Wakolose 2:18 - Kishambala New Testament 2005

¹⁸ Muntu ashemihoke tuvo jenyu akimikundila kukionyaonya kikiwa na kuvika walau; hambu akialila viya, ashienevyo, ahahikuka bule du kwa mbuli ya ntongonyezi zakwe za kimuntu.

Wakolose 2:18 ပူးပေါင်းရင်းမြစ်များ

Mateyo 24:24

Hambu Wakilisito wa ulongo na wateγanyi wa ulongo watazainuka, watazaγoshola vilozo na vimaka vikulu, waazaγanye, ati vyadahikana, hata waja washaγulwewo.

Waloma 1:25

ni wawo, ndiwo wakiγalusha kweli ya Mulungu ulongo, wakiitika na kuvika kiumbo kuzinka kiumbe mweagiza kutogolwa kale na kale. Amini.

Waloma 16:18

Hambu we ivyoho nkawamtumikila Zumbe, watumikila mafu yawe, wazifya kulonga mbuli nyingi vitana, ne wavyoufya myoyo ya waja washinawo mambeza.

1. Wakolinto 13:4

Lukundisho luγenda haṅwe na uzizimizi na uhozu, lukundisho nkaluna wizu na mhembo, lukundisho nkaluna hiku,

1. Wakolinto 3:3

Hata mishi inu nkamzati mzidahe, hambu mke wa kimuntu. Hambu mwina wizu na nkumbizi, lushe nkamtongela uhalami wa mili yenyu? Nkamwanga kimuntu?

1. Wakolinto 4:18

Kuṅwe wahikuka, viya sezeniize kwenyu.

1. Wakolinto 4:6

Wanduγu, izi mbuli nizaziteγanyiza imi na Apolo kwa mbuli ya inywi, kangwe muhinile mwe ishwi kushezinka viya vigondiγwevyo, kangwe muntu ashezahikuka kwa mbuli ya muṅwe akimupunguza yuja mtuhu.

1. Wakolinto 8:1

Mbuli ya nyama za fika nataila kuti: Ija toshe taitaila. Kangi kutaila du kwahikula, miya lukundisho lwazifya.

1. Wakolinto 9:24

Nkamtaila kuti: Woshe weγuluka mhotwe kuγuluka waγuluka woshe, miya mweinkwa tuvo ni muṅwe du? Hata inywi γulukai ivyoho, kangwe nezemwinkwe!

2. Wakolinto 11:3

Miya sa nyoka imhosizevyo Ewa na ugila wakwe, naogoha vivyoho, hata ntongonyezi zenyu zishezatabaniγwa, mshedahe kumwalila Kilisito.

2. Wakolinto 12:20

Hambu naogoha kufi: Nikizaiza nenimione, sa nishivyokunda kumiona, nami nenioniγwe ni nywiyo, sa mushivyokunda kuniona, kwa mbuli ya nkumbizi na wizu na maya na ulongo na mambeza na leba na mahiku na uhuza ungi.

Waefeso 4:17

Inu mbuli lushe niilonga na kumlanga Zumbe, aγaluke mwona, mshezaanga, sa wamzimu wavyoanga na kufanyanya vishinavyo bontokelo;

Waefeso 5:6

Kusheoneke mwemiazaγanya na mbuli za bule du! Hambu ne vyeleka, maya ya Mulungu yakiizila wanangwa we upapala. Kwa ivyoho msheangilane nawo!

Wafilipi 3:14

viya nitaγulukila tuvo, kangwe niinkwe chiya kitumulo cha uja mwitango ulawilewo kwa Mulungu na kwa Kilisito Yesu.

Wakolose 2:23

Izi mbuli zegondwa kuti: Ni za utalizi kwa viya, wavyokionyaonya, viya watamwitika Mulungu, watakipunguza mwe myoyo yawe, viya watanyima mili yawe vyeagiza, kangi ni ndima ya bule, hambu vikibinda waγoshola luzisho lwoshe lwa mili yawe.

Wakolose 2:4

Ivi nivilonga, kangwe kusheoneke mimtu mwemiazaγanya akihemba kulonga.

Wakolose 2:8

Olelai, kusheoneke mwemitaha na mbuli za utalizi na za ushimolezi wa wantu zena lwufyo lwa bule du! Hambu ni za kiinushi, so za Kikilisito.

1. Timoteyo 1:7

wakunda kuγaluka wafuzi wa mulomongwa, kangi nkawataila wavyolonga na wavyoikila nkani.

1. Timoteyo 4:1

Mpehongwa yalonga na kulaviliza kuti: Mishi ya bindilizo kuṅwe watazatowa hulu viya, ndivyo wakitozesha, watazatongela waja wena mpeho za uwazaγanyi na wehinya mbuli za kimpepo,

2. Petelo 2:14

Mesho yawe yaimemile utesi, nkawadila kubana, wahosa waja washiwotozesha vyedi, myoyo yawe iitaile mizungu yoshe ya kuonela mali, ni wanangwa wa kilano.

1. Yohana 2:26

Ivi nizamigondela kwa mbuli ya waja wekunda kumiazaγanya.

Mfumbulo 12:9

Ijo zoka kulu ni ija nyoka ya kale yeitangwa ṅwenye leba haidu Satani, kangi ne mweazaγanya ngulu ngima; lushe azatambikwa haṅwe naye.

Mfumbulo 13:14

Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

Mfumbulo 13:8

Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

Mfumbulo 19:10

Nizamkinila he milundi yakwe, kangwe nimvike, miya azaniti: Leka ivyoho! Iwe na wanduγu wako watozeshewo uwona wa Yesu imi ni mupuna ṅwenyu. Mvike Mulungu! Hambu uwona wa Yesu ni mpehongwa ya uteγanyi.

Mfumbulo 3:11

Naiza nguzu tozesha viya, uvyona navyo kangwe muntu ashezakuhoka linga jako!