mali ni zindo ja vibada vingi; kuṅwe wakiinwehela wazaaza mitozesheze yawe, wazakilumiza wenye vikulu muno.

Waebuleyo 12:16

Kusheoneke mtesi ao mubela Mulungu sa Esau ataγileye ukulu wakwe kwa mbuli ya nkande!

Waebuleyo 13:4

Unyumba uγolokelwe ni wantu woshe na utanda, he lusazi lwa wanyumba hasheγosholwe vibada! Hambu Mulungu atazalaha watesi na weanga na wakaza weyae wawe.

Waebuleyo 13:5

Mwange na kushekundisha feza, mtamilwe ni viya muvyoinkwa du! Hambu ṅwenye azalonga: Sezenikuashe, sezenikuukile!

Yakobo 4:1

Nkumbizi zenyu mkishindaomana zianduka na hi? So kwa kuti nyemi zemiheheleza zaomana mwe madangoya miliyenyu?

1. Petelo 2:11

Wanduγu, kwa kuti nkamu wakaya, mu watafi, namihimila, mtowe kihelehele choshe cha mili hulu cheomanya myoyo.

Mfumbulo 21:8

Miya ndiwo wakivivilwa, washitozeshawo, waγenyezawo vibada, wampoko, watesi, washai, wavika fika, wamambeza woshe, fungu jawe ji muja mwe jiya ziwa jeaka moto na vibilitibiliti, ni kuγamba: Ni kifa cha mbili.

Mfumbulo 22:15

Uko se kuna makuli na washai na watesi na wampoko na wavika fika na woshe wakundilewo, kangi watendilewo mambeza.