Wakolose 3:15 - Kishambala New Testament 2005

¹⁵ Mpolele ya Kilisito ifanyanyize myoyo yenyu! Hambu ne mwitangilweyo na uja ṅwili muṅwe, mγaluke wantu welavya ntogolo.

Wakolose 3:15 ပူးပေါင်းရင်းမြစ်များ

Yohana 14:27

Namiashiliza mpolele, mpolele yangu naiminka; kangi imi siminka, sa inu shi ivyominka; myoyo yenyu ishetende futofuto, Ishevivilwe!

Yohana 16:33

Izi mbuli nizazimiγambila, kangwe mwonele mwangu mpolele. Mwe inu shi munaukiwa, miyatoγwai nimyoyo! Hambu nizaivota inu shi.

Waloma 1:21

hambu wazamtaila Mulungu, kangi nkawamgimbike, nkawamtogole viya ni Mulungu, ne ntongonyezi zawe zihoγaluka za bule, ne myoyo yawe ishiyotaila vya kweli ihogweelwa ni lwiza.

Waloma 14:17

Hambu uzumbe wa Mulungu so kuja na kunywa, miya ni utanda na mwivano ua uyemi vina mpeho ṅazi;

Waloma 15:13

Mulungu, muyemwalila, aisiize kumiγenyezeza nyemi na mwivano, kwa kuti mwatozesha, kangwe kialilo chenyu chilendeshe nguvu chiina mpeho ṅazi!

Waloma 5:1

Kwa kuti tiinkiγwe utanda kwa mitozesheze yetu, ne tizaivanyiγwa na Mulungu ni Zumbe Yesu Kilisito;

1. Wakolinto 10:17

Kwa kuti mgate ni muṅwe, hata ishwi wangi ti ṅwili muṅwe, hambu toshe tipangilwa uja mgate muṅwe.

1. Wakolinto 7:15

Miya yuja ashiyetozesha akikunda kukoma unyumba neaukome! Mnduγu ati ni ywa kiγoshi, ati ni ywa kivyele, nkana ṅwiko ivyoho. Mulungu azatiitanga du kwa mbuli ya kuivana.

2. Wakolinto 4:15

Hambu vyoshe tiviγoshola kwa mbuli ya inywi, kangwe sa waja wefilwa mbazi wavyoγenela, vivyoho awa wangi wakuze utana wa Mulungu na kuutogola.

2. Wakolinto 9:11

mtende kishe choshe chemlaviliza Mulungu ntogolo na kuinkila mwe mikono yetu.

Waefeso 4:16

Hambu uyu ne mweleka, ṅwili woshe ukigombekeziγwa, ukitoγeshiγwa ni vinko vyoshe vyeugela nguvu, sa kila fungu iṅwe jivyoliγanyiziγwa ndima yakwe; ne ṅwili uvyokula, uvyozifiγwa kwa kukundishana.

Waefeso 4:4

Nwilingwa ni muṅwe, mpehongwa id ṅwenga, kangi kialilo muchoitangilwa ni chicho kiṅwe.

Waefeso 5:1

Mwiγei Mulungu, sa wana wekundishiγwa ndiye!

Waefeso 5:20

mkimwimbila Zumbe, mkimtowela mazumo mwe myoyo yenyu, mkimlaviliza Mulungu Tate ntogolo mwe zina ja Zumbe ywetu Yesu Kilisito mishi yoshe kwa mbuli zoshe!

Wakolose 1:12

kwa kuti azamiliγanya, mdahepangilwa kifu cha waṅazi che mwe langaila!

Wakolose 2:7

Mwikize mazindo mumo, mzengwe, mgelwe nguvu ni ija mitozesheze mufuziγweyo, mwisiize kulavya ntogolo!

Wakolose 3:17

Vyoshe, ndivyo mγoshole, ati ni vya longa, ati ni vya ndima, vyoshe viγosholei mwe zina ja Zumbe Yesu mkimlaviliza Mulungu Tale ntogolo navyo!

1. Watesalonike 5:18

Lavyai ntogolo kwa mbuli zoshe! Hambu ne Mulungu avyokunda, muviγoshole, kuti mu wa Kilisito Yesu.

1. Timoteyo 2:1

Mbuli, niyohimila kuzinka mbuli zoshe ni ya kuγamba; Mvike na kulombeza na kuhembeleza na kulavya ntogolo kwa mbuli ya wantu woshe,

1. Timoteyo 6:12

Gomba iyo nkondo ntana ya kutozesha! Gwila sila ya nkalamo ya kale na kale! Hambu ne uitangilweyo, kangi uzaijiila malape matana, waona wangi wai haho.

Waebuleyo 13:15

Tiina yuja tishetende dizo ja kumwiγaila Mulungu ṅombe za mviko za ntogolo,

Mfumbulo 7:12

angwe: Amini; uṅazi na utana na viyuγo na ntogolo na ufuṅwa na nguvu na ukulu ni wa Mulungu ywetu kale na kale! Amini.