Wakolose 2:9 - Kishambala New Testament 2005

⁹ Hambu mwe uyu mwikala vyoshe vya Kimulungu kiṅwili;

Wakolose 2:9 ပူးပေါင်းရင်းမြစ်များ

Mateyo 1:23

Mndele atazatenda nda, atazavyala ṅwana, zina jakwe watazamwitanga Imanweli, ni kuγamba: Mulungu a haṅwe na ishwi.

Luka 14:22

Vikibontoka, yuja mubwanga azamlonga: Zumbe, ulaγilizevyo vizabontoka, miya nyumba nkaimemile.

Luka 3:22

mpeho mṅazi azasheela aiγwile ṅwili, viya ni wa suwa, izamwikaila, kangi kanwa chizalawa mwe lwingu angwe: Iwe u ṅwanangu, niyekukundisha; natamilwa ni weyo.

Yohana 1:14

Mbulingwa izaγaluka muntu, izaikala kwetu; tizaona utana wakwe, ni utana viya wa ṅwana avyelweye ike ni ishe, hambu aigisize mbazi na kweli.

Yohana 1:16

Hambu mwe viya, avyoγenyeza, ishwi toshe tizaγuwa vya mbazi vivyoho vivyoho.

Yohana 10:30

Imi na Tate ti haṅwe.

Yohana 10:38

Ati naziγoshola, mkishenitozesha imi, tozeshai ziya ndima, kangwe mtailishe mwive kuti: Tate a haṅwe na imi, kangi imi ni haṅwe na Tate!

Yohana 14:20

Uja mushi inywi mtataila, kuti imi nina Tate, kangi inywi muna imi, imi nami nina inywi.

Yohana 17:21

kangwe woshe waγaluke muṅwe, sa iwe Tate uvyoikala na imi, nami nivyoikala na iwe, kangwe wohe waikale na ishwi, kangwe inu shi itozeshe, kuti uzanituma!

Yohana 2:21

Miya yuja alongile mbuli ya vikilongwa ja ṅwili wakwe.

Ntuṅwa 17:29

Lushe kwa kuti ti mbali ya Mulungu, nkavitiagiza kufanyanya kuti: Mulungu afanana na vinyuwa vya zahabu ao vya feza aovya mawe viγosholwevyo ni mhembo wa ntongonyezi za wantu.

2. Wakolinto 5:19

Mulungu alivyo mwe Kilisito azatemeka wa inu shi, waivane naye, nkawatazile mabano yawe, kangi azatiikila icho kilaγa cha uja mtemeko.

Wakolose 1:19

Hambu ne vimtamilevyo Mulungu, vyosheni viikale mwakwe,

1. Timoteyo 3:16

Woshe waivana kuγamba: Kihili kikulu cha waja wemwitika Mulungu shichi: kuna alawileye mwe ṅwili wa kimuntu, azalesiγwa kuti aha mpeho, kuti ni mtanda, azalawila walau, azahilikilwa kwa wamzimu, azaona wemtozesha kunu shi, azainulwa na mwe utana wakwe.

Tito 2:13

tiafize kialilo chetu cha nyemi, chibontoke, kukizalawila utana wa Mulungu ywetu mkulu na wa mhouya ywetu Kilisito Yesu;

1. Yohana 5:20

Tataila kuti: Ṅwana Mulungu azaiza, azatinka lutwi, timtaile yuja mwe kweli. Kangi taanga na yuja mkweli na ṅwanae Yesu Kilisito. Uyu ni Mulungu mwe kweli na nkalamo ya kale na kale.

1. Yohana 5:7

Hambu kuna watatu welonga uwona mwe lwingu: Tate na Mbulingwa na Mpeho mṅazi; kangi awa watatu ni muṅwe.