Wakolose 3:10 - Kishambala New Testament 2005

¹⁰ Mwizwikile yuja muhya auziγweye uhya, atende viyuγo, kwa viya avyofanana na yuja amteγileye.

Wakolose 3:10 ပူးပေါင်းရင်းမြစ်များ

Yohana 17:3

Inu ni nkalamo ya kale na kale wakikutaila, kuti u Mulungu ike, kangi wakimtaila yuja, anitumileye, kuti ndiye Yesu Kilisito.

Waloma 12:2

Mshekifanyanye na inu shi! Miya hitukai mkiγuwa ntongonyezi ntuhu, kangwe mdahetaila Mulungu avyokunda, kuti ni vitana, vyaziha vina bontokelo.

Waloma 13:12

Kilo chacha, mushi u hehi, lushe ija miγoshwele ya lwiza tiitowe hulu, tizwike mata ya langaila!

Waloma 13:14

miya muvutei Zumbe Yesu Kilisito! Pikilai mili yenyu, komo ishetende tamaa!

Waloma 6:4

Vivyoho tiizikiγwe haṅwe naye, kwa kuti tiihatizwe mwe kifa, kangwe ishwi neshwi tiange na nkalamo mpya, sa Kilisito avyoinulwa kwa wafilewo ni utana wa ishe.

Waloma 8:29

Hambu ndiwo akiwataila kale, ne azangilewo kale, wafanane na shula ya pwanae, kangwe ṅwenye aγalukile wanduγuze wangi ṅwana ywa nteluka.

2. Wakolinto 3:18

Miya ishwi toshe teona utana wa Zumbe na mesho yetu yashiγubikweyo, taγalamushiγwa, tifanane naye, tikiinkwa utana kwa utana, viya titeγalamushiγwa ni Zumbe ṅwenye mwe mpeho.

2. Wakolinto 4:16

Kwa inu mbuli nkatileka kubilikila; hambu hata miliyetu ikishakala, kangi myoyo yetu yauziγwa uhya mushi kwa mushi,

2. Wakolinto 4:6

Hambu Mulungu alongileye: Hena lwiza hapwinkuke langaila!, ne apwinkuleye myoyo yetu, kangwe timulikile waja washiwotaila utana wa Mulungu ulawilewo kwa Kilisito.

2. Wakolinto 5:17

Vyaleka, ati muntu ana Kilisito, ni kiumbo kihya; vya kale vizazinka, ukiviolela: Vizaγaluka vihya.

Wagalatiya 3:27

hambu nyoshe mubatizwewo mwe Kilisito muzamzwika Kilisito.

Wagalatiya 6:15

Wina Kilisito Yesu, kushengwa siko, hata kusheshengwa siko, miya kiumbo kihya ndicho.

Waefeso 2:10

Hambu ishwi ti ndima yakwe; Kilisito Yesu azaleka, tikiumbiγwa, kangwe tizifye ndima, Mulungu atifanyanyizezo, tiange nazo.

Waefeso 2:15

hambu na ṅwili wakwe azausha nguvu ya ija milomo yeγenyeza vitigo na miko, kangwe waja waili awaγalushe muntu muṅwe muhya akiwaivanya.

Wakolose 3:12

Inywi waṅazi, mshaγulwewo ni Mulungu, mwekundishiγwa ndiye, tendai utungu wena mbazi, ukuwi,

Wakolose 3:14

Miya kuzinka ivi vyoshe tendai lukundisho! Hambu ne lwebontoleza na kuivanya.

Filemoni 1:6

Nakuhembelezeza, mitozesheze yako itinkileyo mwangilano itende nguvu kwa viya, uvyotaila kuti: Vitana vyoshe, muvyona navyo, vyamiagiza kuvimwuziza Kilisito.

Waebuleyo 6:6

Ati we ivyoho wazauya na nyuma, lushe nkavizadahikana kuwauza uhya, wahitule ntongonyezi zawe, hambu wafanana viya watemkoma ṅwanangwa ywa Mulungu vituhu haṅwe na kumluvya.

1. Yohana 2:3

Kwa inu mbuli tataila, kuti tizamtaila, tikitozesha milaγilizo yakwe.

1. Yohana 2:5

miya mwetozesha mbuli yakwe, uyu lukundisho lwa Mulungu lwamubontokela kweli. Na inu mbuli tataila, kuti tina naye.

Mfumbulo 21:5

Yuja mweikaila chiya kitingwa azalonga angwe: Olela, vyoshe naviuza uhya! Azaniti: Gonda! Hambu izi mbuli zaagiza kutozeshiγwa, ni za kweli.